الفصل الأول عشق الكنان الجزء الثاني

رواية والسبب أمي بقلم الكاتبة إيمان صالح 

والسبب أمي بقلم الكاتبة إيمان صالح 

 بقلم الكاتبة إيمان صالح 

الكاتبة إيمان صالح 

#والسبب_أمي

#الجزء_الرابع 

__________________________________________________

أشاح ذلك الجالس علي الأرض بوجهه بعيداا عن نظر من يصوره ثم صرخ بعزمه،، بس بقاااا،، أنا مش فرجه بس،، 

باااس،، وظل يخبط بيده في كل مكان في الجانب الآخر تقف سيده يبدو عليها أنها من طبقه مرموقه،، وإمرأه أخري تبدو عليها اللوعه والحرقه وعلي وجهها  علامات الحزن تنوح كالغراب الناااعق،، بنتييي،، حد يقوملي بنتي يانااس  !! بنتي،، تحاول التقرب للجثه الملقاه لكن صبيااا في سن  العشرون يرتدي زيااا عسكرياا يقف ويمنعها عنها،، نظرت تلك المرأه المبتلاه ببلواها تجاه تلك السيدة ثم هاجمتها بالحديث،، كله منك إنتي  !! إنتي السبب،، إنتي السبب منك لله بنتي راحت وانتي السبب،، بكاء بنحيب،، آاااه ياقلبي  !!عم صراخ ذلك الرجل المكان ثانية وأتي بسرعه ضابطااا،، تحدث قاائلااا،، خدوها يابني بره،، مين دخلها تاني؟؟ وبصعوبه شديدة اخرجوا تلك المرأه أما عن السيدة الأخري فواقفة تبكي بحرقه أيضاا وقالت،، شوفو دكتور بسرعه،، إبني محتاج مهدئات ارجوكم،، رد عليها ذلك الفتي الأقرب لحالة الجنون تلك اللحظه قاائلااا،، خايفه عليا؟؟ كنتي خفتي عليا قبل ماعمل كدة؟؟ خلاص،، البيت إتخرب ريحي نفسك ياخانوم،، يابنت الأصول،، خلاااص بيتي إتخرب،، هياماتت وانا همووت عليها ووراها ،، دوت تلك الكلمات داخل أذن تلك السيدة وكأنها قامت بهز جسدها كله،، كأنها إرتطمت برأسها ومن ثم أمسكت بقلبها،، آة،، آاااة،، 

___________________________________________________

لم يكف تيام عن محاولة الإتصال بحبيبته،، تيام جن جنونه يريد الوصول لها،، لكن دون جدوي،، لكنه ظل يفكر ويفكر حتي قرر أنه سيذهب لمن يكبره سناا حتي يفيده في تلك الورطه،، 

بعد اربع أسابيع إبتعادااا عن القاهرة قرر أن يعود أليها ولكن ليس بعودته اللي الڤيلا،، بل لبيت أبيه،، دكتور  محمد الفاتح صاحب سلسلة صيدليات الفاتح باشا،، 

كان تيام أقرب لذلك الأب،، الأقرب لقلبه وعقله حيث كان تيام يشبهه في كل شئ،، أصبح طبيباا صيدلانياا مثله،، يتمسك بعقلانيته وتقاليده،، يمشي بمبدأه في الحياة،، ذلك الرجل كان ميسور الحياه،، لكنه بعدما قرر الإنفصال عن مرووچ تزوج ولم ينجب من زوجته وعاش هكذا مرتاحاا دون متاعب،، 

في بيت الفاتح بعد وصول تيام لأبيه،، 

الأب••يارب يابني تكون عقلت وتيجي تعيش معايا هنا في راحة بال ياارب،، 

تَيام ••والله يابابا أنا جايلك في اللي أكتر وأهم من كدة وأعتقد إن خطوة اني أعيش معاك دي هتحصل قريب،، بس لو دنيتي اتظبطت 

الأب ••خير ياحبيبي  ؟؟ انت مش نجحت وزي الفل؟؟ خلي بالك انا حبايبي طمنوني من زمان بس قولت أسيبك تفرح بيها من هناك الاول،، 

تَيام ••ايوة نجحت،، بس الحياه مع مامي ورولا تعصب،، وانا باعد عنهم شويه لحد ماشوف الدنيا هتمشي إزاي،، 

محمد ••محتاج فلوس ياتيام؟؟ أخدت منك الحاجه تاني؟؟ 

تيام ••حرك رأسه بخجل،، آااه يابابا 

محمد••تنهد،، هففف،، لاحول ولا قوة إلا بالله،، بص يابني إنت اقعد معايا المدة دى وماتشيلش هم أي حاجه خاالص،، وعلى فكره،، انا خليت المحامي بتاعي كتب صيدليه من الصيدليات بإسمك يعني بتاعتك انت،، وعرفت في نفس اليوم تقريبااا انها عملت كدة هيا كمان،، حتي عندها معايا مكمل لبعد الإنفصال،، 

نظر تيام في دهشه،، 

تيام••يعني انت اللي ابتديت الأول؟؟ إحلف؟؟ 

محمد••وأنا يابني حهزر معاك بردة؟؟ انا بتكلم بجد والله، إستني،، 

دخل للداخل وأتي بمفتاحين،، خد يا ولد،، دة مفتاح الصيدليه هتبقي تحت إشرافك بعد كده،، ودة مفتاح عربيتك هديه نجاح حبيبي،، كدة مالهاش حاجه عندك،، انت بقي كل اللي عليك هتختار تعيش هنا ولا هناك وانا اعملك أحلي فيلااا جوة القسم هنا معايا 

لمعت عينا تيام بالفرحه وتنهد قاائلااا،، 

تَيام ••إنت كدة بتشجعني أفاتحك في الموضوع اللي عاوزك فيه وأنا مغمض تصدق؟؟ 

الفاتح••إنت بتستأذن ياتياام؟؟ إتكلم ياحبيبي إنت إبني وراجل قد الدنيا وأي طلبات أنا معاك فيها  !! 

تيام••نظر للأرض،، طيب،، حيث كده بقي،، إسمع ياسيدي،، وبدأ يقص علي أبيه كل الأحداث من أول لقاء بينه وبين بتول في الجامعه إلي آخر موقف بينهم،،، 

الفاتح ••مقعول؟؟ معقوله ياتيام إنت تعمل كدة في بنت الناس!! تتسببلها في اللي حصل  والأذيه دي؟؟ طب يعني إنت مش عارف اني سبت مامتك عشان كانت سايبه أختك علي راحتها عالآخر  ؟؟ من ساعة المصيبه اللي عملتها زمان وتسيب الهانم وانا ماتحملتش إنحلالهم الاخلاقي  !! تقوم إنت تروح تعمل أفعال مشابهه بس بطريقه ركيكه ورخيصه  !! ومتعجب إزاي الاب تصرف معاك بالطريقه الهوجائيه دى؟؟ دة أقل مايكن يعني  ياإبني،، 

تيام ••طب ماعشان كدة أنا جيت لحضرتك،، لإني إنفهمت غلط من والدها ومش عاوز البنت تضيع مني وإلااا ممكن أتجن،، أنا بقالي شهر بالظبط ويمكن ازيد ماشوفتهاش،، أنا،، أنا تعبان يابابا انا بحبها وصعباانه عليا،، بكي الرجل الذي لايذرف دموعه إلا قليلاا من حزنه علي منظرها،، 

الفاتح ••خلاص،، فيه حل وااحد وبس اللي ينفع في المواقف دي،، والله ياصبنا ياخبنا  !! 

تيام ••إتفضل طبعاا قول حلك امال انا جايلك ليه؟؟ 

شهق الفاتح ثم زفر يقول،، 

الفاتح••بص يابني،، إنت ورطت البنت ى في مشاكل وخليت شكلها زفت قدام أهلها،، يبقي أنت من الرجوله إنك لاازم تبرأ شكلها قدامهم،، إنت فاهم زمانهامكسورة قدامهم إزاي؟؟ زمانها حاسه بكسرة وخذلان وواجبك إنك ترفع راسها عشان قدام ماتقولش في سرها منه لله،  ده كان عيل مش راجل،، 

تيام ••يعنى يابابا إنت بتشجعني تاني في قراري إني أروح أتقدم  ؟؟ 

الفاتح ••اااه طبعاا،، دنتا لاازم تروح ومعاك أهلك كمان،، 

تَيام••طيب ماهو مامي مستحيل توافق في الوقت الحالي،، ولا حتي بعد الوقت الحالي،، إنت عارف اللي فيها يعنى،، 

الفاتح ••والله بقي إنت راجل ياسيدي مش عيل صغير يعني،، يعني قرارك في إيدك مش في إيد الست مرووچ هانم وهيا مش هتفضل ممشياك علي كيفها مدي الحياه  !! هاااه  ؟؟ هتسترجل وتروح تتقدم ومعاك والدك ولا هتستني لما مامي توافق؟؟ 

تيام••بسعاده وإبتسامه تعلو وجهه وتنير خمريته،، خلاص يابابا، أنا النهاردة هحاول أتواصل معاها تاني بس،، شرد يفكر،، بس إفرض لقيتهة لسه عملالي بلوكات؟ 

الفاتح••بسيطه جدااا،، نسافرلها إسكندريه،، أهو بالمرة ناخد طنتك معانا نغيرلها جو شويه،، 

دخلت عليهم من باب من أبواب الڤيلااا يطل علي الحديقه سيده أربعينيه بيضاء يبدو عليها الهدوء والوقار تبدو جميله حالمه،، حضنت الفاتح من خصرة بيدها ثم قالت،، 

صفاء••إيه يابيبي مش هتيجي بقي علشان تشويلنا اللحمه؟؟ أنا تبلت كل حاجه،، وعملالك ياواد ياتيام كفته وهنلفها أنا وبابا في الطرب بتحبه؟؟ 

تَياام ••واااو!! بموت فيه يا طنت صافي طبعااا جوعتيني صراحه،، 

صفاء••طيب يابابا يلا عشان تساعدنا،، الشوايه عالبيسين يلا ياشباب  !! 

الفاتح ••يلا يابونبوني،، وذهبوا ليعدو حفلة الشواء وتغير كثيراا مِزاج ذلك الشاب الطموح المتطلع لهدفه والنجاح مع حبيبته،، 

بعد إنهاء الحفل وتناول الطعام صعد تيام لغرفته ثم أمسك بالهاتف وأخذ يدق علي الارقام الخاصة ببتول ولكن دون جدوي ثانيه،، 

تَيام ••يوووه بقي!! أعمل إيه ياربي بقي عشان اوصلها  !! شكلي هعمل زي مابابا بيقول،، فعلااا شكلي هتصرف كدة وزي ماتيجي تيجي،، 

وأعقد نيته أنه سيتصرف مثلما قال أبيه،، نزل لأبيه في المساء الذي كان جالسااا يلعب مع زوجته الحلوة عشرة طاوله بإستمتاع وكل مرة يغلبها هو،، نزل تيام ثم بدأ يتحدث مع والده،، 

تيام ••بابا  ؟؟ أنا فكرت في الموضوع ولقيت عندك إنت حق،، لاازم أروح أخطب بتول في أقرب وقت،،، 

بس هجهز نفسي وأجيب بدله وهديه لاازم أجيب هديه تليق بمقامها،، 

أخرج الفاتح من جيبه محفظه وأعطاها له قاائلاااا،، 

الفاتح ••خد ياتيمو،، المحفظه دي فيها تلاته كارد فيهم رصيد حوالي مئتين جنيه في كذا بنك،، روح إسحب اللي يكفيك وخلي واحده منهم معاك وتقدر تحولها بإسمك،، بس إديني إخطار قبلها عشان اتصل بالبنك اللي تتبعه واتمم التحديث بإسمك انت،، 

تيام ••إحتضن أبيه بحب حيث لم يفعلها منذ فترة وقال له،، ياااه  ؟؟ هوا إنت  جميل كده بجد؟؟ ولا زي مامامي كانت مفهمانا؟؟ 

الفاتح ••ههههههههه،، لأ انا بتحول معاها بس،، قوم يابني روح إشتريلك حبة لبس علي كام بدله عشان هتحتاجهم بعد كده،، كدة ياسيدي عندك كل حاجه ويستحيل تترفض،، 

تيام ••ياارب يابابا يااارب،، انا هخرج أجيب الحاجه وأظبط الدنيا،، سلااام،، وأخذ مفاتيح سيارته والمحفظه ثم طار قفزاا للخارج،،، 

في بيت مرووچ هانم،، لم تهدأ منذ أزيد من شهر وبالأخص بعدما حظرها إبنها من كل جهات إتصاله،، 

تدق مرووچ عليه ولايزال محظوراا رقمه،، 

مرووچ••طيب ياتيام الكلب إنت  !! أنا هعرف أجيبك،،، 

#يتتتبع...... 

لو عجبك الجزءالجديد علقي بتم وعشرين ملصق وإذكري الله وماتنسيش تعملي متابعه علي صفحتي الشخصيه عشان يوصلك كل جديد 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

#إيمان_صالح

#إيمان_صالح_عوض