امتلكني صعيدي ❤️❤️❤️.
رنا احمد عماد ❤️❤️❤️.
بارت 4...
كانت واقفه بصدمه قاتله مستحيل تكون دي حقيقه اكيد حلم لا كابوس بشع .
بسمه بصدمه /مستحيل ازي قدرت تعمل كده ازي قدرت تمثل بالبراعه دي وغير كل ده ليه عملت كده ليه .
يونس بضحكه مصحوبه بوجع /ههههه ليه دي بقا بعدها مليون حاجه انا ابويا وامي ماتوا من الفقر والجوع ابويا كان مريض سرطان كان بيشتغل في الغيطان ب عشره جنيه في اليوم وامي كانت بتشتغل في البيوت كنت عيل صغير والحرقه والنار قادوا في قلبي وانا شايفهم بيتزلوا وبيتهانوا علشان ملاليم كبرت وانا مصمم أن الفلوس هي كل حاجه وهاجبها باي طريقه وبأي تمن اتعرفت علي اللورد ساعدني ووصلني للي انا بيت فيه قصر فلوس بملايين اي حاجه بعوزها بحققها موت احساس الحرمان الي كان جوايا .
بسمه بدموع وصراخ /والتمن ايه لكل ده ها دم ناس وبلد عمال تخون فيها .
يونس بغضب وصراخ /انا مفيش حد من الي قتلتهم مكنش يستاهل الموت كلهم عايزين الحرق وبعدين بلد ايه الي بتتكلمي عنها عملتلي ايه البلد علشان اخاف عليها .
بسمه بدموع وصراخ /طب ويونس الي اعرفه بيظهر في وقت مهماتك الحقيره مش كده .
يونس بسخريه /يونس الي تعرفيه اكتر شخصيه بكرها في حياتي عبيط واهبل وضعيف لكن العقرب مختلف تماما وصدقيني هيعجبك اوي .
بسمه باستفزاز /انا مفيش راجل يملأ عيني غير عمر حبيبي وهسلمك بايدي دول البوليس ي يونس.
يونس بضحكه عاليه /هههههههه ولو أنه حلم بعيد بس هسيبك تحلمي أما بالنسبه الحمار خطيبك اسمعي بنفسك .
لتعمل تلك الشاشات ليظهر تسجيلات ل عمر يتحدث بها عن علاقته ببسمه ماهي الي مصلحه وايضا علاقته بالفتيات لتنزل دموعها بغرازه فيكفي يكفي لتسقط مغشيا عليها لكنها سقطت بين يديه لينظر إليها بنظره تروي الف روايه ..
*********************
*********************.
في فيلا الصياد ...
كانوا قاعدين كلهم برعب من الي حصل .
مخيمر بخوف شديد/ي ترا روحت فين ي يونس .
عمر بحده /انا مش عارف ابن اخوك العبيط ده مين الي هيخطفه.
ماهر بغضب شديد /بس مش عايز اسمع صوت خالص كفايه بنتي مش عارف هي فين .
عشق بجديه /أن شاء الله هتلاقيها ي عمي وهترجع بالسلامه .
هند بغيظ /مشاء الله ي عشق عقده لسانك اتفقت اهيه وبقيتي بتتدخلي في الي ملكيش فيه .
امجد بغيظ واستفزاز /عشق مرائتي تتدخل في أي حاجه.
خالد بقلق بالغ/وبعدين ي بابا هتفضل ساكتين كده .
عبير بدموع ونواح /بنتي انا عايزه بنتي هاتلي بنتي ي ماهر .
ماهر بخوف شديد/ربنا يرجعلك لينا بالسلامه ي بنتي.
*****************.
في القصر ..
كان قاعد يونس جانبها وهي بتفوق لتتحدث بتوهان .
/هو ايه الي حصل .
يونس ببرود /ابدا صدمتك في حبيب القلب كانت كبيره وقعتي اغماء عليكي بصراحه انا مش شايف أنه يستاهل ده كله .
بسمه بحده وغيظ/إذا كنت انت ولا هو احقر من بعض وانا بقا الي هعرف اخليكم تندموا علي كل ده ودلوقتي بالزوق كده بدل ماتصرف تصرف ميعجبكش سبني أخرج من هنا .
يونس ببرود /انا عايز اشوفك هتعملي ايه بقا خروج من هنا مفيش خروج ودلوقتي هتمسكي التليفون وتكلم ماهر بيه وأخواتك وهتقووليهم انك في مهمه رسميه ومش عارفه هترجعي امتا وان انا كمان معاكي .
يونس وهو يرفع تلك المراه لتظهر داليا مكممه بدموع وخوف .
بسمه بفزع/داليا .
يونس ببرود /قسما بالله لو معلمتيش الي قولتلك عليه هتقري علي صاحبتك الفاتحه دلوقتي حالا .
بسمه بدموع وصراخ /انت حقيرررر.
يونس ببرود /انا عارف نفسي كويس المهم يلا اخلصي .
وفعلا مسكت بسمه التلفون ورنت علي ماهر الي رد بسرعه .
/الووو.
بسمه بثبات مصتنع /عامل ايه ي بابا ي حبيبي .
ماهر بلهفه /بسمه ي حبيبتي انتي فين ردي عليا .
بسمه بدمع مكتوم /متخافش عليا ي حبيبي انا طلعت مهمه كان لازم اطلعها ومعايا يونس متقلقش .
عمر بغضب /مهمه ايه دي الي يوم فرحنا انتي روحتي فين انتي وسي زفت ده .
بسمه باحتقار شديد/انت بالذات مش عايزه اسمع صوتك الحمد لله ربنا كشفلي حقيقتك الحقيره انك بتقرب مني علشان الفلوس ي واطي .
عمر بارتباك شديد/انتي بتقويلي ايه ي بسمه .
بسمه بحده /الي سمعته وحسك عينك اشوفك في أي حته بعد كده فاهم .
لتغلق الهاتف بدموع .
يونس ببرود /برافوا عليكي قومي بقا اعمليلي فطار علشان اخدك ونعمل شوبينج .
بسمه بغضب جحيمي/انا مشوفتش في بجاحتك كده طلع داليا احسالك عارف لو اذيتها هدمرك .
بحركه ماهره وسريعه كانت بين يديه ليقترب منها بنظره خبيثه.
/توتو فيه واحده متعصبه تبقا حلوه كده .
بسمه بغيظ شديد/ابعد عني بدل ماقتلك .
يونس بابتسامه ساحره وهمس /اقتليني انا مستعد اموت علي ايديكي .
بسمه وهي تتدفعه بغيظ /طب ابعد كده ي عم الميت احسالك .
يونس بابتسامه خبيثه/دمك عسل يلا حضريليلي الفطار انا زي جوزك برضه .
بسمه وهي تتجه إلى الأسفل بحده وتوعد /نجوم السماء اقربلك ي عقرب .
يونس بابتسامه ساحره /هيحصل ي بسمه وهتشوفي .
********************.
في شركه الطيران ...
كان واقف خالد وهو بيدور عليها في كل مكان من اخر رحله مشافهاش ولا يعرف عنها حاجه قرب من الكافتيريا كانت قاعده بشرود .
/مختفيه فين من اخر مره .
ايمان بابتسامه /كابتن خالد .
خالد بابتسامه ساحره/ايه مالك مختفيه ليه .
ايمان بحزن شديد/لاني خلاص هسيب الشغل .
خالد بحزن أخفاها ببراعه /ليه في حد زعلك .
ايمان بحزن ودموع /اهلي صعايده ولو عرفوا اني شغاله مضيفه هتبقا مصيبه قولت ارتاح من الخوف والرعب ده .
خالد باستغراب شديد/معقول لسه فيه ناس تفكيرها رجعي كده متشغلش بالك انا هتصرف .
ايمان باستغراب /هتتصرف ازي ي كابتن خالد .
خالد بجديه /هتجوزك وهخليكي تحققي حلمك .
ايمان بصدمه /حضرتك قولت ايه .
*******************.
في جناح عشق وأمجد ..
كان واقف امجد بيلبس هدومه قربت منه عشق بابتسامه .
/الحمد لله أن بسمه بخير .
امجد بابتسامه /الله يسلمك قوليلي انتي كويسه .
عشق بفرحه لاهتمامه /الحمد لله بخير تسلم يارب .
امجد بابتسامه ساحره/طب جهزي نفسك علشان هننزل نتعشا سواء .
عشق بفرحه وسعاده/عنيا هجهز امرك ي امجد بيه .
امجد بابتسامه وهمس /فيه واحده تقول ل جوزها ي بيه.
لتنظر إليه بخجل شديد وقلب يرقص فرحا .
*******************.
في القصر .
في المطبخ ..
كانت واقفه بغيظ شديد وهي بتحط الفطار .
/ده بحج بجاحه قتال قتله ومجرم وبيتامر كمان .
يونس بابتسامه خبيثه /ايه القمر ده عقبال متعمليلي فطار صبحياتنا قريب .
بسمه بغيظ شديد /أن شاء الله هعمل قرص وهفرقها علي كل الناس يوم اعدامك ي عقرب وعلي ايدي .
يونس بضحكه عاليه/هههههه اموت فيكي وانتي عصبيه كده ي بسبوسه قلبي بس جهزي نفسك علشان فيه ضيف مهم جاي .
بسمه باستغراب /ضيف مين ده أن شاء الله انت فاكرني الشغاله بتاعتك ولا ايه انا باخدك كده علي هواك لحد ماتفوق علي كابوس ي يونس .
يونس بابتسامه خبيثه/اهو الضيف جه جهزي نفسك ي عروسه المأذون وصل .
بسمه بصدمه /مأذون .
يونس بابتسامه/بصراحه انا هموت عليكي بس انا هعمل الي يريحك والي يرضيكي وهنتجوز علي سنه الله ورسوله جهزي نفسك هتكوني مدام يونس القناوي ..
يتتتتتتبع .
معلش انا عارفه أن البارت صغير باذن الله بكره هعوضه ببارت اكبر وروني التفاعل الجامد وتعليقاتكم وتوقعاتكم للي جاي دمتم بخير وعافية يارب ❤️❤️❤️❤️
امتلكني صعيدي ❤️❤️
رنا احمد عماد ❤️❤️❤️
.
تعليقات
إرسال تعليق
اترك لنا تعليقًا ينم عن رأيك بالمحتوى