الفصل الأول عشق الكنان الجزء الثاني

 طبيب القرية

 الحلقة ٤ 

الكاتبة صفاء حسنى الطيب 

في الصباح العيلة كلها كانوا متجمعين على السفرة 

كان صقر يتحدت مع مالك :

 حالك إتغير كتير وأنا فخور بيك ياولدي 

ابتسمت وردة 

فعلاً ياحج بجى عاجل اوى،و بجى جد المسؤولية 

هز صقر راسه بخوف من التغير المفجاءة ده وتنهد:

 أما نشوف هيفضل إكده ولا هيجلب مرة تانية 

رفضت وردة : 

لا تف من حنكك هيكون سيد الشباب وبكرة هتشوف

تنهد صقر : 

يسمع منك ربنا ويظبط علي اجديه، 

ووجه حديثه ل مالك 

نفسي أعلمك كل حاجه تخص النيابه، عشان في المستجبل تكون بدالي يا ولدي 

هز راسه مالك :

 أكيد يابوي أنا تحت أمرك 

ابتسم صقر : 

تسلم من كل شر يا ولدي يعني معدتش هتسافر واصل 

ابتسم مالك بنظرة خبيثة وبعد ذلك وطمنه 

 ياولدي أنا شايف كفاية كده تعليم،هناك، واهتم بكل أعمالك إهنه

ابتسمت وردة وصاحت من الفرحة  :

عين العجل ياولدي وسيبك من بنات الكفر والتسالي وشي بجى وحش من كتر الكلام وأبوك تعب  

هز راسه مالك بخجل : 

حاضر يا أمي تحت أمرك 

ابتسم صقر : 

بجد ياولدي يعني ممكن تتجوز وتفتح بيت بجى 

ابتسم مالك ابتسمة نصر انه وصل للنقطة المهمة الا تعب عليها طول الفترة دي:

 ايوه يابوي وكمان لجيت البت المؤدبه اللي هتصوني وهتكون شرفي وتحافظ عليا لا يهمها مال او جمال او حسب او نسب بت قوى اوى 

توقف مالك لحظات وهو يوصف زبيدة 

ابتسمت وردة :

 بحق ياولدي مين هي وأني هروح أطلبها لك 

فاق مالك من شروده بعد وصفه ل زبيدة : 

حجيجي ياما 

ابتسمت وردة :

 أكيد ياولدي وأني ليا أعز منك 

اوقفها صقر وقال :

 اصبري بس لتطلع  بت من البنات اللي كان مجضيها معاهم 

هز راسه مالك بالنفي :

 لاع  يابوي داي بت مليحه جوي زى ما جولت ليك 

سالته وردة بلهفة :

هي مين ياولدي 

حان الاحظة الا كان منتظرها مالك وابتسم ابتسامة خبيثة وقال: 

زبيدة ياما 

عجل وردة وقف لحظة وسالته 

 زبيدة مين داي يكونش جصدك بت الجنايني 

ابتسم مالك :

 إيوه ياما

انصدم صقر و جام متعصب 

وما لاجتش غير بت صباح تتجوزها 

استغرب مالك وقال : 

اسمه بت عتمان يا أبوي مين صباح الا بتجول عليها 

صرخ صقر 

 اسمعنى  ياولدي حديتى مليح أني هجوزك أحسن بت في كفر غريبة، أو من الكفور اللي حوالينا، لكن بت صباح لاع

ووجه حديثه ل وردة 

 وما تهوبش  لا زبيدة والا صباح ناحية الدار واصل فاهمة يا وردة 

ابتسمت وردة ما بين  نفسها  هى ايضا وقالت 

حاضر يا حاج متزعلش نفسك واصل وكمل وكلك 

رفض صقر : 

سديتوا نفسي أروح ألف على الغيطان وجهز نفسك يامالك 

تيجي معايا 

ساله مالك :

 حاضر يابوي لكن 

نفخ صقر : 

ملكنش عايز تعاود  برا البلد عاود أما البت داي لاع فاهم 

ومن غير حديت كتير 

ساله مالك بفضول  :

 طيب أفهم  ليه رفض الحديت عن زبيدة ايه الا يعيبها 

صرخ صقر : 

من غير فهم كلامي يتسمع إختار بت من بنات عمامك أما دي لاع وخلص الحديت  

خرج صقر  ورزع باب البيت وهو بينفخ 

إبتسم مالك مابينه وبين نفسه لنجاح خطته وكمل حديته مع وردة 

مالك :

 هو إيه اللي حوصول لكل ديه مالها البت هو إنتم لسه بتفكروا التفكير ديه بت جنايني وبت وزير والا يعرفيه انك مكنتش من مستوى ابوى ورغم اجديه عمل المستحيل عشانك 

بلعت وردة ريقها بحسرة مدفونه  وقالت 

 الموضوع مش اكده الموضوع ماضي وممكن يتعاد مرة تانيه فيك 

سالها مالك هو ايه 

.....................

 

.......

بدا يحكى الا حصل 

دخلت صفية على المطبخ :

 داده عاوزة أشرب 

اقتربت أم محروس: 

عطشانه يابتي تعالي وشالتها حطتها على الترابيزة وسالتها   مكملتيش وكلك ليه معاهم 

كانت بتشرب صفية وهى بتبلع قالت : 

أبوي اتعصب على مالك وساب الوكل وجام 

اندهشت أم محروس :

 ربنا يهديه ويرزقه ببت الحلال اللي تسعد أيامه ويبعد عن السكة الشينه دي وتاجي تطلع الجديد والجديم عليه 

اكملت صفية شرب  وبلعت الميه

 ما هو ديه السبب في زعيق بوي لمالك طلب يتجوز زبيدة وهو قال لاع على جتتي 

انصدمت أم محروس وشهقت  : 

يا نهار مطين ما كانش ناجص غير إكده ديه كارثة 

سالتها صفية :

 كارثة ليه دي زبيدة بت جميلة وشاطرة في المدرسة 

تنهدت أم محروس :

 إنتي مافهماش حاجة الموضوع جديم جوي 

.......

مر شهر والكل بيتكلم عن الموضوع ديه ووصل الخبر لزبيدة 

دخلت صباح على بنتها وكانت بتشدها من شعرها  :

 موعداه بايه يا بت الفرطوس عشان يتجنن ويتجوزك 

كانت زبيدة تتوهاه : 

والله ياما متحدتش معاه واصل من شهرين 

نفخ عتمان : 

طب إيه الحديت الماسخ  اللي بيدور في البلد ديه إنه طلب يدك من أبوه ومصمم 

انصدمت زبيدة :

 والله ماعرف حاجه يابوي ومفهماش حاجة .

شعرت صباح  :

 إحنا لازمن نسيب الكفر يا عتمان .

انصدم عتمان :

 إنتي خايفة من إيه بس، واحد طلب يد بتك ديه حاجه تفرح مش تحزن 

نظرت له صباح : 

تفرحنا في إيه أنت فاكره حيسبني المرة ديه 

طلب عتمان منها : 

ممكن  تجفلي على الموضوع ديه مفهوم 

هزت رأسها صباح بالرفض  :

 لاع مش هينفع ده قاصد عشان يكسرني  

.......

باك 

اوقفته نهر وهو يحكى وسالته  : 

هو إيه السر وأكيد  ساعدك إنك تنفذ الخطة وأمي صفية كانت فين 

ابتسم الخال : 

صفية كانت عيلة صغيرة لما سمعتني وأني بطلب يد زبيدة نزلت المطبخ  وجالت كل حاجه و في خلال أسبوع كان الموضوع انتشر في البلد 

ضحكت نهر : 

 يعني امى   ساعدتك علي الشر من غير ماتقصد .

ابتسم الخال : 

 اه أنا فجأة لجيت الخطة ماشيه لوحدها من غير ما أعمل أيوتها حاجة 

طلبت نهر منه يكمل  : 

طيب كمل حوصول إيه  وعايز  يكسرها ليه 

ابتسم الخال :

 طلع أبوي كان واجع في حب صباح 

شهقت نهر : 

عرفت إزاي كل ديه ياخال 

ابتسم الخال : 

بعد شهر لما الإشاعة انتشرت نادى أبوي علي وحكالي الحكاية كلها

نهر اللي هي إيه 

.....

فلاش باك 

كان صقر ينظر الى الفراغ ينتظر مالك 

دخل مالك وهو متوقع انه يتكلم فى نفس الموضوع ويقنعه ببنت تانى ودخل وقال 

نعم يابوى انت طلبتنى 

تنهد صقر وساله

: إنت  لسه مصمم ياولدي على الموضوع ديه 

مثل مالك انه مش عارف بيتكلم عن ايه وساله :

تجصد موضوع ايه 

نفخ صقر وقال 

موضوع جوزك من بنت صباح 

ابتسم مالك وساله

 أني ماعارفش إنت ليه رافض، عشان فجيرة ماإنت اتجوزت أمي وهي كانت فجيرة 

هز راسه صقر بالنقي :

 الموضوع مش اكده واصل 

ساله مالك 

طيب سبب الرفض ايه مش لازمنى افهم 

تنهد صقر :

 زيبدة  تكون جريبتي امك يعنى  خالتها،و وصباح خالتك 

انصدم مالك :

 نعم زبيدة بنت الجنايني تبقى بنت خالتي وليه محدش خبرانى 

تنهد صقر : 

وكان ممكن صباح فى يوم من الايام  تكون أمك 

نظر مالك له بدون استيعاب :

 مش فاهم ممكن توضيح 

تنهد صقر ووضع يده على كتف مالك وقال :

 شوف  ياولدي وأني صغير  وشاب زيك إكده وجعت في حب صابحه خالتك كنت بدلعه اجديه هى اسمها صباح وانى كنت اجول لها انتى صابحة جلبي، لكن جدك عرف ورفض وحلف يحرمني من كل حاجة لو مسبتهاش 

انصدم مالك ونظر له وساله 

وايه اللي حوصول 

اكمل صقر بتنهيده كبيرة ووجع سنين : 

فكرت إني لو اتجوزتها من وراهم أبوي هيرضى  بالأمر الواقع وفعلاً روحت وطلبت اتجوزها  في السر وبعد فترة أحط أبوي جدام الأمر الواقع رفضت صابحه في البداية وبعد شوية وافجت لكن يكون الجواز برا البلد عشان أهلها ما يتأذوش سافرت عشان  أجهز كل حاجه لكن لما رجعت عرفت إنها اتجوزت عتمان إبن الجنايني كنت حزين و مكسور لكن قررت أنتجم منها

تنهد مالك وساله 

مش يمكن غصب عنها 

نفخ صقر : 

لاع بعد ما اتجوزت كانت عاوزه صابحه  تسيب البلد لكن أبوي صمم إنهم يفضلوا يشتغلوا جوا الجصر عشان يكون عقاب ليا إني أشوفها جدامي  مع واحد غيرى  لكن أني عنيد واتجوزت أمك اللي  بتكون أختها الصغيرة عشان أوجع جلبها وحطيت الكل جدام أمر واقع 

استغرب مالك : 

يعني  انت متكلمتش معاها بعد إكده 

تنهد صقر بعد ما اتولدت 

.........

في نفس الوقت في بيت صابحه 

نظر عتمان ل  لصباح 

انتى   خايفه من القصة الجديمة تتكرر 

نفخت صباح  : 

اه ما اتمناش لبتي تعيش حياة تعيسه 

شهق عتمان : 

حياتك معايا كانت تعيسه شكراً يا بت الأصول 

نظرت له صباح  : 

متعيش دور المظلوم إنت عارف وأني عارفه إني اتجوزتك غصب بعد ما أبوه هددني  إنه يسجن أبوي ويشردني أني وأهلي وكان زواج على الورج لوجت طويل لحد ما إبنه اتجوز أختي بعد 5 سنين وجاب المحروس وقتها طلبت مني إني أعيش حياتى وأنساهم صوح

تحدث بخجل عتمان :

 صوح  لكن ما جبرتكيش علي حاجه 

تنهدت صباحه :

 هو أني جلت حاجة زي اكده أني خايفة لأن الواد نسخة من أبوه وكل يوم مع وحده شكل فجأة  عايز يتجوز بتي الموضوع فيه إنه 

طمنه عتمان : 

ولا إنه ولا حاجه مدام الواد مجاش عندينا تبجى إشاعة وخلاص

تنهدت صباح: 

أتمنى اكده 

 سابت صباح  عتمان وراحت لبتها اللي سمعت كل الحديت اللي دار بين أمها وأبوها وسابتهم ودخلت أوضتها سالتها 

 : مالك يابنيتي وايه الدموع دي كلها بتحبيه جوي كده

هزت رأسها زبيدة بالنفي و بحزن حضنت أمها : 

لاع  ياما أني مستغربه إزاي جدرتي تعيشي إنتي وأختك في مكان واحد وهي هانم وإنتي خدامة 

ابتسمت صباح :

 كنت لازمن أحمى أهلي يابنيتي عشان مهنجدرش نجف جدام أبوه وعملها هو اتجوز من أختي الصغيره بالسر ضحك عليها بالكلام المعسول وبعده بشهر جه وأخذ أختي وجال إنها مرته أبوي من الصدمة  مات بحسرته 

سالتها زبيدة : 

هو ماكانش زواج عند مأذون ياما 

رفضت صباح: 

أكيد طبعاً عند مأذون لكن اتجوزت من ورانا كنت عاجزه للمرة التانية ولما أختي ولدت مالك أني كنت معاها وماسبتهاش 

فلاش باك

فاقت وردة بعد الولادة وجدت صباح معها سالتها :

 إنتي يا صباح  ياأختي معايا هنه رغم أني أخدت منك الإنسان اللي بتحبيه 

رفضت صباح حديثه: 

ما تقوليش إكده ديه جوزك وبس وديه إبنك بلاش نجلب في الجديم مفهوم 

سالتها وردة :

 يعني مسمحاني ياختي أني عارفه إني كنت أنانيه لكن ماتنسيش أني كنت مرسال الغرام مبيناتكم وكنت بوصل جوبات مابينكم وبسبب كلام الحب اللي كنت بقراه وقعت في حبه أني كمان 

وكمان أني ماوصلتش آخر جواب منك ليه واللي إنتي كنتي كاتبة فيه سرع الموضوع أبوك مصمم يجوزني لواحد تاني

رفضت صباح تسمع منها وقالت :

 كل شيء جسمة ونصيب ولو ليا نصيب معاه كنت معاه دلوقيت 

 شالت صباح الولد وسالتها 

 هتسميه إيه 

طلبت وردة منها 

 سميه إنتي ياختي عشان أصدج إنك سامحتني 

كانت صباح مستغرب جبورتها وطلبها للسماح وقالت:

 مالك مصممه على الحديت المساخ ديه انتى لسه ولادة اهتمى بصحتك 

ابتسمت وردة : 

مالك أني هاسميه مالك عشان  افتكرك كل مانادي عليه. إني ظلمتك 

تنهدت صباح: 

اللي تشوفيه يا أختي لكن صدجيني أني نسيت الموضوع  وبحب جوزي 

فى نفس  اللحظة دخل صقر بعصبيه وانحرق من جواها 

 لم سمع كلمة بحب زوجي  وصرخ فيها 

إيه إلى جابك إهنه ديه أوضة أسيادك مفهوم 

اعتذرت صباح:

 مفهوم آسفه يا بيه وخرجت

....

انصدم مالك :

 ليه اتعصبت عليها اكده رغم إنك خلاص اتجوزت أمي 

نفخ صقر  : 

أصعب حاجة ياولدي الغدر والخيانة وهي مااستنيتنيش 

ساله مالك : 

عملت ايه وجتها 

ابتسم صقر 

روحت وراها عشان أحرج دمها 

فلاش باك

ابتسم صقر  : 

استنى عندك يا جبانة شايفة أختك، طلعت أحسن منك شوفي بنفسك لما هي تكون ستك وتاج رأسك وإنتي مرات الجنايني اللي عندي وتشيلي الطين تعرفي وقتها يعنى إيه تغدري بيا  .

نظرت له صباح بوجع :

 ربنا يسعدك إنت وهي وأني سعيدة مع عتمان 

سحبها صقر  نحوها وهو مشتاج ليها كثير وكان جسدها يلمس جسده وشعر بالضعف ثم ابعدها عنه وضحك بسخرية : 

 بتضحكي على روحك صوح أني جبت ولد وإنتي لسه بنت بنوت  وتجولي سعيدة يا صابحة 

نظرت له صباح بصدمة

 إيه الحديت الماسخ ديه هو إنت كنت معانا استحي على دمك وروح لمرتك اللي جابتلك الولد وأفرح بيه هي وإبنك واعجل

نفخ صقر بغيظ  :

 ماشي يا صابحه أني عارف إنك بتموتي من جواكي وإنك هتفضلي كده طول عمرك أرض بور يا بت خالتي 

ابتسمت صباح وقالت

 يبقى ماعارفنيش يابن خالتي أني صابحه فاهم وعمري ما أكون أرض بور  لأني حامل 

وجعت الكلمه  على مسمع صقر بصدمة

 نعم 

ابتسمت صباح  اللي سمعته

 عيش حياتك وانساني 

.......

سالتها زبيدة :

 كنتي حامل فيا وقتها 

هزت رأسها صباح بالنفي :

 لع ه لكن قررت إني أعيش حياتي مع أبوكي وربنا رزجني بيكي

 أني يابتي استحملت أعيش هنا عشان أطمن إنه مش هيرمي أختي في يوم لأني عارفه إنه اتجوزها عند وممكن يسيبها وفعلا كان كل مرة يعاملها حلو عشان يغيظني لحد ما اتعودت وأني اشتغلت في بيت تاني وأبوكي فضل عندهم 

ضمتها زبيدة :

 وعد ياما مش هكسرك مرة تانيه 

نزلت دموع  صباح :

 ياريت يا بتي 

تابع