الفصل الأول عشق الكنان الجزء الثاني

 

 وانتى تسمعى الكلام وانتى ساكته مفهوم.

ملك:ولو مسمعتش يعنى هتعمل ايه.

امير:يحملها ويدخل بيها لغرفتها ويضعها فى السرير وينظر فى عينيها.

لتتوتر ملك وتدير وجهها للوجه الثانيه.

ملك بخجل:انت بتعمل ايه ابعد كدا.

امير:وابعد ليه مش مراتى وانا حر ولا ايه رايك.

ملك:انا اصلا مكنتش موافقه وانت اتجوزتنى غصب فمتقولش مراتى.

امير:تمام انا موافق انا مش هقول مراتى ولا اخد حقوقى وانتى متقوليش انا حره واسمعى الكلام.

ملك:لا انا اقول اللى انا عايزه اقوله وانا حره.

ليقبل امير شفاتاها وهى تنظر له بعيون صادمه.

ويبعد امير عنها ويقول:ها حلو كدا لسه بردو هتعندى وتقولى انتى حره ومش هتسمعي الكلام.

ملك:انت قليل الادب ومترتبتش على فكره.

امير:انا هعديلك الكلام دا علشان بس الصدمه اللى انتى فيها بس من هنا ورايح اى حاجه هيبقى ليها عقاب تمام.

ويخرج امير لتحضير الطعام ولكنه تذكر فونه فى الغرفه ليتصل بالمشفى ليطمئن على والدته ليدخل وينصدم من المنظر.

ملك وفى يديها كيس مخدرات تحاول ان تتعاطاه.

ليسحب منها امير الكيس.

امير:ايه اللى انتى بتعمليه دا حراااام عليكى.

ملك:هات بس اخر مره والله خلاص اخر مره مش هاخد تانى هات الكيس.

امير:لا طبعا مش هدهولك انتى جبتيه منين دا اصلا.

ومسكها امير وفتش ملابسها وشنطتها وكل شئ حتى اخرج كيسين اخرين من اشيائها فذهب الى الحمام والقاهم هناك ورجع اليها.

امير:انطقى جبتى الحاجات دى منين انطقى.

ملك:معرفش انا لاقيتها.

امير:انتى هتستعبطى لاقيتها فين يعنى هى برشامه صداع دى مخدرات انطقى جبتيها منين.

ملك:جبتها مكان ما جبتها وانت مالك انت مش خلاص اخدتهم ورماتهم عايز ايه تانى سبنى فى حالى بقى كفايه دماغي اللى انا مش طايقاها.

امير:مالك انتى ملاكى انتى حبيبتى انتى البراءه اللى فى عينيها هى اللى شدتنى ليكى وخلتنى اتعلق فيكى فى ايه ايه اللى غيرك كدا.

ملك:عايز تعرف ايه اللى غيرنى كدا لما تبقى عايش 20 سنه مع شخص مفكر انه ابوك وبعدين تكتشف ان جوز امك مش ابوك وتكتشف انه كان بيحطلى المخدرات فى الاكل والشرب علشان ابقى تحت رحمته واعمل اللى هو عايزه وكمان اعرف انه هو اللى باعت شريف ليا يضحك عليا علشان يصورنى ويفضحنى فى كل حته علشان يبقى معاه كارت تانى يضغط عليا بيه لما عرف انى نويت ابطل مخدرات وهو اللى بعتنى ليك علشان اتجسس عليك واقولك على حاجه كمان لو عرفتها هتكرهنى ومش هتعرف تبص فى وشي.

امير:ايه انك السبب فى ان امى تكون فى المستشفى.

ملك بصدمه:انت عرفت ازاى.

امير:عيب تسالنى السؤال دا انا ظابط فى الداخليه.

ملك:انت عرفت امتى.

امير:من ساعه امى مادخلت المستشفى.

ملك:ومع ذلك فضلت جمبي وبتساعدنى وبتحبنى.

امير:اكتر من الاول.

ويقترب منها ويضع يده على كتفها.

امير:انا كل يوم بحبك اكتر من اليوم اللى  قبله وكل مره اشوفك فيها اتعلق فيكي اكتر انتى قلبي وروحى وحياتى كلها ياملاكى.

لتحتضنه ملك وتبكى بكاء ندم.

ملك:انا اسفه حقك عليا هو هددنى انه ينشر الصور والفيديوهات ويرمينى فى الشارع انا اسفه.

امير:انا مش زعلان منك انا عارف انه غصب عنك انا شفت خوفك وقلقك على امى من ساعه مادخلتى البيت دا وانا عارف انك مش قصدك تاذيها بس ساعدينى علشان نعدى المرحله دى سوا ياروحى.

ملك:مش قادرة يا امير انا مش هقدر.

امير:لا طبعا هتقدرى علشانك وعلشانى وعلشان مستقبلنا وانا معاكى وعمرى ماهسيبك ابدا انت حته منى ياملك.

ملك:وانا عايزه اخف والله عايزه اخف واعيش طبيعى وابقى زى زى باقيه البنات.

امير:هيحصل والله ليحصل بس انتى ساعدينى ماشي ياقلبي.

ملك:حاضر يا امير هحاول.

وبعد اسبوع ماجده خرجت من المستشفى ورجعت البيت وامير حكالها كل حاجه وهى تقبلت وجوده وتقبلت ملك وعايشين مع بعض.

فارس كان ذاهب لامير البيت ليلتقى بايمان على السلم.

فارس:صباح الخير يا انسه ايمان.

ايمان بخجل:صباح النور يا استاذ فارس.

فارس:ايه استاذ دى ارفعى الالقاب بقى قولى ياحضره الظابط ..ياسياده النقيب.

تضحك ايمان .

فارس:يادين النبي احلى ضحكه دى ولا ايه مع انى زعلان منك يا انسه ايمان.

ايمان:زعلان منى انا ليه خير عملت ايه.

فارس:سرقتى قلبي...قصدى عرفتى انى اترقيت ومقولتيش مبرووك وحتى لما باجى زياره لامير بتخدى بعضك وتمشى للدرجه دى انا وحش ومش طايقه تقعدى معايا ولا تشوفى وشي.

ايمان:لا مش كدا والله بس يعنى بسيبكم تقعدوا براحتكم يعنى وانا معرفش انك اترقيت والله مبروووك.

فارس:الله يبارك فيكى بس كدا على الواقف ومبرووك حاف كدا كمان مفيش كوبايه عصير حته جاتوه كوبايه مايه على الاقل انتو ناس بخيله ولا ايه.

ايمان:لا والله ابدا طبعا تشرفنا وتنورنا فى اى وقت.

فارس:طيب ممكن اعدى عليكم النهارده بعد الغدا كدا انا وامير.

ايمان:طبعا تشرف وتنور.

وتستاذن ايمان ويصعد فارس لامير ويدخل البيت.

فارس:مساء الخير ياست الكل.ويقبل يد ماجده.

ماجده:اهلا بيك يافارس يابنى عامله ايه.

فارس:بخير طول مانت بخير ياست الكل.

وعايز اقولك على مفاجاه ايه من الاخر.

ماجده:مفاجاه ايه دى.

فارس:استنى بس لما نشوف عصافير الكنارى فين.ياامير ياملك انتو فين.

يدخل عليه امير.

امير:ايه يابنى مالك عامل دوشه على المسا كدا ليه.

فارس:جعااااان انتو عزمينى علشان تجوعونى ولا ايه.

امير:يامفجوع اصبر على رزقك بعمل الاكل اهو.

فارس:بتعمل الاكل اهو امال فين مرات اخويا تلحقنى انا مش عايز اتسمم.

امير:بتعمل السلطه وجيالك ياخويا.

فارس:طب كنت عايزك فى موضوع كدا يا امير.

امير:طيب ماشى تعالى نتكلم فى البلكونه.عن اذنك يامى.

ويدخلوا البلكونه.

فارس:بص بقى من الاخر انت عارف مليش فى المقدمات وكلامى دبش ومش بعرف اتكلم من الاخر كدا عايزك تخطبلى.

امير:ايه اخطبلك ياواد احنا دفعه واحده اخطبلك ايه ومين دى المتعوسه المنحوسه اللى عايز تتجوزها.

فارس:ايمان جارتكم.

امير:يانهارك اسود ملقتش غير دى يافارس خلاص خلصو بنات الدنيا.

فارس:فى ايه ياامير مالك مالها ايمان يعنى.

امير:ايمان البت اللى كان بيحبها ياسر الله يرحمه وامه عارفه كدا فانت لما تروح تقولها هتجوز ايمان عايزاها تعمل ايه اكيد هتزعل يعنى.

فارس:ماشي يا امير بس البت كدا كدا هتتجوز يعنى مش هتقعد كدا على طول واللى عرفته واللى فاهمته انها مكنتش بتحب ياسر

 يعنى الحب كان من طرف واحد.

امير:ماشي هى كدا كدا كانت هتتجوز يبقى حد بعيد عننا مش نجرح الست كدا واننا بنخون ابنها.

فارس:خاااينه مره واحده انت مالك مكبر الموضوع كدا ليه.بص احنا نعرض عليها الامر والله لو اعترضت انا اوعدك انى انسى الحوار دا كله نهائى.

امير:ماشي بس بعد الاكل علشان تعرف تاكل.

فارس:ماشي ياخويا بس قولى ملك عامله ايه دلوقتى.

امير:والله بتتحسن اهو شويه شويه فتره تكون كويسه وفتره تانيه تنهار بس اخر مره التحاليل كانت فى صالحها يعنى وتقريبا المخدرات طلعت من جسمها بس لسه بقى التحاليل الجايه نتاكد اكتر.

فارس:لا ان شاء الله خير وهتبقى كويسه وعال العال كمان.ايه مش ناووين تفروحنا بعيل ولا ايه.

امير:منين ان شاء الله ملك لسه خايفه منى من ساعه حادثه الاغتصاب بتاعتها وانا مش عايز اضغط عليها ولا افتح معاها الموضوع تانى كفايه حالتها الصحيه والنفسيه بسبب المخدرات نعالج حاجه حاجه.

فارس:انت ادها وقدود ياخويا اجمد كدا البيت دا كله محتاجاك انا لسه محتاجاك اهو تخطبلي.

امير:اه صحيح ايه حوار تخطبلى دا.

فارس:مانت عارف يا امير ان ابويا وامى متوفيين وانا وحدانى لا اخ ولا اخت ولا خال ولا عم فانت اخويا الوحيد وعيلتى ونظرا لان كلامى دبش فانت هتخطبلى بقى.

امير:وانت والله اكتر من اخويا يافارس وانا انسى وقفتك معايا انا وملك فى القضيه.

فارس:انا اللى مفروض اشكرك دا انا اترقيت بسببها.

امير:ايوا بس كان ممكن تترفد من الداخليه خالص لو مكناش عرفنا نوقع هلال ناجى.

فارس:ازاى يعنى امير الشافعى حد يفلت من تحت ايده انت بتهزر ولا ايه ولا دا تواضع مزيف منكتدخل عليهم ملك لتناديهم للغدا يتغدون سويا ويقوم فارس بتوصيل ماجده لغرفتها ويساعد امير ملك فى جمع الطاوله وعمل الشاى.

فى المطبخ تقف ملك لعمل الشاى لتجد بيد تحاوطها من وسطها وتضمها من الخلف.

امير:تسلم ايدك ياست البنات.

ملك بخجل:على ايه انت اللى عملت كل حاجه انا بس ساعدتك فى حاجات بسيطه.

امير:اهى الحاجات البسيطه دى اللى حلت الاكل اذا كان وجودك خلى حياتى حلوه وليها طعم نفسك ولمستك للاكل مش هتحليه.

ملك تبعده بخجل:بس بقى خلينى اعرف اعمل الشاى ابعد شويه.

امير:مش قادر ياملاكى ابعد عنك.

ملك:وبعدين بقى.

امير بقله حيله وحزن:ولا قابلين ياملك خلاص حاضر هاتى انا اعمل الشاى وانتى روحى ارتاحى وخدى دواكى وادى ماما دواها لوسمحتى.

ملك بحزن:انت زعلت منى ولا ايه.

امير:لا ابدا وازعل ليه يلا روحى زى ماقولتلك.

وتخرج ملك ويكمل امير الشاى ويذهب لغرفه ماجده وفارس وامير ينظرون لبعضهم.

ماجده:فى ايه مخبين ايه ولا عايزين تقولوا ايه وخايفين.

فارس:سلاما قولا برب الرحيم انتى شايفانا ولا ايه.

ماجده:اه طبعا بقلبي شيفاكم مانتو ولادى يبقى لازم احس بيكم يلا قولو فى ايه.

فارس وامير ينظرون لبعضهم ويحرضون بعضهم للكلام.

ماجده:طب قول انت يافارس مش كنت بتقول عندك مفاجاه ايه هى بقى.

فارس:مفاجاه....مفاجاه ايوا...هو بس ..اصلى انا يعنى عايز ااا..

ماجده:فى ايه خوفتونى بجد والله حد فيكم ينطق.

فارس:من الاخر كدا انا عايز اتجوز ايمان االى ساكنه فوقيكم.

ماجده:هو دا الموضوع ومالك كنت خايف تقول ليه.

فارس:بصراحه كنت خايف على زعلك والله اعلم انتى فى مقام المرحومه امى الله يرحمها.

ماجده:الله يرحمها وانا ازعل ليه بس انا افرحلك دانت زى ابنى تمام انت وامير والله.

فارس:علشان خاطر ياسر يعنى الله يرحمه.

ماجده:الله يرحمه هى كدا كدا كانت هتتجوز يعنى كانت هتفضل قاعده طول العمر وبعدين ياسر ابنى وانت كمان ابنى وانا ايه اللى هيزعلنى بقى وتصدق بقى انى رايحه معاك اخطبهالك كمان.

فارس:بجد.ياامى انتى مش زعلانه.

ماجده:والله مش زعلانه خالص بالعكس انا فرحانه ليك يابنى والله.

فارس يقوم ويقبل يدها وراسها ويقول:ربنا يخليكى ليا يارب ويلا انجزو وخلصو علشان واخد منهم معاد النهارده.

لينصدم امير وماجده من سرعته وصعدوا لايمان يطلبوا يدها ووافقو اهلى العروسه وهنا قامت الست ماجده باهداء شقه ياسر لفارس وايمان التى كانت ملك لياسر.

وفى يوم الزفاف كانت ملك مع ايمان فى الكوافير حتى استقبلت مكالمه هاتفيه من امير.

امير:ايوا يا ملاكى لسه فاضل كتير عقبال ماتجهزوا.

ملك:لا خلاص قربنا نجهز اهو.

امير:طيب هتلاقي ناس دلوقتى داخله عليكى اسمعى كلامهم علشان محضرلك مفاجاه.

ملك:مفاجاه ايه دى.

امير:بحبك ياملاكى.

وانتهت المكالمه لتجد ملك بقدوم مجموعه من البنات حاملين شئ كبير لتفتحه لتجده فستان زفاف على اخر صيحه وشكله يجنن لترديه وتجهز هى الاخرى وعندما انتهو من التجهيزات حضر كلا من فارس وامير وهم يرتدون بدلات سوداء كلاسيكيه بسيارتهم التى كانت متزينه باجمل الورود ليستقبل كلا منهم عروسته بحفاوة وحب وذهبوا للفرح واقاموه.

امير:انا وعدتك ياملاكى انك هتكون زي باقيه البنات ودا كان اهم يوم فى حياه اي بنت ومحبتش يروح عليكى تتجوزينى ياملاكى.

وهنا ملك تحتضن امير بشده.

ملك:بحبك يا اميرى انت منقذى وحبيبى انت كل اللى ليا وحياتى كلها.

ليحملها امير ويلف بها فى وسط كل المعزومين ويعمل بالمثل فارس وايمان.

 فى منزل ماجده ملك تجرى ورا ملاك ابنتها.

ملك:يابت تعالى هنا خلصى اكل.

ملاك:خلصت اكل مش عايز اكل تانى.

ملك:يابت تعالى اسمعى الكلام.

ملاك:انا حره مش عايز اكل.

امير:هاهاها بت ابوكى اللى بتجيب حقى.

ملك:انت فرحان فيا وبتقوى البت عليا.

وهى تمشي تتعرقل وتكاد تقع حتى امسك بها امير.

امير:مش تخلى بالك ياملاكى.

ملك:معقوله اقع بردو وانت موجود يااميرى يامنقذى.

لتاتى ملاك وتبعد والدتها وتمسك.والدها وتقول:دا اميري انا وحبيبى انا.

ليحملها امير ويقبل خدها ويقول:انتى قلبي ياحبيبى وماما دى روحي انتو حياتى كلها.

ملاك:بابا هو انا لما اكبر واتجوز ياسر هيقولى زى ما بتقول لماما كدا.

امير بغيره:نعم تتجوزى مين ...ويعمل ايه.انتى جبتى الكلام دا منين.

ملاك:من ياسر يابابا بيقولى لما نكبر هنتجوز انا وهو.

امير:فااااارس انت ياللى اسمك فارس.

فارس:ايه يا امير في ايه.

امير:خلى ابنك يبعد عن بنتى انت سامع.

فارس:ابنى عند ستو ماله ومال بنتك.

امير:ابنك بيقول لبنتى انه هيتجوزها لما يكبروا.

فارس:هاهاهاها هو دا اللى معصبك كدا.

امير:ايوا بنتى بتاعتى وهتفضل معايا مفهوم خلي ابنك يبعد عن بنتى مفهوم.

فارس:الحقى يا امى امير اتجن والله.

ماجده:فى ايه مالكم هو انتو كل يوم على كدا اهدوا بقى انتو كبرتو وبقى عندكم عيال.

فارس:امير عايز بنتو جمبه وقال ايه مش عايز يجوزها.

ماجده:فى ايه انا مش فاهمه حاجه.

فارس:ملاك بتقول لامير ان ياسر قالها هيتجوزها والاستاذ متعصب.

ليدخل ياسر عليهم الغرفه ويقول:والله هتجوزها ولو انت مش،موافق ياعمو امير انا كدا كدا هتجوزها مبقاش ياسر ابن فارس لو متجوزتهاش.

ويضحك من فى الغرفه جميعا.

...........تنتهى هنا قصتنا ورواياتنا والقاكم فى روايه قادمه ان شاء الله واتمنى ان تلقى هذه الروايه اعجابكم وتقديركم وشكرا من كل قلبي لكل متابع وداعم لى.