الحلقه الاولى
لسه في امل
بقلم سها مجدى
النهارده هنسمع حكاية بطلها مش واحد ولا حتي واحدة دي حكايات كتير بطلها كل واحد فينا وكل واحد بطل حكاية وكل حكاية مختلفة عن التانية ....
وانا هعرفكوا علي ابطال
نا وهنسمع حكاياتي كتير وانا واحدة منهم انا واحدة من ابطال الحكايات دي ومبسوطة اني واحده منهم ولما تعرفوا حكايتنا هتعرفوا ليه انا مبسوطه اني منهم وكمان علشان هقابلهم انهارده...
غزل:يالا يا ادم البس بسرعه هنتاخر
رد عليها وقال: ده انا بردوه يا استاذه غزل الي بقالي ساعه واقف شويه قدام الدولاب وشويه قدام المرايا اخلصي بقا هنتاخر عليهم غزل قالتلو: انا خلاص هلبس الطرحه وننزل علي طول لبستها وقالتله ادم حبيبي يالا بينا
كان ماسك الفون بصلها ولسه بيقول: يالا بينا مكملهاش وقال ايه الحلاوه دي قمر من يومك يا غزل قلبي
ضحكت ضحكه بسيطه بكسوف وقولت: احم احم طب يالا
قالها: يالا يانوتيلتي
نزلو وركبو العربيه وماشين وخلاص قربو يوصلو الكافيه
تعالوا بقي نتعرف علي ابطال الحكايات وفي الحكايه بتاعتنا هنفرح ونزعل سوا يالا بينا نبدا
ادم بيفوق غزل من السرحان وبيقول: غزل يالا وصلنا انتي سرحانه في ايه
ردت عليه وقالت:هاه مافيش
نزلو من العربيه دخلو الكافيه وهي اول لما شافتهم فضلت تصرخ ودبدب برجلها علي الارض وجريت عليهم حضنتهم
وادم قال من وسطهم كلهم وهما بيتفرجو عليهم: انا مش عارف انتو بتصرخو وتدبدببو في الارض ليه كل لما تشوفو بعض عمركم ما هتتغيروابدا ولاهتكبرو بدليل ان الكافيه كله بيتفرج عليكم
غزل ردت وقالت: يمكن علشان واحشين بعض مثلا وبعدين انا بقالي كتير مشفتهمش
وقعدو كلهم وبداو يتكلموا مع بعض وغزل بتبص لكل واحد فيهم وبتضحك
راحت واحده فيهم قالتلها: ياغزل بتبصلنا ليه كده في ايه
غزل ردت عليها وقالت: مافيش
وبدات تبص لكل واحد قاعد معاهم
اول وحده حياه ودي بقا اسم علي مسمي زى مابيقولوا فعلا فيها حنية وطيبة وكمية حياة مش طبيعية بحس انها مامتنا كلنا علشان عندها امومة بالفطرة واحلي حاجة ان بناتها الاتنين ورثين ده منها ويمكن هوه ده الي حبب جوزها فيها من اول مره شافها واتشقلب لغايت ماوفقت عليه واتجوزها
اما بقي التانية دي فاتبقي ايريني ودي بقي طيبه جدا مع ان هي عنها حته غيرة كده انها مش مركز الاهتمام دايما بس برغم ده بتحبنا جدا جدا اما بقي جوزها الاستاذ حنظله ليه قولنا عليه الاسم ده ومين الي قال عليه الاسم ده هتعرفوا بس مش دلوقتي بس نتقل شوية ونبطل استعجال اسمه الحقيقي فلوباتير وهوه لايق عليها بطريقة غير طبيعية وبحبنا جدا لدرجة انوا بيتمني انوا يجيب بيبي ويبقي شبهنا كده وبيحب يهزر معانا كتير وفي ناس بتضايق منه ومن هزاره ده هقولكم عليهم بس قدام
اما التالت بقي هوه ثائر وده شخص كده ترتحلوا اول لما تشوفوا وتحب تتكلم معاه جدا واكتر ميزه فيه انوا بيسمع من غير مايمل وينصحكاحنا بنعتبروا الصندوق الاسود بتاع الشله
اما بقي الرابع هوه بقي فؤش هوه اسمه اصلا فؤاد بس احنا بنحب نقوله فؤش تقدروا تقولوا عليه الصاحب الجدع وبيحب شغله جدا وفعلا يتقال عليه ضهر وسند واجدع اخ تقابلوا في حياتك
الخامس بقي وده الي كان عمال يستعجلني وقرفني معاه في حياتوا يبقي ادم جوزي طيب اوي واستحملني كتير هوه اه بيغير شويه كتير بس هو متاكد اني ليه هوه وبس وبيدلعني دايما بنوتيلتي او غزل قلبى
السادس بقي ده يبقي انا غزل ودايما متردده جدا جداومش بعرف اخود قرار بسهوله وبخاف جدا وده عملي اذمة كبيرة في حياتي وببقي عايزه اجرب حاجات كتير بس بسبب ترددي بخاف اجرب
اما بقي البيه الباشا السابع يبقي فارس بيه هوه كيوت وحاجه كده قمر وحنين اوووووى ومن كتر حبوا فيا بيرخم عليا اوي اول لما تبصلوا تشوف طيبة وملامح طفولية بس اجارك الله بقي لما يقلب وصدقوني هتحبوه لما تعرفوه كويس وهتعرفوا ليه بس نصبر بس هوه انا مش قولتلكوا فوق نصبر
اما بقي الشخص التامن هي حبيبتي عشق ودي بقي مش بس صحبتي دي كل حجه ليا في الدنيا اختي وصاحبيتي وامي ولما بحب اخود قرار او اعمل حاجه بروحلها مفيش زيها في الدنيا لما تحتاجها تلاقيها جنبك طيبه وحنينه وحنيتها دي الي مجمعانا ودايما بتهتم بتفاصيل كل واحد فينا
حياه:صح ياغزل
غزل:ايه بتقولي ايه
حياه:بقولهم احنا البنات ودي طريقتنا لما بنشوف ناس بنحبهم ودي الي بنعبر بيها عن حبنا لبعض
غزل:صح عندك حق انتوا ايه الي مضايقكوا بقي
ثائر:اصلا مش لازم نصرخ ونحط ادينا علي بوقنا وندبدب في الارض عشان تعرفوا اننا بنحبكوا
ايريني:ثائر الله يخليك كفايه اصلا كده هندخل في عيب ومش عيب ومش هنخلص خلاص عديها وغمزتلوا
الكل ضحك
فؤش:الي يشوفكوا دلوقتي وازاي قريبين كده وبتحبوا بعض ميعرفش انكوا قبل ماتبقوا صحاب واخوات اوي كده مش هيصدق انكوا كنتوا اعداء من ثانوي
حياه:فعلا معاك حق بس علي رائ المثل مامحبي ايلا بعد عداوي وده ينطبق علينا وفعلا الي يعرف احنا ازاي مكناش بنطيق بعض ولا نشوف بعض يسغرب من حالنا دلوقتي وهيبقي عندوا فضول يعرف احنا ازاي بقينا كده مع بعض واتحولت علاقتنا 360 درجه كده انا هحكيلكوا ايه الي حصل وازاي بقينا كده
مجهول:السلام عليكم اتاخرت صح
فارس:اتاخرت بس ده احنا خلاص كنا هنمشي ياراجل ده انا هنفخك بس اصبر عليا هي دي مواعيد
صح نسيت اعرفكوا ده بقي عمر الفوتجرافر بتاع الشله بيحب التصوير اوى ومعاه كمية صور لينا هوه عسل كده ودمه خفيف بس دايما مواعيده زفت بسبب شغله وعشان نتقابل النهارده قولنالوا من اسبوع وبردوا مفيش فايده اتاخر وااااه نسيت عمر وفارس وادم ولاد عم وعملين زي التؤام كده مبيسبوش بعض وهقولكوا ليه...
عمر:اعمل ايه بس يافارس كان عندي عريس وعروسه بصورهم
ادم:يابني ماانت عندك مساعدين كتير كنت سيبت حد منهم يصور وانت جيت
عمر:ماانت عارف مش بحب اسيب شغلي لحد وبعدين اديني خلصت وجيت اهوه شكلوا فاتني كتير
عشق:مش اوي يعني احنا كنا بنفتكر ازاي اتعرفنا علي بعض
عمر:طيب كويس اني جيت علشان اسمع
عشق:ياله ياحياه كملي كنتي بتقولي ايه
حياه:احنا كنا في مدارس منافسه لبعض كنا بنتقابل في المسابقات وعمرنا ماتكلمنا كنا نعرف بعض شكلن بس ولا حتي كنا نعرف اسامي بعض لغايت ماجت اللحظه الي اتعرفنا فيها اول يوم جامعه
عشق:انا بقي هحكي اول يوم جامعه ده كان ازاي انا بقي كنت متحمسه جدا اني رايحة الجامعة مش المدرسة مفيش يونيفروم ومفيش طابور الي انا اصلاعمري ماحضرتوا وبكرهوا اوى ودلوقتي هلبس الي انا عايزاه من غير ماحد يقول لا ممنوع وكان عندي فضول اعرف ليه قالولي انها هتبقي احلي فترة في حياتي وكان فعلا ربنا كان شيلاهالي بحلاوتها دي تعويض عن الي حصلي انا كنت متفوقة في ثانوى واخر سنة كنت من الاوائل بس كان عندي مشكلة اني لازم اعمل معادلة عشان الجامعة وعملتها فعلا وكانوا اصعب 3 شهور عدوا عليا وحرفيا كنت بموت من التعب وكنت بنام والكتاب في ايدي كنت شاطره فيها والكل كان متوقع اني اكيد هنجح وادخل الجامعه وجه وقت الامتحانات وطبعا طول الفتره دي كنت مش باكل ولا بشرب غير حاجات بسيطة في السريع عشان المذاكرة وده اثر عليا وكنت بروح للدكتور كتير في الفتره دي لدرجة اني خسيت 7 كيلوا في اسبوع ومحدش يسال ازاى عشان انا نفسي مش عارفه ده حتي الدكتور مش عارف انا عملت كده ازاي المهم وقت الامتحانات كانت عبارة عن 300 او 400 سؤال دي ورقة الاسئله كانت وش وظهر ونماذج مختلفة عن بعض اما بقي شيت الاجابة كان ورقتين واحده نعلم علي الاجابة فيها والتانية نكتب الاجابة بالتفصيل المهم ان الامتحانات خلصت وظهرت النتيجة والصدمة اني نزلت في الرياضة وانا كنت شاطرة فيها اصلا نفسيتي ادمرت وبقت وحشة وعملت تظلم وجاتلي كلية مش عايزاها لغايت ماكنت زعلانه اوي في يوم ومكتئبة حصلتلي حاجه غريبة فهمتها بعدين
يتبع
تعليقات
إرسال تعليق
اترك لنا تعليقًا ينم عن رأيك بالمحتوى