طبيب القريه الحلقه٩
مالك : أنا كنت غلطان في كل تفكيري إزاي انتقم من روحي ..
شاهين : روح مين يا بابا إنت هتمثل عليا أنا كمان إنت عايز توصل لإيه ولا هي جنبك وخايف تسمعك ...
مالك : لا دي الحجيجة وللأسف أول ما فهمت ده وعرفت إني بحبها ربنا يحرمني منها ...
شاهين : ممكن تفهمني بالراحة إنت عايز توصل لإيه..
مالك : نعمة حامل ...
شاهين : عادي مش أول واحده يحصل معاها كده ما في بنات كتير لعبت عليهم قبل كده ...
مالك : دا كان من زمان إنما دلوكيت لا لازمن أصلح غلطي حتى على الأجل أكون بصورة زينة في نظر زبيدة ...
شاهين : إنت مالك حصلك إيه فين مالك الصياد بقى فريسة ولا إيه...
مالك : وأنا مش خابر إنت عايز إيه وبتعمل إيه اهنه ...
شاهين : جاي أشوف حتة القشطة بتاعتك اللي بعد ما تطلقها أعرف اصطادها أنا ...
مالك بغضب : إنت بتجول إيه ياحيوان ..
شاهين : مين اللي حيوان بردوا زير البنات جاي يقول لي الكلام دا هو إنت صدقت شعر الثعلب وافتكرت نفسك إنك شيخ.
هههههه
بـَرَزَ الثعـــْـــلَبُ يوماً ***
في شـِعـــار الواعـِظيـنا
فـَمـَشى في الأرضِ يـَهــْـدي *** ويـَســُـبُّ المـاكرينا
ويقول: الحـــَــــمـْد لله *** إلـــَـــه العالــــَــمينا
يا عـــِـــباد الله توبوا *** فـَهو كـَهـْف ُ التــائبينا
وازهـَدوا في الطـَيـْر إن الـ *** عـَيـْش عـَيـْشُ الزاهـِدينا
واطـْلـُبوا الديـــك يؤذن *** لصـَـلاة الصـُـبـْح فينا
فأتَى الديك َ رَســــُــولٌ *** مـِن إمــام الناســــكينا
عـَرَضَ الأمرَ عـَلـَيـْـهِ *** وهو يـَرجـــو أن يـَلينا
فأجـــــاب الديـكُ عـُذْراً *** يا أضــَـل المهـْتـَدينا
بـَلـِّـغ الثـَعـْلـَبَ عـَنـي *** عـَنْ جـُدودي الصالحـــينا
عن ذَوي التـِيجان مـِمـَّن *** دَخــَــلَ البـَطـْنَ اللعينا
إنهم قـــالوا وخـَيـْرُ الـ *** قـَوْلِ قـَـوْلُ العـــارفينا
" مـُخـْطـِئ ٌمـَنْ ظـَنّ يـَومـاً *** أنَ لِلثـَعـْـلَبِ ديـــنا....
شاهين : فهمت ولا لا ...
مالك : تصدج إنك شيطان وأنا غلطان إني اعتبرتك صديج ليا ...
شاهين : حقيقي وإنت إيه ما إنت شيطان وبتلعب على الكل من غير خوف من ربنا ودلوقتي بتقول اتغيرت ....
مالك : أخرج من بيتي وانسى إني كنت صديج ليك فاهم ....
شاهين : إنت بتطردني إنت فاكر نفسك إيه إنت ولا حاجه وأنا هكشف خطتك قدام الكل ...
مالك بغضب : أعلى ما في خيلك اركبه والبيت دا متدخلوش في حياتك...
شاهين : بقى كده ماشي تبقى تقابلني لو خليتك تجتمع معاها ولو بتحبها بجد هكسر قلبك ...
مالك : أطلع برا ومهتجدرش تعمل حاجه فاهم...
خرج شاهين وهو بيتوعد لمالك في نفس الوقت الشاب اللي كانت زبيدة واقفه معاه كمان بيحلف إنها مش هتكون غير ليه هو وبس...
الشخص : زبيدة هتسيبيني ورايحه فين أني بحبك إنتي ليا مفهوم والله لمسحك من على وش الأرض يا مالك يا صقر لو فكرت تخطفها مني ....
شاهين : إنت تقصد مالك صقر النائب
الشخص : هو في غيره في المخروبه ديه
شاهين : حبيبي أنا إسمي شاهين وأنا كمان بكرهه كره العمى ...
الشخص : إنت مش من حدانا إنت من وين وليه بتكرهه ....
شاهين : باين عليك ذكي ولماح طيب ليه إنت واخد منه موقف ....
الشخص : عايز ياخذ مني حب عمري زبيدة بنت عمي لكن بعينه ...
شاهين بابتسامة كلها شر : إنت بخيل ولا إيه اعزمني حتى على كوبايه شاي
الشخص : أخ أني آسف إنت بردوا غريب وتتغدى كمان وواحد شاي صعيدي يوزن الدماغ ....
شاهين :ههههه أهو كده يلا ورينا المحمر والمشمر حداكم...
مالك رايح جاي في المكان وهو مخنوق وخاصةً بعد ما خسر شاهين اللي كان فاكروا أحسن رفيق ليه في الأثناء دي جاء لمالك إتصال ...
مالك : الو بتجولي إيه أني جاي حالاً ...
نهر : مين اللي اتصل بيك ياخال ...
مالك : زبيدة لأن وجت ما سابت نعمة وجعت مغمى عليها واستعوقوها أهلها نادواها وهي على السريع أخذتها على المستشفى ..
***************
نهر : سجطت يعني ...
مالك : لا جالها سكر حمل من كتر الضغط وكان لازمن تفضل تحت المراجبة.
نهر : أكيد من غير غذا وحزن ونفسيه متدمره ومفيش متابعة ولا علاج ولا إهتمام..
مالك : فعلاً ولما شوفتها اكده صعبت عليا روحت وعديت على أبوها خدته وجبت مأذون وشهود وكتبت كتابي عليها
نهر : وأبوها وافج بالسرعه ديه مش غريبة
مالك : حد يرفض شاب من عيلة غنية
نهر : رغم إن الشاب ديه هو اللي اخذ شرفها مش عجيبة ...
مالك : أبوها كفيف و ميعرفش إن بته حامل وطبعاً فرح لما أني طلبتها منه
نهر : طيب إنت ليه وافجت مش كنت معاند وجتها ..
مالك : علشان زبيدة حب عمري طلبت مني اكده ولو طلبت روحي أديهالها وجلت ممكن ربنا ميحرمنيش منيها ..
نهر : يعني كنت بتتمنى إن نعمة تموت.
مالك : لاه طبعاً عمري ماتمنى الموت لأي إنسان ونعمة كانت بت بريئه وأني اللي اضحكت عليها .....
نهر :طيب إمتا جدي صقر عرف إنك اتجوزت من نعمة وعمل إيه ومين السبب في موت زبيدة وإبنك ...
مالك : نكملوا بكرة يابنيتي الوجت سرجنا ...
نهر : أرجوك يا خال نفسي أعرف كل حاجة ...
**************
سليم : وفي اليوم دا كتب كتابه عليها والفضل يرجع ليكي صح ..
زبيدة : لاه مش صوح مالك كان من جواه شخص مليح ونبتة طيبة لكن الدلع في الولاد أكبر غلط ..
سليم : إنتي اللي بتقولي كده ما إنتي دلعتيني كتير كنت الأب والأم ليا رغم اني مش من دمك إنتي والدكتور عز والدكتورة شمس الدكتورة شمس هي اللي كانت بتعالج أمي .
زبيدة : اه يابني هي اللي وجفت امعاي كتير وهي اللي جدرت تهربني من الكفر بعد ما نعمة ماتت..
سليم : هي ماتت مين اللي قتلها ..
زبيدة : بلاش نظرة الشك اللي في عينيك ديه ....
سليم : ماقصدش يا أمي بس محتار في القصة الغريبه دي حبيبة أبويا هي اللي تربيني وأبويا يرميني ...
زبيدة : أبوك مات كمان يومها كان يوم صعب جوي جوم ياولدي الصبح شجشج علينا وإنت عندك شغل...
سليم : لا يا أمي مش هقوم إلا لما أعرف ماتوا إزاي وإنتي متهمة بقتل مين ... أبويا ولا أمي
زبيدة بحزن : ليه بتجول اكده ياولدي اجتل أبوك أو أمك ليه
سليم : مش عارف ممكن قتلتي أمي عشان تكوني مع أبويا
زبيدة بصدمه : مش ديه اللي حوصول واصل أني مش جاسية ولا جليلة أصل يابن مالك وأني هريحك لكن إنت جرحتني بكلامك ومن بعد ما أجولك كل اللي حوصول انسى إن ليك أم إسمها زبيدة ولسانك وخشمك ما يحدتونيش بكلمة واحده مفهوم
سليم : ياأمي أنا ماقصدش لكن هتجنن وأعرف إيه اللي حصل
زبيدة : وأني مش مسامحاك لكن هجولك وهريحك يابن مالك
*************
نهر : كمل علشان خاطري يا خال إزاي ماتوا وإزاي أجنعت أبوك
مالك : جلت له وجتها كل حاجة
نهر : زي إيه
مالك : هجولك يابت صفية
.... فلاااااااااش باك ......
صقر : إيه اللي سمعته ديه إنت بردوا هتتجوز بت صابحه ورايح جاي معاها
مالك : لاه مش هتجوزها مش علشان مش بحبها لكن نعمة حامل ووصلت للشهر الرابع ولازمن اكتب كتابي عليها النهارده
صقر : إنت انخبلت ياولا بتجول إيه إنت صدجت إنها حامل وكمان واحده سلمت نفسها ليك كيف تتجوزها
مالك : هو ديه اللي عندي وزي ماسمعت هتيجي تمام مش هتيجي إنت حر وأعمل حسابك موضوع إنك تحرمني من الورث والنظام ديه جديم لأن إنت عملت اكده جبل مني
صقر : أني ماروحتش عملت علاجة وبعد كده صلحتها فاهم
مالك : أني عارف إني غلطت وهصلح غلطي بس إنت عارف كل البنته اللي اضحكت عليهم سواءً كان جواز عرفي أو وعد بالجواز وانكشفت وإنت حميتني كلهم ذنبهم في رجبتك إنت إنت السبب إني وصلت إني أكون شيطان
إنت عارف أني اتغيرت بسبب مين بسبب بنت صابحه اللي إنت طول السنين ديه فاكرها خانت وعدك
وردة : بلاش يامالك ليه بس عايز تفتح الجديم
مالك : دا حجها ياما علشان ترتاحي من الذنب اللي إنتي ارتكبتيه زي ما أنا هصلح ذنب ارتكبته
وردة : ليه ياولدي عايز تخرب كل حاجة في يوم واحد
صقر : ممكن أفهم إيه اللي بيحصل وايه الحديت اللي بيناتكم
مالك : هتجولي ياما ولا أجول أني
وردة : إنت يابني عايز تحكم علي بالإعدام
مالك : ما خالتي اتحكم عليها بكده وعاشت مذلولة جدامك سنين وإنتي منطجتيش بكلمة واحدة
صقر خبط على الحيط واتحدت بصوت عالي : أني مش عايز عوج في الكلام
مالك : أني جلت اللي عندي هتجوز نعمة
صقر : مش هتهوب البيت هنا
مالك : هههه أني عارف بس مش علشان إنت جلت اكده لاه علشان هي مريضة ولازمن تكون في المستشفى وهجهز المستوصف وهجيبلها أحسن الدكاتره لحد ما تجوم بالسلامة ووجتها نتحاسب
صقر : إنت كده بتصغرنى جدام كبرات البلد والكفور الثانية
مالك : بالعكس أني بكبرك إبنك غلط وبيصلح غلطته
وردة : مش كنت عايز تتجوز زبيدة إيه اللي حوصول
مالك : أكيد هتجوزها وهتكون حلالي لكن بعد ما أصلح غلطتي مع نعمة ومحدش يجدر يجبرني على حاجة واصل
صقر : إنت حر لكن وجتها إنسى إن عندك أب أني عارف إن بنت صابحه هي السبب وهي اللي خلتك تجول الحديت الماسخ ديه وأمها السبب عايزين يكسروني
***************
صابحه : إنتي بتتحدتي مع إبن النايب صوح
زبيدة : اه ياما عادي مش إبن خالتي
صباحه : مش جلتلك ألف مرة ماتحكيش مع إبن صقر بس دماغك مع نفسك وكل يوم معاه
زبيدة :مش معاه مع نعمة ومش ههملها واصل
صابحه : أني جررت أني وأبوكي إننا هنسيب الكفر ونروح على البلد وإنتي هتيجي معانا ونسيب إبن النايب
زبيدة : ليه ياما دلوكيت وأني جلتلك إني مع نعمة مش معاه
صابحه : لازمن تبعدي عنيهم يابتي ديه الصالح ليك
زبيدة : ما أني خابرة إن ديه لصالحي بس ليه دلوكيت ما إنتي كنت رافضة الموضوع ديه من زمان
صابحه : مش عايزة حديت كتير أني جررت وخلاص
زبيدة : عايزة تهربي ماشي أني هاجي معاكي لكن بعد ما نعمة تولد وبعد كده هاجي معاكي
صابحه : ملناش صالح بيها واصل يابتي مش هتجيب لينا إلا وجع النفوخ
زبيدة : معلهش ياما أني وعدتها إني مش هتخلي عنها
صابحه:طيب أني رايحه أبلغ أختي وودعها وبعد اكده نتحدتوا
زبيدة : ممكن أجي معاك الجصر ياما
صباحه : لاه
زبيدة :أرجوكي ياما لازمن أجنع صقر بيه إنه يوافج على جواز نعمة
صابحه: دماغه ناشفة مش هيوافج وكل واحد حر في حياته
زبيدة : علشان خاطري ياما نعمة بت يتيمة وأبوها كفيف وملهاش حد تتسند عليه
صابحه أمري لله يالا
**************
وصلت صابحه هي وزبيدة الجصر وسمعت حديت صقر
صابحه : كفاية بقى ياشيخ حرام عليك مش كفايه ظلم وافترى كل مصيبة توحصول صابحه عملت صابحه سوت أني هريحك من صباحه واصل و جاية أجولك إني ههمل الكفر ديه وهريحك مني أني وبتي
زبيدة : آسفة ياما أني هتخلى عن نعمة أو مالك لحد مانعمه تجوم بالسلامة ووجتها هروح معاكي في أي مكان
صابحه : إنتي حرة أني بجولك أهه إنك هتندمي
وردة : ليه عايزة تمشي تسيبني ياختي
صابحه : أني اكتفيت ياوردة وعملت بأصلي معاكي للآخر وكنت خدامة تحت رجليك
ونظرت لصقر برضاي لكن أني اكتفيت وإنتي بجى عندك شاب راجل زين هيحميكي
صقر : يحميها من مين دي ست الناس هنا ماتوهميش نفسك ياصابحه وروحي مطرح مانتي عايزة محدش ماسك فيكي
صابحه : وعمر ماحد يجدر يمنعني ولا زمان ولا دلوكيت ياصقر بيه لكن أختي الصغيرة كبرت وكبر ولدها ماشاءالله وبتي كبرت كمان يعني مبجاش ليه لازمة نقعد هنه
وردة : أرجوكي ياختي بلاش تسيبيني وتمشي أني عارفة إني غلطت في حجك حجك علي أني اللي غيرت حياتك وحرمتك من حب عمرك وعارفه إنه عمره مانسيكي
صابحه : بلاش الحديت الماسخ ديه دلوكيت
صقر مسك وردة : تجصدي إيه بإنك السبب
صابحه : مفيش حاجه واصل سيبها متتحدتش معاها اكده
وردة :لا ياختي كفاية اللي إنتي اتحملتيه بسببي لحد النهارده وأني عارفة إنك عايزه تهربي من البلد بعد ماوصلك التهديد إنهم هيجولوا كل حاجة لصقر لو ما أجنعتهوش يتنازل
صقر ومالك تهديد مين اللي هددك
وردة بدموع : هددوني يجتلوا مالك لو ماتنازلتش ولما جلتلهم إنهم مش هيجدروا يعملوا حاجة هددوني يفضحوا سري اللي خبيته العمر ديه كله وعشان اكده أختي لما عرفت جررت إنها تسيب البلد
صقر : أني عايز أعرف كل حاجة دلوكيت
صابحه : مفيش حاجه واصل إهدي ياختي وجوزك امعاكي ومش هيسمح لحد يتعرضلك
وردة : عمروا ما اعتبرني مرته هو اتجوزني بس علشان يكسرك
أني كنت فاكره إني لما خبيت الجواب اللي بعته ليكي إنه هيحبني أني وهكون ست الناس
صقر جواب إيه ؟؟ حد ينطج
نكمل الحلقة الجاية باذن الله
تعليقات
إرسال تعليق
اترك لنا تعليقًا ينم عن رأيك بالمحتوى