الفصل الأول عشق الكنان الجزء الثاني

 

يجدها نائمه وينادى عليها ولكنها لم تجيب ليفزع ياسر من حاله والدته ويبدا فى تحريكها ولكن لا استجابه.

لينادى:ملك...ملك...

تأتى ملك مسرعه.

ملك:ايه فى ايه.

ياسر بخوف:مش عارف امى مش بترد عليا مش عارف مالها.

ملك بخوف هى الاخرى:يعنى ايه وسع كدا اشوف مالها وتقيس لها الضغط والسكر.

ملك:يانهااار السكر عالي خالص دى لازم تروح المستشفى فورا.

ليحملها ياسر بسرعه ويذهب للسياره ويضعها فيها وتركب معاه ويذهبوا للمستشفى.

الدكتور:دى السكر عالى جدا داخلها فى غيبوبه ولازم تتحط فى العنايه المركزه.

ليهجم ياسر على الدكتور ويقول:انت هتعمل اي حاجه علشان تبقى كويسه والا هخربها على دماغكو انت سامع.

الدكتور:هو انت ممكن تهدا شويه علشان اللى انت بتعمله دا مش هيفيدك.بحاجه انا ممكن دلوقتى اقولك احنا هنعمل اللازم واضحك عليك بس والدتك لازم تتنقل لمستشفى تانيه تكون فيها امكانيات ومستلزمات تخدمها احسن من هنا.

ليخرج ياسر من غرفه والدته ويجلس على كرسي فى ممر المستشفى لتساله ملك.

ملك:هى طنط عامله ايه والدكتور قالك ايه.

لينظر لها ولم يجيب ويخرج هاتفه ويجري مكالمه.ثم ياتى لها مره اخري.

ياسر:خدى المفاتيح دى وروحى على البيت وانا هنقل امى لمستشفى تانيه واجيلك.

ملك:لا طبعا انا مش هسيبك ولا هسيب طنط ماجده لوحدها ابدا.

ياسر:انا مش ناقص العناد بتاعك دا اسمعى الكلام.

ملك:انا مش همشي وهروح معاك تمام وخلص الكلام.

وتتركه وتذهب لتجلس مع ماجده بغرفتها.

ودقائق كانت وصلت سياره اسعاف مجهزه بالكامل وتاخذ ماجده وملك وياسر يركبوا السياره ويذهبوا وراء السياره لتتوقف امام مستشفى استثمارى فاخمه جدا.وتنزل ماجده من السياره ووراءها ملك وياسر ويأتى الدكتور وينظر لياسر.

الدكتور:متقلقش يا امير باشا المدام هتكون كويسه ان شاء الله.

امير:انت عارف ايه اللى هيحصل لو امى حصلها حاجه.

الدكتور:متقلقش هنعمل اللازم بعد اذنك.

وتدخل ماجده مع الدكتور على الغرفه وملك تنظر الى امير باستغراب وحيره.

ملك:مين امير وانت بتعمل ايه فى المستشفى دى وهتعرف تدفع مصاريفها ازاى.انت مين.

امير:اطمن على امى الاول وبعدين ابقى افهمك كل حاجه.

ملك:انا عايزه افهم كل حاجه دلوقتى من حقى اعرف انا قاعده فى بيت مين وبتعامل مع مين.

وحكى امير لملك كل شئ.

امير:اللى انتى عرفتيه دا مينفعش حد يعرفه خالص لان كدا هيبقى في خطر عليا وعليكى تمام.

ملك:تمام فهمت.

امير:هو انا ممكن اسالك سؤال.

ملك:اه طبعا اتفضل.

امير:انتى تعرفى هلال ناجى.

ملك:لا مين هلال ناجى.

امير:دا عميل من عملاء اللى بيتعملوا مع ابوكى فى المصنع.

ملك:لا انا معرفش حاجه عن شغل بابا نهائي مش بيدخلنى فى شغله خالص.بس انت عرفت منين.

امير:منا شغال سواق فى مصنع ابوكى.على العموم خلاص انا هتصرف انا بس عايزه اطلب منك حاجه.

ملك:اه طبعا اتفضل.

امير:تفضلى هنا مع امى عقبال مارجع البيت اجيب شويه حاجات واوراق كدا وارجع ممكن.

ملك:اه طبعا براحتك خالص.

يذهب امير ويرجع للمنزل ويدخل ويفتح تسجيل الكاميرات ليرى ماذا حدث مع والدته ويتفاجا مما حدث وراءه.ولكن اخذ بعض الاشياءوذهب الى المستشفى ولكنه تفاجا بوجود جارد على باب غرفه والدته.

امير:انتو بتعملوا ايه هنا وانتو مين اصلا.

الجارد:اهدى ياامير باشا دى رساله من هلال بيه ناجى.

اعطوه ورقه وذهبوا.

لينظر امير بالورقه ليقرأ"امانتك عندنا تقفل القضيه ترجعلك والا البادى اظلم"ليدخل ليطمئن على والدته ليجدها بخير ليستغرب امير من مقصد الامانه التى برساله.ليسال عن ملك ولم يجدها وهنا دخل الفزع والخوف قلبه واتاكد انها هى المقصوده.ليجري اتصالا بفارس ويحضر اليه.

امير:الموضوع كبر يافارس.

فارس:فى ايه وجيبنى على ملا وشى ليه ايه اللى حصل.

امير:هلال ناجى عرف انى لسه عايش وخطف ملك.

فارس:عرف ازاى ومنين وملك مين.

امير:معرفش عرف ازاى وملك دى بنت محمد دويدار صاحب مصنع الملابس.

فارس:وهو يخطفها ليه وانت ايه علاقتك بيها.

امير:ماهى كانت عندى فى البيت اكيد مفكر ان بينا حاجه علشان كدا خطفها.

فارس:طب هو في حاجه بينكم فعلا ولا ايه.

امير:هو دا وقته يافارس بردو.

فارس:والله مااقصد بس عايز اعرف علشان اتصرف.

امير:بص هو انا مش عارف بس انا من ساعه ماشوفتها وانا حاسس انى مسؤل عنها وانها تخصنى.

فارس:الله اكبر كل دا وانا معرفش.

امير:فاااارس مش وقته الله يخليك خلينا نشوف هنعمل ايه ونتصرف ازاى.

فارس:تمام ماشي نبتدى ازاى ومنين.

امير:انت تروح تشوف كاميرات المستشفى يمكن تقدر توصل لحاجه من رقم العربيات وكدا وانا هطلع على محمد دويدار اقوله اشوف يمكن عنده معلومات تقدر تساعدنى.

وبالفعل ذهب امير لمصنع محمد دويدار ودخل المكتب.

محمد:ايه يابنى ادم انت هو انت كل مره كدا تدخل بالطريقه الهمجيه دى.

امير:انت هتقعد وتهدا وتقولى على كل اللى انت تعرفه عن هلال ناجى.

محمد:علشان انت مين علشان اقولك وانت ازاى تتكلم معايا كدا.

امير:معاك النقيب امير الشافعى.

محمد:هاهاهاها منا عارف 😂.

امير بدهشه:ايه عارف.

محمد:طبعا من الاول من ساعه مارجعت ملك على البيت وانا سالت وعرفت.

امير:ملك اتخطفت.

محمد:هاها منا عارف دى كمان.

امير:مش خايف على بنتك.

محمد:مين قالك انها بنتى دى بنت مراتى وانا كنت برابيها علشان اعرف اتحكم فى املاك امها واول ماتمت السن القانونى خليتها تمضي على كل حاجه باسمى بيع وشرا يعنى هى دلوقتى ملهاش لزمه عندى.

يمسك امير بياقه محمد.

امير:انت اكيد مش بنى ادم وانت فاكر انك هتفلت يعنى ولا ايه والله لهتتحاسب وهخليك تتكلم وتقول اللى انا عايزه بالزوق او بالعافيه.

يجري امير مكالمه هاتفيه.حضر فارس للمصنع.

فارس:ايه فى ايه.

امير:تاخد الكلب دا وتخليه يتكلم باى طريقه ممكنه مفهوم وانا هفضل ادور هنا يمكن الاقى ورق يفدنى ولا حاجه.

وياخذ فارس محمد ويخرج ويظل امير بالمكتب يفتش بالاوراق حتى وجد.مايدين هلال ناجى بالجرم المشهود وعرف مين كان الجاسوس فى مكتبه.

يجري مكالمه هاتفيه لفارس ليعرف مكانه ويذهب اليه.

ويدخل امير مكان يشبه المخزن المهجور ليجد محمد مربطا بكرسي ويظهر عليه اثار التعذيب.

امير:ها قالكم حاجه ولا لا .

فارس:لا لسه منطقش بحاجه بس احنا لاقينا ايميلات ورسائل بينه وبين هلال ناجى بس...

[١٩/‏٢ ١٠:٤٤ م] امي: بس عرفنا ان فيه رقم تانى بيتواصلوا عليه فون بس الكلب دا مش عايز ينطق.

امير:متقلقش انا معايا اللى هيخليه ينطق.

ويذهب امير لمحمد ويرفع فى وجهه بعض الاوراق التى وجدها فى مكتبه.

امير:انت عارف طبعا الورق دا بتاع ايه وممكن يعمل فيك ايه بس انا ممكن اطلعك منها او اخفف عنك المده لو انت عرفت توصلنا بهلال ناجى والا هتشيلها لوحدك وانت حر.ها قولت ايه.فكوا يافارس بيه علشان نشوف هيعمل ايه.

محمد:انا موافق بس تضمن لى الحمايه وانك تطلعنى من القضيه.

امير:ماشي انجز.

محمد:ممكن الفون ياباشا.

فارس:قديمه ياخويا انت قولى الرقم وانا كتبه وهتكلمه على مكبر الصوت علشان لو لعبت بديلك كدا ولا كدا الحق اقفل السكه.

وبالفعل اعطاه محمد الرقم واجرى المكالمه.

محمد:مساء الخير هلال باشا.

هلال:مساء النور يامحمد ايه الاخبار.

محمد:تمام كله تمام زى ما امرت بالظبط بس بقولك ياباشا هو انت هتعمل ايه تانى.

هلال:ههرب برا البلد شكل اللى اسمه امير الشافعى دا مش هيسبنى فى حالى.

محمد:هتهرب ازاى وامتى وملك.

هلال:على الفجر هطلع على المطار واركب الطياره الخاصه بتاعتى انا دلوقتى فى اللانش بتاعى فى العين السخنه وملك دى هتبقى وصيله خروجي من البلد لو حصل حاجه كدا ولا كدا.

محمد:وانا ياباشا.

هلال:انت ايه هيفضل حسابك مفتوح متقلقش وهيوصلك كل الفلوس اللى اتفقنا عليها مش هلال ناجى اللى ينسا حد من رجالته ابدا.

وتنهى المكالمه.

امير:انت تاخد الاوراق دى وتروح لوكيل النيابه تعرضه عليه وتاخد معاك قوه على لانش بتاع هلال ناجى وتبلغ امن المطارات بعدم اقلاع الطياره ومنعه من السفر وانا هروح دلوقتى على اللانش علشان ملك تكون انت خلصت الاجراءات دى تمام.

فارس:ماشي بس انا خايف عليك تروح لوحدك.

امير:لا متخافش ويلا مفيش وقت لازم نلحقه قبل مايسافر ومتنساش تاخد الكلب دا معاك للنيابه ماشى.

يخرج امير ويركب سيارته ويذهب ناحيه العين السخنه وعند وصوله الى مرسا اليخوت ليجد فارس هناك منتظره ومع قوه من الشرطه.

امير:ايه الاخبار.

فارس:تمام اخد امر من النيابه بالقبض عليه ومنعه من السفر ومحاصرين المينا كلها وتاكدنا انه موجود على اليخت ومعاه ملك كمان.

امير:امال احنا مستنين ايه يلا بينا.

ويهجموا على اليخت بتنسيق وقدروا انهم يقبضوا على هلال ناجى وجميع رجاله ولكن امير وجد ملك مغميا عليها فى احدى غرف اليخت لينقلها الى مستشفى سريعا وهناك سمع خبر وقع عليه كالصاعقه.

الدكتور:للاسف المدام فى دمها كميه كبيره من المخدرات.

امير:مدااام...وخدرات ايه.

الدكتور:اه اسف هو حضرتك.مش جوزها يبقى كدا يوضح وجود كدمات وعلامات عنف على جسمها.

امير:هو انت تقصد ا.....

الدكتور:ايوا شكل المدام اتعرضت لحاله اغتصاب.انا عطيتها مهدئ دلوقتى شويه وهتصحى بس هى لازم تتنقل للمصحه علشان تتعالج.

امير:لا مصحه لا مينفعش تتعالج فى البيت.

الدكتور:هو ممكن بس هيبقى صعب ومحتاج مراقبه كويسه اوى.

امير:مش مهم انا هفضل معاها لحد ماتخف وتبقى كويسه.

يدخل امير الغرفه على ملك ليجدها نائمه ويري اثار العنف والكدمات ليستشيط غضبا ولكنه يقترب منها ويمسك يدها ويوعدها بانه سوف يرجع لها حقها ويجلس وهو ماسك بيدها وبعد دقائق تستيقظ ملك وتصرخ بشده وخوف.ليحضنها امير.

امير:متخافيش اهدى انا معاكى اهدى متخافيش.

لتنظر ملك لامير وتقول:الحقنى...الحقنى انا معملتش حاجه ومعرفش حاجه الحقنى.

وتنهار فى البكاء.

امير:اهدى ياملاكى اهدى والله لاخليهم يدفعوا التمن غالى اهدى.

ملك:انت بجد عايز تساعدنى وعايزنى اهدى.

امير:طبعا يا ملاكى.

ملك:طب انا عايزه بودره مش قادرة دماغى يا امير هيفرقع  بالله عليك هات لى حبه بس صغيرين كدا ابوس ايدك دماغي مش قادره.

امير:ملك انتى بتقولى ايه انتى واعيه للى بتقوليه دا لا ممكن يحصل ابدا ابدا سامعه.

ملك:وانت مالك تقولى اعمل ايه ولا معملش ايه انا حره واذا كنت مش هتجبلى انا هتصرف واجيب برا عنك ابعد عنى.

امير:انتى هتتعالجى سامعه ومفيش مخدرات تانى من هنا ورايح مفهوم.

ملك:لا مش مفهوم ولا سامعه انا حره اعمل اللى انا عايزاه انت مين انت علشان تمنعنى اوعا كدا انا خارجه من ام المستشفى.

ليمسكها امير ويرميها على السرير.

امير:المكان الوحيد اللى هتخرجي عليه هو البيت عندى غير كدا مفيش خروج.

ملك:اوعا كدا سبنى اروح عندك البيت ببتاع ايه سبنى انت مالك انت اوعا.

ينادى امير على الدكتور لياتى الدكتور مسرعا هو والممرضات ويعطوها ابره مهدائه وتنام ملك ويخرج امير والدكتور خارجا.

امير:دى مين دى دى مش ملك اللى انا عارفها دى واحده تانيه.

الدكتور:هو المدمن كدا لما يجى معاد المخدر بتاعه بيبقى فى حاله عصبيه علشان كدا قولتلك لازم مصحه.

امير:ايوا يادكتور بس هى ملحقتش تبقى مدمنه دول يدوب يومين بس اللى بدات تتعاطى فيهم المخدرات.

الدكتور:لا طبعا الحاله دى مش من يومين بس دى بقالها فتره بتتعطى متقلش عن سنتين.

امير:ايه...سنتين ازاى يعنى.

طب يادكتور تقدر تكتبلى الادويه اللى هتحتاجها وايه المطلوب وانا اعمله.

الدكتور:تمام دى الادويه اللى هتحتاجها وخلى بالك فى مرحله الانسحاب ممكن متكونش عندها قابليه للاكل علشان كدا هنعوضها بفيتامينات ومقويات تمام الله يكون فى عونك.

امير:ان شاء الله.

ويخرج امير ويجرى مكالمه هاتفيه.

امير:ايوا يافارس ايه الاخبار.

فارس:تمام اتحولو للنيابه وتوجهت ليهم تهم خطف واغتصاب غير قضايا المخدرات والتهرب الضريبى وبلاوى كتير يعنى ان شاء الله هيقضوا عمرهم كله فى السجن.

امير:حلو اوى انا عايزاك تعرفلى معلومه تانيه يافارس لو سمحت.

فارس:امرنى يا امير فى حاجه ولا ايه.

امير:عايزك تعرفلى اذا كان هلال ناجى او محمد الدويدار ليهم يد فى تعاطى ملك للمخدرات ولا لا وتخلص وتجيب المأذون وتيجي على المستشفى علشان هتجوز ملك.

فارس:نعم تتجوز مين وامتى انت متاكد.

امير:ايوا متاكد يلا بسرعه الله يخليك.

وبعد.ساعات ياتى فارس ومعه الماذون ويدخلون على ملك ويكتبون الكتاب ويخرجو من المشفى على بيت ياسر يدخل امير ومعه ملك.

ياسر:ادخلى ريحى شويه عقبال ما اعملك الاكل واجى.

ملك:وانا مش عايزه اقعد معاك ولا عايزه اكل.

امير:مش بمزاجك انتى دلوقتى مراتى وليا الحق اعمل اللى انا عايزه و.....