الفصل الأول عشق الكنان الجزء الثاني

 أقتباس حاره الصابرين

""""" """" "" "" "" "" "" "" """ "" "

توجهت نوسه الى قسم الشرطه بعد ان اخذت تصريح بزياره زوجها المدعو حنفى

جلست بمكتب الضابط بأنتظار قدومه 

ماان جلبه العسكرى ترك لهم الضابط المكتب ليأخذوا راحتهم

ما ان شاهدها حنفى نظر اليها  بغضب شديد قائلا: 

-انت ايه الى جابك يانوسه؟! مش كفايه الى عملتيه فيا! 

طبعا جايه تشمتى فيا

ابتسمت نوسه له بشماته قائله: 

-انت الى وصلت لنفسك للى انت فيه دلوقتى انا عرضت عليك نخرج بالمعروف، وكنت ها اديك قرشين لكن انت الى نشفت دماغك، وبعدين الحشيش مش جديد عليك ما انت بتتعاطه، وبتاجر فيه 

هدر بها حنفى بغضب شديد قائلا: 

انت مش خلاص نفذتى الى انت عايزاه جايه ليا هنا ليه؟! 

جايه اعرض عليك عرض لو تحب تسمعه تمام ماتحبش ها امشى، ومش هاتشوف وشى تانى 

اخذ  حنفى يفكر قليلا ثم حدثها قائلابنفاذ صبر: 

-قولى يا نوسه اعرضك، وانا اشوف يناسبنى، ولا ايه 

نوسه، وهيا ترمقه بنصف ابتسامه:

-لو تحب تخرج من هنا بس على شرط

اولا تسيب الحته، وتدورلك على مكان تانى غير هنا، وترجعلى كل الى استوليت عليه من ابويا، وانا برضوا ها اطلع ست جدعه معاك، وها اديك مبلغ كويس تعيش منه على شرط ورقه طلاقى تكون فى ايدى قبل ماتخرج من

هنا، وانا وعد منى، وانت عارف ان كلمتى واحده 

ها اخرجك

غادرت، وتركته يفكر بالعرض الذى عرضته عليه