رواية المال مقابل القلب الفصل الأول لهاله الجمسي

 

الحلقه السابعه و الثامنه 

ولسه فى امل

بقلم سها مجدى

 ادم وهوه بيمسك ايد غزل:حبيبتي اهدى انا معاكي ومش هسيبك

غزل وهي الدموع في عنيها وبتحط اديها علي ايدوا:متقلقش انا كويسه هي بس وحشتني 

عشق:وحشتنا كلنا 

حياه:طب عشان خاطري متعيطيش احنا كلنا معاكي كملي بس من غير ماتعيطي 

ادم:انا عشان كده مكنتش عايزها تحكي عشان هتفتكر زكريات هتوجعها

غزل:متقلقش ياادم انا كويسه وانت عارف اني مش بنسي الزكريات دي لانهم قدامي علي طول المهم خليني اكمل

بقيت انا واختي بنهولها واختي تدعك صدرها عشان تقدر تتنفس وساعتها 

اختي قالتلي: بسرعه اتصلي بخالتك ترجع وكلمي خالك بسرعه 

انا مسكت الفون وانا بترعش وكلمت خالتي وكانت لسه واصله بيتها وبتغير هدومها عشان تروح شغلها هي اول ماشافت رقمي علي تلفونها قلقت وقلبها اتقبض وردت بسرعه

 قولتلها: ياخالتوا الحقيني ماما تعبانه اوى قفلت السكه في وشي ونزلت جري انا بعدها كلمت خالي الكبير وكان ردوا لما تموت قولولى عشان اجي اعزي وقفل السكه في وشي انا ساعتها اتصدمت واختي بصتلي وفهمت وقالت اكلم خالي التاني كلمتوا قالي: طيب شويه كده لما مرات خالك تصحي وتاخود دش ونفطر هنيجي 

ساعتها قولتلوا: شكرا بعصبيه وقفلت السكة وبقيت واقفه قدام امي الي بتموت وعماله تشاورلي 

واختي الي مسكاها وبتبصلي وبتقولي: غزل ياغزل انا من صدمت الي سمعتوا واقفه ثابته في مكاني ساعتها اختي زعقت ياغزااااااااال ماما بتشاورلك تعالي ساعتها انتبهت وجريت عليها وساعتها خالتوا كانت وصلت ودخلت روحت اعت جنب ماما واختي وهي مسكت فيا انا واختي اوي وحضنتنا جامد وكانت بتبصلنا وتبص لخالتوا وترجع تبصلنا تاني وباايديها تمشيها علي وشنا مكناش نعرف انها بتودعنا وانها خلاص كده ربنا اراد انوا ياخود امانته اراد انها تمشي وتسيبنا لوحدنا 

وانا كنت عماله اقولها وهي بتبصلي: يارب الي فيكي يجي فيا ياامي ربنا ياخود من عمرى ويحط في عمرك ربنا يريحك من الي انتي فيه ياامي يارب 

وكانت اخر كلمه اقولها ومعاها السر الالهي طلع وراحت امي وكل ده حصل قدام عنيا انا واختي وخالتي انا ساعتها مصدقتش وجاتلي صدمة وفقدت النطق ومكنتش عارفه انطق بكلمة واحده كاني نسيت الكلام نسيت الناس ازاي بتتكلم ودماغي وقفت عند اللحظه دي وكنت اعده علي جنب وضامة رجلي باايدي ومش حاسه بااي حاجه غير اني ببص عليها وبس وشويه ابص لاختي واشورلها علي الفون علشان تكلم عشق وايريني وحياه يجوا واختي فهمتني وكلمتهم عشان يجوا كلمت عشق قالتلها وقالت تكلم بقيت البنات وتيجي بسرعه وياعيني عشق نفسها من الصدمة كانت مش عارفه تلبس ولا عارفه تكلم البنات عشان تقولهم المهم كلمت ايريني وفي اققل من ساعة الاتنين كانوا عندي وانا من الصدمة الي كنت فيها جارتنا اخدتني عندها وهمي لما وصلوا طلعولي عند جارتنا فوق انا ساعتها مكنتش مصدقه انها خلاص مش موجوده عقلي كان رافض الفكرة من الاساس وكل الي في دماغي انها راحت مشوار وهترجع تاني ولما البنات طلعوا وشوفتهم جريت عليهم بس ايريني كانت بتعيط فازقتهم تاني بعيد ورجعت اعت في ركن بعيد وكنت عماله اشاورلها انتي بتعيطي ليه ماما كويسه هي بس راحت مشوار تجيب حاجة وراجعة تاني متعيطيش ساعتها عشق زعقتلها وقالت متعيطيش ياايريني خلاص وعشق حضنتني وفضلت تتكلم معايا في اي حاجه هي وايريني عشان انطق وانا مش حاسه بحاجة خالص وابن خالي جه عند جارتنا عشان انزل ولما لاقاني مش بتكلم ومش حاسه بحاجة ضربني بالقلم عشان يفوقني 

وبنت جارتنا مسكتني وفضلت تهز فيا وتقولي: فوقي فوقي ماما ماتت مبقتش موجوده في الدنيا خلاص 

وانا مكنتش عايزه اسمعها وفضلت ازقها بعيد عني وانا من جوايا بصرخ وبقول لاااااااااا بس محدش سامعني وفجاه وانا بحاول اني اصرخ صوتي طلع وفضلت اصرخ بعلو صوتي ووقعت علي الارض وانا بصرخ وبعيط وعشق وايريني جريوا عليا وحضنوني وانا كنت ماسكه فيهم زي العيل الصغير وفضلوا يهدوني وهمي بيعيطوا معايا وانا مش بهدي بس الي خلاني اهدي اني لقيت اخويا الصغير واقف بيبصلي هديت شويه وقولتلهم انا عايزه انزل تحت ياله واختهم ونزلت وكانوا همي خلاص خلصوا وطالعين بيها علشان يصلوا في الجامع بس انا ملحقتش اشوف وشها والمسوا لاخر مره ملحقتش اودعها لان خالي منعني بس لما راحوا الجامع بنت خالي خلتني اشوفها بس مشوفتش وشها بس كلمتها وانا متاكده انها سمعاني وبعدها خدوها ومشيوا خدوها لمثواها الاخير زي مابيقولوا وانا عشق وايريني خدوني من عند الجامع ورجعوني البيت وفضلوا اعدين معايا لغايت بليل وروحوا عشان يجوا تاني يوم انا مكنتش عارفه اليوم ده عدي ازاى عليا انا واخواتي وتاني يوم البنات جم لاقوني نايمة فضلوا اعدين جمبي لغايت ماصحيت ولقيتهم لاقوني اعده عماله اهزر واضحك همي كانوا فاهمين اني كنت بهرب من الواقع والحقيقه بالضحك والهزار واختي كمان اعدت معانا 

واختي قالتلهم: البيت ده بيتكوا اتعملوا علي الاساس ده مالكوش دعوه بحد 

هي قالت كده عشان اليوم الي قبله مرات خالي اتعاملت معاهم بطريقة وحشه اوى كانت عماله تقولهم: هو انتوا اهاليكوا عارفين انكوا هنا وهتتاخروا انا بقول انوا كفاية كده وروحوا عشان متتاخروش وحد يزعقلكوا 

بالمعني بتطرودهم بالادب بس همي ردوا وقالولها ان اهلهم عارفين همي فين 

فاراحت قالت: طب خلاص كفاية عليكوا كده انتوا عملتوا الواجب قوموا روحوا عشان متتاخروش وانتوا بنات هتروحوا ازاي لوحدكوا 

ايريني ساعتها الي ردت عليها وقالتلها: لا حضرتك متقلقيش بابا هيجي كمان شويه وهوه الي هيروحنا لانهم عارفين اننا مش هنسيب غزل لوحدها ابدا 

ساعتها حياه كانت وصلت البيت عندي واعدت معايا شوية ومشيت علشان مامتها كانت تعبانة في البيت وانا سيبت البنات وروحت اعمل حاجه رجعت لقيتهم همي كمان ماشيين وانا مش فاهمه ليه وهمي لسه جايين من شويه اصلا       

ولما سالتهم كدبوا عليا وقالوا ان ابو ايريني كلمها وقالها تعالي وان مامت عشق عايزاها مكنتش اعرف الي حصل فعلا يومها وياريتني كنت عرفت السبب الحقيقي انهم يمشوا

لسه فى امل

بقلم سها مجدى

الي حصل بقي ان مرات خالي قالتلهم: يالا بقا علشان اهليكوا ميقلقوش عليكم كفاية كده انتوا تعبتوا معانا انهارده يالا مع السلامة بقي ومتجوش بكرا مش عايزين نتعبكوا اكتر من كده 

همي سمعوا كلامها ده وراحوا لاختي يقوللولها انهم ماشيين بقي انا اختي وقتها كانت سمعت مرات خالي وهي بتقولهم علي انهم ميجوش بكره بس للاسف من حظها انها مسمعتش بقيت كلامها الي قالتوا 

اختي ردت عليها وقالت: ده بيتهم يجوا الوقت الي همي عايزينوا وقالت لعشق وايريني سامعين انا قولت ايه ولا لا 

عشق قالت: سمعنا 

وايريني قالت: اه سمعنا خلاص 

وكملوا معايا اليوم ومشيوا بليل وانا عرفت الي حصل واضايقت جدا المهم بعدها الاجازة خلصت ورجعنا الجامعة تاني اول فترة كانت صعبة علشان كنت مش باكل اصلا في البيت الي هوه لا اناعايزه الاكل بتاع ماما ماليش دعوه لغايت لما كنت قاعدة معاهم كلهم ايريني وثائر وفؤاد وحياه وعشق وكنا بنتكلم عادي خالص بس تحسوا اني كنت بتلكك علي اي حاجة عشان اعيط لاني معيطتش وفجاة اتخانقت مع ايريني علشان قالتلي ياحماره عادي علشان فعلا ده عادي وبيحصل بين الصحاب بس انا كنت بتلكك اليوم ده فعلا اكني كنت مستنية حد يفرقعلي البلونه واتعصبت اوي وقفشت علي ايريني 

فاعشق قالتلي: في ايه ياغزل هي كانت بتهزار معاكي مالك قفشتي كده ليه 

وانا صوتي بقي عالي لدرجة اني كنت بزعق وبتخانق بجد وعشق كمان اتعصبت عليا وصوتها بقي عالي 

عشق بعصبية: انتي عايزه ايه دلوقتي ياغزل بتزعقي ليه عشان ايه اصلا دي قالت ياحماره بس مقتلتكيش يعني في ايه 

ولقيتني ابتديت اعيط قالتلي: انتي بتعيطي ليه اصلا انتي كبرتي الموضوع ليه 

انااتعصبت اكتر وقولتلها: انتي شايفاني عيله يعني انتي عايزه تقولي كده يعني 

عشق: انا مقولتش كده انتي بتقوليني كلام وخلاص انا مقولتش حاجة 

وفضلت بصالي شويه وانا مودية وشي الناحية التانية رجعت زعقت تاني 

وقالتلي: بصيلي وانا بكلمك وبعدين تعالي هنا قوليلي اي حوار انك مانعة الاكل ده هاه انتي مجنونة عايزة ايه بتعملي كده ليه عايزه ايه ردي عليا انطقي هتفضلي بصالي وساكتة كده 

وانا ساكته ودموعي نزله زي الشلال مش بتوقف زعقت وصوتي كان عالي لدرجة ان الجامعة كلها سمعت صوتي وكلوا كان بيتفرج علينا وانا انهارت جدا لدرجة ان حياه وايريني وثائر وفؤاد واقفين متنحين ايه الي حصل في ايه مش فاهمين حاجة مع انهم كانوا واقفين من الاول وبصين لينا واحنا بنزعق 

وانا كنت برد علي عشق وصوتي عالي بقولها: عايزه تعرفي في ايه وبعمل كده ليه هاه في اني عايزه ماما هتعرفي تجبيهالي هاه هتعرفي ترجعيها تاني عايزاني ارجع زي الاول وابقي كويسه ياله روحي هاتيها رجعيهالي تاني ياله روحي هاتيها عشان ارجع غزل الي تعرفوها ياله 

وفضلت اعيط بحرقة

عشق وهي بتعيط: اجبها منين لوكنت اعرف طريقة اجبها وارجعها بيها كنت عملتها بس اعمل ايه حد يقولي اعمل ايه متسكتوش كده 

وفضلت تعيط علي عياطي وحياه وايريني كمان عيطوا واثر وفؤاد واقفين بيحاولوا يهدوني انا والبنات بس ده حتي فؤاد عنيه دمعت علي حالتي بس بيحاول يهديني ويخليني ابطل عياط وانا بعيط باانهيار لاني معيطش غير لما قالولي انها خلاص عيط شويه وسكت لغايت ماجه اليوم ده الي انفجارت فيه وعلي حاجة تافهة جدا وعبيطة هي دي كانت شكة الدبوس الي خلتني انفجرت وفضلت اعيط والبنات بيعيطوا علي حالتي دي ساعتها ادخل فؤاد وشدني من ايدي وخدني ومشي وساب ثائر مع البنات ومشينا انا وفؤاد بعيد وخدني لغايت الحمام عشان اغسل وشي 

وانا بكلم فؤادبعياط: مش عايزه ادخل اغسل وشي 

فؤاد: يابنتي ادخلي خلصي ياله انا لو ينفع كنت دخلت معاكي بس مينفعش لحسن يكون في حد جوه 

وفضل مصمم اني ادخل اغسل وشي وبعد زن كتير منه دخلت غسلت وشي وطلعت ونزلنا اعدنا تحت وقعد يتكلم معايا 

فؤاد:بصي بقي انا سبتك تطلعي كل الي جواكي وتعيطي براحتك بس عشق تعمل ايه ياحبيبتي ده قضاء ربنا مينفعش نعترض عليه صح اهدي كده ووحدي الله واستغفري ربنا كده انا عارف انها وحشتك بس هي معاكي علي طول وحاسة بيكي ومش هتسيبك ابدا فكرى كده في اختك واخواتك الاتنين ربنا هيصبرك ويصبرهم صدقيني وبعدين عشق ملهاش ذنب انتي متعرفيش انها كلمت اختك من وراكي وكانت عايزاكي تباتي عندها ك

ام يوم وتبعدي عن البيت وتخرجكك من الي انتي فيه ده

يتبع