لسه في امل
الحلقه ١١، ١٢
بقلم سها مجدى
عشق كانت اعده في النص وايريني علي اليمين وانا علي الشمال وقعدين بنتكلم سوا لاحظت ان عشق كل شوية تبص وراها مش عارفه ليه اول مره قولت يمكن كانت بتبص علي حاجة انما كررتها كذا مرة مرة تقول كلمة وتبص وراها
غزل: في ايه ياعشق كل شوية تبصي وراكي ليه يابنتي خيلتيني في ايه في حاجة ورا يعني بتحصل عشان كده كل شوية تبصي وراكي
عشق: لا بس مش عارفة ليه عندي احساس رهيب بيقولي بصي وراكي وانا اصلا ببص علي ايه ولا بدور علي ايه مش عارفه صدقيني سيبك سيبك
اتكلمنا شوية ولقيتها رجعت تبص وراها تاني والمره دي كانت مختلفة
عشق: ايه الواد العبيط ده ماله بيبص اوي كده ليه
غزل:سالتها في ايه
عشق: بصي وراكي كده
بصيت لقيت واحد قاعد مع ولاد كتير وعمالين يتكلموا مع بعض بس هوه عنيه علي عشق مركز معاها جدا
غزل: ايه ده ماله ده
عشق: سيبك ده شكله عبيط
شويه ونبص ورانا تاني نلاقيه لسه بيبص ويبتسم اوى بردو ايريني قالتلنا: في ايه
غزل: مش عارفة واحد عبيط عمال يبص علينا اوي ومبتسم ولا كاانه يعرفنا
ايريني: فين ده
غزل: وراكي لابس قميص بينك فاتح وتيشرت ابيض ساده تحتيه هتلاقيه سايب القميص مفتوح ولابس بنطلون جينز فاتح ازرق واسنيكر ابيض
ايريني وهي بتبص عليه:واو هوه ده الي بيبص ده قمر اوى ايه الحلاوة دي
بصتلها انا وعشق اوي الي هوه ايه انتي مخطوبة اومال الدبلة دي بتعمل ايه في ايدك
عشق وهي بتهزر وبتضحك:احترمي نفسك بقا شوية احترمي فلوباتير الله
وضحكت واحنا ضحكنا معاها شوية ولقيت عشق حطها ايدها علي خدها الشمال وتنحت مره واحده
عشق بصدمة:مستحيل
غزل:في ايه ياعشق مالك بقيتي مذبهلة كده ليه
عشق:انتي عارفة الولد الي بيبص ده ومبتسم يبقي مين
غزل:مين يعني انتي تعرفيه ازاى اصلا
عشق:فاكره كده من 10ايام او اكتر مش فاكره لما حكيتلك علي الحلم الغريب الي انا شوفته
غزل:اه فاكره ماله
عشق:هوه ده الي شوفته في الحلم
غزل:بطلي هزار مستحيل
ايريني بااستغراب:حلم ايه ومين ده اصلا مش فاهمة حاجة
عشق:استني بس دلوقتي لما نشوف الي بيحصل ده
انا بصيت ورايا ورجعت بصيت علي عشق وقولت:انتي متاكده انه هو
ولسه في امل
بقلم سها مجدى
عشق:ايوه حتي انا فاكره اسمه ايه من ساعت الحلم هوه قالي اسمه وقتها اسمه فارس
ايريني:متفهموني مش فاهمة
غزل:انا هفهمك
وحكتلها الحلم الي عشق حلمته بس مش بتفاصيل يعني المختصر
ايريني:انتوا بتهزروا صح يعني هوه قاعد ورانا دلوقتي بجد
غزل:اه
كانت المحاضرة بتاعتنا بدات ولازم ندخل المدرج دخلنا
وعشق هتتجنن وبتكلم نفسها: ازاى ده حصل يعني ايه احلم بواحد معرفوش ويقولي انا ربنا باعتني ليكي وبعدها بكام يوم لقيته قدامي كده
المهم اليوم خلص وفضلنا علي الحال ده كل لما يشوفها يبصلها ويضحك لغايت لما جه يوم واحنا اعدين نلاقي في هوا جامد والجو مع ان الجو كان حر ومره واحده لاقيناه معدي وبيبص لعشق وبيضحك وفي يوم كانت ايريني وعشق راحوا يجيبوا حاجه ناكلها ويجيبوا مايه من الكفيتريا عشق اتكعبلت وكانت هتقع بس ايريني مسكتها وهوه كان قاعد ولما شفها هتقع قام من مكانه وكان لسه هيلحقها لاقه صاحبتها مسكتها قبل ماتوقع وهمي راجعين عشق مكانتش واخده بالها انه قاعد اصلا ماخدتش بالها غير لما حد من الي كان واقف نده عليه وقال يالا يافارس خلينا نمشي وقفت مكانها اتسمرت بصت وراها لقيته ماشي مع اصحابه بعدها كنا مشغولين علشان الملخصات بتاعت المواد عشان ندخل في فترة الشرح بقي وبعدها بفترة الامتحانات اختفينا فتره كان مفيش ناس كتير بتيجي الجامعة ومافيش محاضرات فيه سكاشن بس كنا بنحضرها في يوم منهم اختي عملتلنا سندوتشات كتير وسلطة خلصنا سكاشن ونزلنا قعدنا تحت ناكل بقي في السندوتشات والسلطة وقعدنا انا والبنات ناكل ونضحك جامد وكملت بقي اننا شربنا بيبسي اه نسيت اقول اننا لما بنشرب بيبسي بنهيس والتهييس اشتغل بقي وحاجة عسل فجاة لقينا فارس وكان دايما معاه اتنين كده منعرفش اساميهم ايه وانا لقيت نفسي بشاور لواحد فيهم وهوه كمان بيشاورلي
عشق وايري
ني بيقولولي: انتي بتشاورى لمين ياغزل
يتبع
تعليقات
إرسال تعليق
اترك لنا تعليقًا ينم عن رأيك بالمحتوى