الفصل الأول عشق الكنان الجزء الثاني

 رواية والسبب أمي الفصل الخامس إيمان صالح

رواية والسبب أمي بقلم الكاتبة إيمان صالح

رواية والسبب أمي إيمان صالح

والسبب أمي إيمان صالح 

#والسبب_أمي

#الجزء_الخامس 

مرووچ••طيب ياتيام الكلب إنت!! أنا هعرف إزاي أجيبك  !! 

رولاا••دخلت عليها الغرفه،، إنتي لسه بترني عليه يامامي ماتفكك بقي منه بلاش فكسنه  !! إبنك دة عيل بي،،، وبيئه طحن أساسااا

مرووچ •• بعصبيه،، إرحميني بقي،، ماترحمي بقي مش كفايه اللي حاصل دة كله بسببك  ؟؟ إنتي إيه الإستهتار اللي إنتي فيه دة؟؟ 

رولا••أنا يامامي مستهترة؟؟ طيب ماشي،، إستهتار بإستهتار بقي،، أنارايحه أبات عند شاهي،، 

نظرت لها مرووچ بغيظ نظرة تشيب،ثم تلفتت،، 

مرووچ ••شاهي؟؟ دى إيه دي؟؟ 

رولاا••إيه يامامي إنتي عنيكي هتاكلني  !! 

مرووچ ••إنتي فإيه ولا فإيه خروج إيه  ؟؟ خشي نامي،، وشعرك الكيرلي دة لميه شكله مستفز،، وعاوزة تسهري هيا تيجي هنا،، 

رولا••لأ ماينفعش،، هيا مش فاضيه،، أنا هروحلها سلااام  !! وخرجت وتركتها خارجه للخارج،، وكأنها ليست موجودة،، 

مرووچ ••إيه ياربي اللي أنا فيه دة!! واحد طفش وراح فين ماعرفش  ؟؟ واللي طفش بسببها فاشله آخر فيصل  !! ماشي ياولا محمد الفاتح  !! هووف،، وأخذت الهاتف وبدأت تدق علي طليقها متحدثه وكأنها تحترق لوعة علي فراق إبنها،، 

رد عليها،، 

الفاتح ••اللوو؟؟ مين معايا؟؟ 

مرووچ ••أنا ياباشا إيه نسيت صوتي؟؟ 

الفاتح ••جالسااا أمام زوجته يحدثها،، ااة معلش مش واخد بالي،، أشار لزوجته متمتماا بشفاهه ليعلمها،، طليقتي،، أشارت بالنفي وحركت شفافهاا،، ماتقولهاش إنه هنا،، وبدأ ترد عليه مرووچ مباشرة،، 

مرووچ ••أه منا عارفه انك مش واخد بالك،، أوكي،، أنا مرووچ أم ولادك،، تَيام مش عندك  ؟؟ 

الفاتح ••لا والله مش عندي ليه هوا في حته ولا ايه؟؟ 

مرووچ ••لأبسأل بس،، المهم لو جالك قوله يكلمني ضروري،، 

الفاتح ••اااه أوكي،، سلااام،، وأغلق الهاتف بوجهها،، رمشت بعينها،، 

مرووچ ••جاتك القرف،، راجل  جلياط مغرور  !

 في منزل الفاتح،، 

صفاء••عاوزة إيه دي؟؟ هيا عندها حب إستحواذ علي كل شئ!! 

الفاتح ••يااه ياصوفي  !! دانتي كدة بتمدحيها علي فكرة، دي مفكرة الكل شغالين عندها والمفروض سمعااا وطاعه ماعدا المسخوطه بنتها،، 

صفاء ••مالكش حق يابيبي،، المفروض ليك دور في تقويم سلوك البنت دي،، دي مسؤؤليتك علي فكره،، 

نظر لها الفاتح،، 

الفاتح ••وأنا يعنى محاولتش؟؟ دي عامله علي رولا دي زي السور الشائك والبنت ڤيلا مهجورة،، كل ما تحاولي تخترقيها تتجرحي،، اعمل فيها إيه بس  !! 

في الوقت ذاته كان تيام نازلااا من الأعلي وسمع حديثهم،، 

تيام ••إيه يابابا؟؟ ماما رنت ولا إيه؟؟ 

الفاتح ••ااة ياسيدي رنت وإسمحلي يعنى،، قولتلها إنك مش هنا،، 

تيام ••ضحك سعيداا،، هههههه،، جدع يابابا والله الحمد لله إتصرفت صح،، بقولك إيه انا هروح بكرة الصبح أخلص موضوع الفيزا وأشتري الحاجه وجهز نفسك عالسفر بعد بكره ماشي؟؟ 

الفاتح ••ماشي ياحبيبي،، جهزي الحاجه ياصوفي عشان هنصيف بالمرة اوكي  ؟؟ 

صفاء••أوكي ياحبيبي تحت أمرك،، أنا هطلع أنام عشان تعبانه قوي صراحه،، وإنتو بقي لما تخلصو ماتنسوش تقفلو الإزاز اوكي ياحمودي؟؟ 

الفاتح ••أوكي ياروح حمودي،، انا جاى وراكي،، بقولك إيه ياتيام تعالي نقفل الإزاز دة يلا وإطلع بقي إسهر في أوضتك وشوف منظر البيسين من فوق يجنن،، 

تيام••منا كل يوم سهران فيها وهواها يرد الروح،، إطلع إنت يابابا،، سلام،، 

تركه أبيه وصعد وقام تيام ليغلق النوافذ ثم صعد للأعلي،، 

أخذ حاسوبه ثم جلس يتفحصه ثانية،، لاجديد نفخ متأففاااا،، 

تيام ••أوووف،، ماشي يابتول،، وراكي وراكي والزمن طويل،، وأغلق الجهاز ثم ألقي بجسده علي السرير،، وأخذ يتذكر حبيبته،، وصوتها يرن في أذنه،، وحشتيني بقي يابتوول،، وحشتيني بقي،،، 

في بيت بتول،، تلقي الفتاة جسدها علي سريرها وبيدها دبله ومحبس وتوجههم ناحية القمر المطل عليها من شرفتها وتبعد الدبله وتقربها مرات متكررة،، حتي رأت وجه تيام مقابلااا لها متبدلااا به القمر،، 

بتول••وحشتني قووي،، قوي ياتيام،، بقي كل اللي أنا فيه دة  !! ومش عارف تتصرف  ؟؟ طب،، طب حاول تيجي،، بكت بصمت،، أنا نفسي دي تكون دبلتك إنتا ياتيام،، وأخذت تبكي علي الوضع التي هي فيه 

بعد أيام،، انهي تيام اوراق الفيزا وذهب ليشتري أغراضه وبالفعل إشتري لها طقمااا كاملااا من الألماظ الحر،، ودبله وخاتم خارجيّة،، إشتري لنفسه كل الأغراض التي تنقصه،، ولها فستانااا،، 

ذلك الفتي عقد النيه علي خطبه وليس لعباااا،، 

عقد تيام وأبيه وزجته أمتعتهم ذهابااا إلي الإسكندريه ومعهم تلك الاغراض المهمه للخطوبه،، وبعد ساعات وصلو،، وقضوا يوماا ثم في اليوم التالي،، 

تياام يقف مرتديااا حُله رماديه بإسفلها صديريا وأسفلها قميصاا لونه فيروزي من أفتح درجاته،، مصففا شعره بأناقه،، منظره يبهر العين،، وممسكاا بيده باقة الورود وكان قد وضع الفستان في السيارة،، كان الجميع متأهبااا للخروج،، 

تيام ••يلا ياجماعه ولا إيه؟؟ 

صفاء نظرت له منبهرة من أناقته،، 

صفاء••واااو!! إيه الشياكه دى يادكتور!! زي القمر ياحبيبي منظرك الله اكبر يجنن،، 

تيام ••نظر لنفسه،، بجد ياطنط صافي شكلي حلو  !! هعجبها يعنى؟؟ 

صفاء••إيه دة؟؟ هوا انتا أصلااا مش عاجبها ولا إييه؟؟ 

تيام ••والله ماعرف هههه،، ربنا يستر انا بقالي فترة بعيد،، 

الفاتح ••طب يلا يلا،، يلا نكسب وقت ياحبايبي الساعه داخله علي تمانيه بالليل وإحنا لسه مانعرفش إستقبال الناس هيبقي شكله ايه،، عشان لو إتضربنا نعرف نلاقي مستشفي،، ضحك ثلاثتهم،، 

تيام ••ياااه يابابا  !! بتطمن قلبي والله  !!! 

ذهب الجميع في طريقهم لمنزل بتول ليطلبو يدها للزواج،، 

بعد الربع ساعه،، وصلو أسفل المنزل،، في الأعلي صوت زغاريد وأنوار معلقه علي المبني من الخارج،، بشر يدخلون وبشر يخرجون،، تيام ينظر للمنزل متعجبااا ويقول،، 

تيام ••لأ إن شاء الله مش هيا إن شاءلله مش هيا يااارب،، 

الفاتح ••فيه إيه ياولد؟؟ 

تيام ••مافيش مافيش يلابينا يابابا،، 

صفاء ••هوا ده بيتهم؟؟ دة فيه فرح،، فال حلو ياتيمو يبقي هيوافقو،، 

تيام ••أة ان شاء الله،، همس لنفسه،، ربنا يستر،، صعدو علي السلالم وتيام كلما إقترب يدق قلبه وتتسارع نبضاته،، أصبحو أمام باب شقتهم،، الضوضاء صادرة من الداخل،، تيام يحمل في يدة الطقم والورود والهديه فستانا لها وعلبه من الشوكولاته،، دخلو عليعم المنزل والأغنيات تغني وهناك من يتراقصن قليلاااا،، والبعض يوزع أكواب الشربات،، ومن بعيد في زاويه،، عروس وعريسها بجوارها،، تطأطأ رأسها ارضاا،، لاتضحك ولاتتحدث،، شاردة في عالم آخر،، 

إقترب تيام ليدقق في الملامح ووجدها هي وكانت الصدمه حينما إلتقي الوجهان،، نظر محملقااا لها ونظرت متفاجئه به،، وفي آن واحد،، تيام بتول  ؟؟ 

بتول ••نهضت واقفه،، تيام،، تيام أخيرااا جيت؟! الحقني ياتيام بقي.! 

تيام ••ألحقك؟؟ أغيب عنك شهر شهرين،، تتخطبي؟؟ هوا دة إبن عمك؟؟ يلا يابابا،، انا آسف،، 

عندما رآااه أبيها تذكره،، وصرخ عليه محدثه بعنف،، 

تيام ••إنت جاي تعمل إيه يااض  !! البت خلاص إتخطبت يااض،، غور بقي،، ودخل في صدرة بيده ليدفعه وبسرعه تدخل الفاتح،، 

أبعد يده عن ولده قاائلااا،، 

الفاتح ••يااااا  سعاادة البااهشااا،، احنا ضيوف عندك إكرم ضيافتنا،، فيه ايه براحه  ؟؟ 

وقف أيوب ينظر لوجهه متذكراا أين رآه من ذي قبل،، 

أيوب••إنت لامؤاخذة شكلك مش غريب عليا،، حك ذقنه،، أنا شفتك فين  !! إيه ده!! إنت الفاتح باشا بتاع صيدليات الفاتح  ؟؟ لاا بقي إحنا نجيبو كرسي هاتي يابت كرسي للباشا،، إلا لمؤاخذه الواد دة يبقالك إيه  ؟؟ 

الفاتح ••نظر له بإستخفاف،، الواد دة يبقي إبني،، صاحب سلسله صيدلياتي من بعدي ووريثي الوحيد هو وأخته،، 

سمع أيوب تلك الكلمات إبتلع ريقه وشعر أنه في ورطه،، 

أخذت بتول تتحدث قاطعه ذلك الصمت،، 

بتول ••حضرتك عمو محمد؟؟ جرت ناحيته وإحتضنته،، إلحقني ياعمو أنا بحب إبنك والله،، نظرت لتيام،، أنا بحبك ياتيام مبحبش عطا الزفت دة،، إتصرف،، 

ثار تيام وكأن حديثها رد لجسدة الروح ثانية،، 

تيام ••أظن سمعت أنها مغصوبه أهو  ؟؟ إيه هاتكملو برده؟؟ 

قام العريس منتفضاا من مكانه ليقول لها،، 

عطا ••بقي هوا ته اللي عتسيبيني عسانه؟؟ ماسي يابت عمي،، إنتي من الأول أصلااا وأنا حاسس إنك مس سلكالي،، الحمت لله ياعمي أيوب إن الموتوع إترفكس من أولها،، حاتو لامؤاخذة التبله والخاتم يلسموني،، 

تيام ••وقف مفروداا بطول ووسامه،، إرميله الخاتم والتبله ياستي وشوفي الشبكه الحقيقيه أهي،، وفتح العلبه التي بها الألماظ،، وقف الجميع مبهورين وأولهم أيوب الذي باع أخيه وإبن اخيه أيضااا،، واكمل تيام حديثه،، حضرتك المرة اللي فاتت معطتنيش فرصه أطلبها منك رسمي ياعمي،، فاجبت والدي رسميااا وجيت أخطبها،، لو خلاص الموضوع بتاع الاستاذ عطا ماشي أنا هاخد والدي وننزل،، صرخت بتول،، 

بتول••تيااام  !! نظر لها بثبات وبإصبعه السبابه، هسسس،  سكتت الفتاة 

أيوب واقفاا لايعرف كيف يحسم أمره،، في يده كنزااممتلأااا بالجواهر وفي الوقت ذاته تعشقه إبنته،، وفي اليد الأخري أخيه لحمه ودمه الذي كانت اليوم خطبت إبنه علي إبنته،، وهو يقف شارداا أخذ اخيه إبنه ومعازيمه ثم ذهب نازلااا

أيوب ••بعد شرود،، طب ياخويه آااااءء أنا هكلمك بعدين،، ماتزعلش مني عشان خاطري،، 

الأخ ••مستهزئااا،، بعدين؟ هههااي  !! بقولك إيه إنسي ان ليك أخ تاني،، 

أيوب ••يأءء،، يااخوووء،، إستني بس يابو عطا،، سبه أخيه وتركه ثم نزل للأسفل،، ونزلت وراائه المعازيم أجمعين وهم يتمتمون لايعجبهم ماحدث،،، 

صرخت الفتاه وهي في غاية السعادة وتقفز فرحااا،،

#يتتتبع،، 

لوعجبك الجزء الجديد علقي بتم وعشرين ملصق وإذكري الله وماتنسيش تعملي متابعه علي صفحتي الشخصيه عشان يوصلك كل جديد 👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

#إيمان_صالح

#إيمان_صالح_عوض