رواية المال مقابل القلب الفصل الأول لهاله الجمسي

 

الحلقه ١٣ و١٤ 

ولسه فى امل

بقلم سها مجدى

عشق قامت تشوف انا بشاور لمين جات وقفت جنبي وبتبص لقتني عماله اعمل باي باي لواحد من الي دايما بيقعد معاه وهوه عمال يشاورلي ومبسوط اوي المهم 

ايريني قالت:شكل البيبسي والاكل اشتغلوا عند غزل زيادة شويه عن اللزوم 

واليوم خلص وكل واحد راح بيتوا عشق كانت ماشية في الشارع دايخة ومش شايفة قدامها اصلا وايريني كانت بتكلمني فون وعايزه تضرب السواق علي قفاه ومصممة اوى وانا بقي واقفه في الشارع مش عارفة انهي واحد بيودي علي البيت وواقفه عماله اضحك وقفلت مع ايريني وكلمت عشق اسالها اروح ازاى وانهي شارع بيتنا وانهي عمارة بظبط هي كانت لسه مش مركزة بردوا كلمت اختي جات اخدتني وروحتني المصيبة اننا كنا واكلين كتير اوى وروحنا اكلنا تاني ولا كاننا ماكلناش بقالنا عمر بحاله المهم لما شوفنا بعض تاني يوم حكينا لبعض ايه الي حصل لما سبنا بعض امبارح وقعدنا نضحك جات الفترة بتاعت الشرح كنا بنتقابل برا نقعد في اي كافيه نذاكر ونتغدا سوا وبعدين صورنا الملخصات الي عملناها وبعدين نروح لغايت لما جات الامتحانات كنت انا وعشق ديما في نفس المدرج هي تقعد قدام وانا ورا او وراها علي طول هي تقعد في اخر صف في اللجنة بتاعتها وانا اقعد اول صف وراها في اللجنة بتاعتي كنا متفقين علي اشارة معينة عشان نعرف اننا خلصنا يعني انا لما كنت اخلص قبلها كنت بمسك شعرها اللعب فيه عشان تعرف اني خلصت اصل عشق مش محجبة وشعرها ناعم وطويل وانا كنت احب اعملها تسريحات في شعرها وايريني كانت بتضايق من الموضوع ده جدا لدرجة انها قالتلهم في مرة 

ايريني:انا كمان اعمليلي زيها 

غزل: لا هي شعرها ناعم وطويل

ايريني:ماانا كمان شعري طويل بردوا

غزل:بس مش ناعم زى شعرها 

المهم ان عشق كانت لما تخلص وانا لسه مخلصتش مثلا كانت ترجع شعرها لورا عندي الي هوه انا خلصت خلاص وقتها بعرف انها خلصت خلاص المهم خلصنا الامتحانات وكنا طول فترة الاجازة بنتكلم علي طول وخلصت الاجازة ونزلنا الجامعة اخيرا احنا مكناش بنخرج في الاجازة مصدقنا خلصنا الاجازة عشان ننزل ونرجع نتقابل تاني كلنا وكمان عشان طول الاجازة كان في مشاكل كتير في البيت عند عشق بسبب باباها طول الوقت يزعقلها ويشتمها وساعات كتير كانت بتوصل لضرب وخنق

ولسه فى امل

بقلم سها مجدى

الي هوه يعني ضرب عنيف ممكن يوصل انها كان ممكن تموت في ايده لما كانت بتقعد تعيط باانهيار بسبب الي بيعملو فيها كنت الاول فاكراها بتبالغ وبزات انها كانت ديما تقول انها متعرفش يعني ايه بابا دي وانها اتكتب عليها انها تبقي يتيمة وابوها عايش كنت بتخانق معاها واقولها متقوليش كده حرام عليكي انتي متعرفيش يعني معندكيش اب زيي انا احمدي ربنا انه عايش بس لما شوفت يعني الي بيعملوا فيها فعلا كان معاها حق في الي بتقوله لما كانت بتشوف مثلا ايريني ازاي بتحكي علي باباها وحياه ازاى بتكلم علي باباها وانهم قد ايه حنينين عليهم كنا بنزعل اوى انا وهي علي نفسنا انا بابا ميت من وانا صغيرة وهي باباها عايش بس مش حنين عليها وعمره حتي مااخدها في حضنه زي باقي الاباهات العادية وللهي احنا عمرنا محسدناهم بالعكس ديما نقولهم ربنا يخليهم ليكوا يارب بس كان نفسنا يبقي عندنا اب كده يعني انا حكولي ان بابا كان طيب اوى وكل الناس بتحبه وبيساعد كل الناس حتي بعد مااتوفي بيفتكروه بالخير ديما ويترحموا عليه كان نفسي اقابله واعرفه اوي كان نفسي يفضل موجود ويبقي سندي في الدنيا علي الاققل لو كان موجود مكنش اي حد هيقدر ياذيني بكلمة حتي وحشتني اوي يابابا 

انما عشق لا ديما ضرب وشتيمة ويدعي عليها يعني عشان تاخد مصاريف الجامعة كانت بتاخدهم بشتيمة والدعا عليها ويقولها انا تعبت انا بسببك نزلت شغل تاني ربنا ياخدك وتريحيني منك كان يوم اسود يوم لما شوفتك ولما مثلا يلاقيها بتكلم في الفون فجاة نسمع صوته بيزعق ليها ونسمع حاجه اتخبطت جامد نعرف انه مسكها من شعرها ورزع دماغها في الحيطة يخنقها ولما تكون معانا وتروح يقولها وهي واقفة قدام باب الشقة بعلو صوته شوفي كنتي مع مين وارجعي عنده وحاجات تاني كتير من النوع ده مافيش اي حد بيحبه خالص كل الناس مش بطيقه كانت ساعات كتير تعيط وتقول انا مش عايزة اتجوز كلكوا عايزين تتجوزوا حد زى باباكم انا معنديش حد اقول عليه زيكوا كده انا اصلا محدش هيجي لما يعرف الي هوه بيعملوا فيا مين ده الي هيقبل بحد زيي كده ويرضي يكون ليا كل حاجة اب وام وعيلة انا هبقي حمل تقيل عليه اوى لا انا مش هسمح لاي حد يدخل حياتي كفايا الي بيحصل فيا انا مش قادره استحمل حد يقذيني اكتر من كده بجد انا تعبت وكانت تبص للسما وتعيط وتقول يارب انا تعبت مش قادرة استحمل بجد انت شايف انا بيحصلي ايه وبسمع كلام زى الزفت ارحمني يارب

يتبع