رواية المال مقابل القلب الفصل الأول لهاله الجمسي

 

الحلقه الخامسه ، والسادسه 

لسه فى امل

بقلم سها مجدى

وتفوت الايام وتخلص اولي جامعة واخر يوم في الامتحانات اتصورنا كتير يومها مكناش عاوزين نمشي اصلا اتقابلنا شويه وكنا بنتكلم كتير في الاجازة لغايت لما خلصت والنتيجة كانت ظهرت ونجحنا وروحنا سنة تانية وهنا هتبدا حاجات تتغير في حياة كل واحده فينا وبدات المشاكل 

فؤش:ايه الي حصل ياايريني كملي 

ايريني:لا انا حكيت كتير غزل هتقولكوا ايه الي حصل 

غزل:ااااه مصاريف الجامعة كنت علشان ادفعها كنت بشوف زل كبير من خالي لان كان في واحد جارنا يعتبر الي مربيني انا واخواتي وبعد مابابا اتوفي هوه سافر اوروبا وعاش هناك وكان دايما بيسال علينا ولما عرف بحوار مصاريف جامعتي 

قال: انا الي هتكفل ببقيت مصاريفك لغايت ماتتخرجي وتشتغلي كمان وكان بينزل مصرمره في السنه وكان بيبعت مصاريف الجامعه ومصاريف ليا علي حساب خالي في البنك وهوه كان فاكر ان خالي بيدهالي علي طول مكنش يعرف اني عشان اخودها منه كنت بتزل كمية زل مش طبيعية لدرجة انوا كل مره كان بيفكرني ويقولي: انتي يتيمة الاب ملكيش حد مش فاهم ايه لازمة التعليم لوحده زيك واني مليش حد 

ووصلت انه كان بيرمي الفلوس في وشي وهوه بيدهالي ولا اكن هوه الي دافعها من جيبه ده غير الكلام الي زي الزفت كان بيجي عليا اوقات كتير بكلم البنات وانا منهاره جدا بسببه وهما كانوا بيواسوني ويقوني ديما لدرجة ان ساعات ماما كانت تكلم عشق من ورايا وهي بتعيط بدموع لانهاكانت بتعتبرها بنتها التالته وساعات لما كان خالي ميرضاش يديني الفلوس عشان يزلني شويه كانت بتلجا ليها وعمرها مخذلتها بصراحة لغايت لما قرب الترم الاول يخلص ووقت الامتحانات كانت ايريني هتتخطب هي وفلوباتير كنا قعدنا معاه مرتين بس وبعدها كانوا حددوا معاد الخطوبة بتاعتهم وكنا مبسوطين بس في نفس الوقت واحنا في الامتحانات ماما من الزعل جالها جلطة والسكر علي اوي هوه والظغط من الزعل وقتها روحنا المستشفي بليل وحرفيا لفينا علي كل المستشفيات بس مفيش ولا مستشفي رضيت تقبلها ورجعنا بيها البيت وساعتها انا كان عندي امتحان الصبح وقولت اني مش هروح بس اختي صممت اني اروح وامي كانت بتزقني باايديها االسليمة عشان اروح وقتها جريت كلمت عشق في الفون وانا منهارة وحكيتلها الي حصل واحنا كنا بنذاكر مع بعض بالنهار وقفلت معاها بليل وماما تعبت علي طول بعدها وبعد اصرارمنهم روحت الامتحان وعشق طول الليل كانت معايا علي الفون لغايت ماشوفتها الصبح وروحنا الامتحان احنا الاتنين واحنا كل الي ذكرناه طار من دماغنا بعد الي حصل والخضة دي دخلنا اللجنة عشق لجنتها كانت قدام اول المدرج وانا لجنتي كانت في اخر المدرج وانا كنت منهاره وكنت بعيط بس وبداوا يوزعوا الورق وانا وعشق مش عارفين نعمل اي حاجه احنا اكننا مذكرناش اصلا انا وهي ومنمناش ومامت عشق واختي حتي احنا قولنا اننا هنشيل المادة بعد الي حصل وبقت عشق تبصلي وانا ابصلها الي هوه انا مش عارفه احل اي حاجة وكاني برد عليها وانا كمان مش عارفة لغايت لما في معيد عارفنا ولما شافني بعيط 

سالني: مالي في ايه 

بس انا مكنتش عارفه ارد من العياط فافي حد من الدفعة قاله الي حصل راح جاب الكتاب 

وقالي: افتحيه وحلي منه ياله 

ساعتها بصتله وقولتلوا: اني مش هغش واني هحل الي اعرفوا حاول معايا كتير بس انا اصريت علي لا مش هعمل كده وعمل ماعشق كده بردوا وهي رفضت زيي واعتمادنا علي المحاضرات الي كنا بنحضرها للمادة دي وقولنا هنعمل الي علينا والباقي علي ربنا وزي ماتيجي وبعد لما الامتحانات خلصت كانت امي بتكشف والدكتور قالنا السكر الي علي والجلطة اثروا علي رجلها ومحتاجة بتر ولازم نشيل مشط رجلها والا لو فضلوا شوية كمان هيعمل غرغرينا وكده هيشيلوا الرجل كلها وافقنا طبعا وبردوا شوفنا نفس الزل انا واختي من خالي عشان مصاريف العملية ونفس الكلام الزفت بس كان زيادة المره دي بس انا كل الي كان في دماغي وقتها اني عايزه الحق امي وفعلا عملت العملية الحمدلله والبنات كانوا معايا وقتها من اول يوم دخلت فيه المستشفي لغايت لما خرجت منها وبعدها كانت الخطوبة بتاعت ايريني بس للاسف انا والبنات معرفناش نحضر معاها واحلي حاجة ان ايريني قدرت الي احنا فيه بس كنا معاها في الفون معاها طول الوقت وبعدها علي طول النتيجة بتاعت الترم الاول طلعت وكنا رايحين انا والبنات نشوفها واختي جات معانا وقتها وكانت المفجاه ان انا وعشق نجحنا في المادة دي بمتياز كمان مكناش مصدقين بصراحة

ولسه فى امل

بقلم سها مجدى

علشان دي كانت اخر مادة اصلا لينا وكنا متوقعين اننا هنشيلها بس ربنا كان عالم بينا ونجحنا وقتها علشان كمان عشق كان عندها مشاكل في البيت فكان وقت صعب علينا انا وهي وخصوصا ان انا وهي حياتنا مش طبيعية زي ايريني وحياه هما كان عندهم مشاكل طبيعية الي بتحصل بين الشباب والاهل دي عادي يعني انما احنا الاتنين لا حوار مختلف معانا المهم الترم التاني بدا وعدي شهر ونص علي عملية ماما وتعبت تاني وجالها جلطة تاني بس في المخ جاتلها في النص الشمال من المخ عملتلها شلل في نص جسمها اليمين وفقدت النطق ساعتها حالتي النفسية كانت زفت بس لازم ابقي قدامها كويسه عشان حالتها النفسية وقتها الترم التاني خلص وكنا في الامتحانات مش عارفه تحسوا ان امي بتحب تتعب وقت الامتحانات اوي المهم بعدها خلصنا الامتحانات الحمدلله كانت عشق معايا طول الوقت وكانت من وقت ماخلصنا امتحانات بتحاول تيجي عندي البيت ونقعد نضحك ونهزر مع ماما طول لما بتبقا عندي ولو مش عندي بنتكلم فون علي طول وبنعمل كده علشان زى ماقولت هي ماكنتش بتعرف تيجي طول الوقت علشان المشاكل الي عندها هي كمان الله يعينها كانت مشاكل كتيرعلينا اوي كتير علي اتنين عندهم 21سنه بس كنا دايما بنقول الحمدلله علي كل شئ وظهرت النتيجة بس المره دي ماما اصرت انها تيجي معايا وانا بشوف النتيجة في الجامعة قبلها بيوم قولنا لجارنا عشان يودينا بالعربية ووافق ورحب جدا بالموضوع وتاني يوم الصبح جه بالعربية وجت هي واختي معايا وايريني جت معاها فلوباتير وعشق جت هي ومامتها لما عرفت ان ماما معايا عايزه اقولكوا ان فلوباتير جه مع ايريني عشان مش واثق فينا من اخر مقلب عملناه فيه في الترم الاول 

فارس:عملتوا ايه فيه يامصايب ماانا عارفكوا

غزل:هقولكوا لما ظهرت نتيجة الترم الاول كنا نجحنا بس جات لعشق فكره انها تشتغلوا كان بيكلم ايريني عشان يطمن عملت ايه فاعشق هي الي ردت عليه وهي بتمثل انها منهارة ووقالتله اننا سقطنا وفضلت تعيط لدرجة انه صدقها جدا يعني وبعد ماقفل معاها راح كلم بابا ايريني علشان يقولوا الي حصل والكل اقتنع اننا سقطنا وساعتها بابا ايريني قالوا متعملهاش حاجه ولما ترجع البيت انا هكلم معاها ساعتها قفل معاه وكلمنا تاني ولما عشق لقيته مصدقها وهيعيط علي عياطها وعمال يهدى فيها وانا وايريني بعدنا بعيد عنها عشان صوت ضحكنا بجد كنا هنموت من الضحك وعشق لما لاقيته خلاص قالتله انه مقلب قالها يعني ايه قالتله اننا نجحنا وحبينا نشتغلوا شويه قعد يشتمنا كلنا ويهزقنا بقي من بعدها مبقاش يثق ولازم يجي معانا واحنا بنجيب النتيجة المهم احنا دخلنا نشوف النتيجة وكلهم بره مستنيين بقي واحنا خرجنا وعملنا فيهم كلهم نفس الي عملناه في فلوباتير بس المره دي 

عشق قالت: لازم نكون مكشرين وباين علينا الزعل عشان يصدقونا لانهم موجودين مش فون زي المره الي فاتت وخلاص اتفقنا علي الي هنعملوا وفعلا طلعنا وقلنا لماما اننا سقطنا وزعلت وكانت بتشاور اكنها بتقول ولا يهمكوا انتوا المهم وبعدها قولنلها الحقيقه وفرحت اوى اننا نجحنا وجبنا تقدير حلو واحنا وواقفين كانت بتشاور لمامت عشق تقرب منها وقربتلها ومسكت اديها وكانت بتبصلي وتشاور عليا اكنها بتقولها خلي بالك من بنتي وبعدها بااسبوع كلمت عشق عشان ماما كانت عايزه تكلمها كانت عايزاني اقولها تيجي الصبح عشان تشوفها وقتها كان في خناقة كبيرة اوي عند عشق في البيت بين باباها ومامتها وباباها ضربها كعادته بس لما عرفت ان ماما عايزه تشوفها قالت حاضر وفضلت مطبقة علشان تقول لباباها انها نازلة قبل ماينزل شغلوا مع انها مكانتش عايزه تكلمه بعد الي حصل بس فعلا شافته الصبح وقالتله وفعلا كانت جاية بس قبلها بليل انا امي تعبت واخدناها المستشفي بسرعة انا واخواتي الدكتور كشف عليها وقال انها محتاجة رعاية حالا وهنا مفيش مكان فالازم ندور علي مكان في رعاية وفضلنا ندور علي رعاية ومكناش لاقيين مكان في اي رعاية خالص ساعتها الدكتور جه واخد اختي علي جمب وقالها اصعب جملة اي حد يسمعها 

قالها: خودي مامتك وامشي علشان مامتك خلاص بتموت في اخر لحظاتها 

اختي اتصدمت بس حاولت متبينش عشاني انا واخواتي طلعت من جوه لاني انا كنت اعده بره الاوضه الي فيها ماما وقالتلي اننا هنمشي وانا كنت فاكره انها لاقيت مكان وماما هتتحجز بس قالتلي لا ماما بقت كويسه وهنروح انا فرحت انها بقت كويسه ومش هتتحجز وهترجع البيت معانا ورجعنا البيت وكانت كويسة الحمدلله وكان معانا خالتوا ساعتها لما وصلنا البيت كنا الصبح اعدت شويه واطمنت علي امي وقالت انها هتروح الشغل وتستاذن بدرى وترجع بس قبل ماتمشي ماما مسكت اديها وشدتها وحضنتها جامد اوي وبصتلنا وبصتلها اكنها بتوصيها علينا لانها عارفه اننا بعدها هنتبهدل واول لما خالتي مشيت ماما كانت كويسه مفيش شويه ورجعت تعبت تاني ومكانت

ش قادره تتنفس

يتبع