.رواية شغفي الفصل التاسع بقلم قسمة الشبيني

 

الحلقه ١٥ و ١٦ 

ولسه فى امل 

بقلم سها مجدى

ياترحمني ياتاخودني عندك اكيد عندك احسن بكتير كنت بتوجع اوى من كلامها ده وحاسه بيها لاني عايشه نفس الوجع مع خلاني الاتنين 

وكنت اقولها: متقوليش كده ان شاءالله ربنا يبعتلك واحد كويس يفهم الي بيحصل معاكي ويحبك اوى ويعوضك عن كل الي شوفتيه اما بخصوص باباها مش ببقي مش عارفة اقولها ايه غير ربنا يهديه ومعلش 

كانت تقول:لا عشان يطلع زيه وعيالي يقولوا اتجوزتيه ليه ويعيشوا يتمي وابوهم عايش زيه كده وعلي ايه من الاول انا اعيش لوحدي احسن بكتير مش عايزة حاجة كفاية انتوا معايا مش عايزة حاجة تاني 

وفي يوم اتخانقت معاه الصبح وضربها علي دراعها اليمين وكان هيكسروا وكان عندنا امتحان رياضة في اليوم ده يومها دخلنا الامتحان وكان امتحان طويل اوي علي امتحان شهر جايبوا زي امتحان اخر السنة وهي دراعها وجعها اضطرت تكتب كتير اوى عشان الدكتور بتاعنا بيحب الحل يبقي بالتفصيل لغايت لما توصل للناتج الصح وهي دراعها وجعها اكتر من الاول لما الامتحان خلص طلعت ماسكه دراعها يعني احنا نفسنا ادينا وجعتنا من الكتابة وعشق كانت زعلانه من الي حصل معاها الصبح ومكشرة روحنا اعدنا في مكانا المعتاد في الجامعة بس حياه مشيت عشان تلحق شغلها هي كانت اشتغلت وقتها وفضلت انا وعشق وايريني وثائر وفؤاد كنا اعدين بنحاول نفرفش عشق شويه واحنا اعدين لاقينا عربية واقفة قدام الجامعة من بره واحنا شايفينها واحنا اعدين جوه لان السور حديد العربية دي نزل منها فارس والي معاه وشغلوا اغاني وقعدوا يهزروا ويرقصوا قدامنا واحنا قعدنا نضحك ولا كانه كان عارف انها مضاية وبيضحكها وفعلا عشق ضحكت ونسيت الي حصل اااه نسيت اقولكوا اصل استاذ فارس كان طول فترة الامتحانات بيطمن علي عشق ازاى هقولكوا اهوه بصوا كان بيبعت حد يبص عليها هي موجودة في انهي لجنة ويجي هوه بعد كده يبص عليها من بعيد زى مابيعمل

غزل:صح ولا لا يافارس مش كنت بتعمل كده 

فارس بضحك:ايوه انا معترف كنت بعمل كده عشان كنت ببقي عايز اطمن عليها ولما كنتوا تخلصوا الامتحان كان بيبقي نفسي اجي اكلمها واسالها عملت ايه

ايريني:ياسلام علي الرومانسية شايف يااستاذ

فلوباتير:بس ياماما كملي ياغزل احسن وانت يابني انت وهوه بس بقي لحسن كده بسببكوا هتنكد عليا 

ضحكنا كلنا

غزل:خلاص هكمل اهوه المهم كان كل يوم علي نفس الحال واحنا في الاجازة وصلت للاكونت بتاع الفيس بوك بتاعه وعرفت ان الاتنين الي معاه علي طول دول مش بس اصحابه لا دول ولاد عمه ويبقوا ادم وعمر والي دايما كنت بشاورله ده يبقي ادم وهوه الي كان بيبعته اغلب الوقت يشوفها هي موجوده ولا لا وكان بيشوف النتيجة بتاعتها قبل بتاعته يطمن عليها وبعدين يشوف بتاعته هوه ومن الفيس عرفت انهم اخر سنه في الجامعة وعرفت عنوانهم كمان وعرفت ان عمر يبقي مصور شاطر وساعات همي بيساعدوه ومن الفيس بتاع عمر وصلت للانستا بتاعه ومن خلاله عرفت الانستا بتاع فارس وادم كمان احنا البنات لما بنحط حاجة في دماغنا بنوصلها ولهي ينفع نشتغل في المخابرات

ولسه فى امل

بقلم سها مجدى

وعرفت كمان ان فارس وادم عندهم شركة استيراد علي قدهم كده ولهي لولا الفيس بوك والانستغرام مكناش هنعرف عنهم حاجة 

عمر:ده ايه المخابرات دي يابنتي انتي كان ناقص تعرفي مقاسات هدومنا ده الي كان ناقص يالهوي

ادم:عندك حق ياعمر انتوا البنات مخابرات فعلا الواحد لما يحب يعرف حاجة يجلكوا 

غزل:مااحنا كنا عايزين نعرف انتوا مين ومين الي انا بشاورله ده ومين الي عمال يبص لعشق ده وبعدين ماانتو كمان عملتوا مخابرات عشان تعرفوا عننا كل حاجة وسيبوني اكمل بقي الله المهم لما قولت لعشق علي المعلومات دي قالت

عشق:وانا مالي بيه ده واحد عمال يبص عليا ليه مش عارفة ومش فاهمه حوار انه بيطمن انا موجودة ولا لا ده ليه اصلا ولا انه يشوف النتيجة ليه هوه ماله حاجة غريبة 

ايريني:انا نفسي اعرف حاجة مهمة عدي ترم اهوه والباشا ده عمال يبص بس مافيش اي اكشن منه طب اعمل حاجة تعالي اتكلم معاها طيب هنقضيها بصات ونظرات بس يااستاذ نظرات انت يعني ولا التاني العبيط الي بيقعد يشاور للهبلة التانية بس طب ايه انت كمان هنقضيها مشاوره يعني ولا ايه دول فاضل الترم الي احنا فيه ويتخرجوا ايه ياجماعة محدش قالكوا صح واحنا هنفضل هنا ونتخرج احنا كمان طب ايه نيجي نكلمكوا احنا يعني ولا ايه 

حياه:وللهي معاكي حق هنفضل نظرات بس طب تعالوا اتكلموا معاهم ياجماعة 

غزل:طب وانا مالي انا ده واحد بيبص لعشق انا مالي بقي اصلا

ايريني وحياه في نفس واحد:مالك اومال احنا الي بنقعد نشاور لمين لامي مثلا ونقعد نضحك لمين لخيالنا يعني 

غزل:الله وانا مالي يالمبي وضحكنا وكملت ولهي انتوا الاتنين مصايب متنقلة مصيبة 2سيستم 

ايريني:ايه وانتوا ايه بقي ماانتوا معانا ياما 

غزل:خلاص خلاص متزعليش احنا كلنا مصايب 4سيستم

ايريني:ايوه كده اتعدلي 

المهم قعدنا فتره كبيرة الوضع مستقر عند عشق في البيت مامتها وباباها في الشغل ومشغولين واخوها في الدروس بتاعته ماه ثانوية عامة وهي في الجامعة وفي يوم عرفنا ان نتيجة الترم الاول طلعت دايما كانت تظهر قبل عيد ميلاد عشق بكام يوم بصتلها وقولت

غزل:ياترى ياعشق هنحتفل بعيد ميلادك مبسوطين ولا زعلانيين 

عشق:ادينا هنروح نشوفها وهنعرف هنحتفل بيه اصلا ولا مش هنحتفل 

اخدنا نفس وكنا قلقنيين اوي عشان كان في دكتورة رخمة اوى حطه الدفعة كلها في دماغها ليه مش عارفين بس هي رخمة وخلاص و

نزلنا نبص عليها لاقينا

يتبع