رواية شغفي الفصل العاشر، والاخير بقلم قسمة الشبيني

 روايه خيانه مشروعه

الكاتبه مي احمد

الحلقه 12

جاسر بصدمه /ملاك في ايه

ملاك وهي بتاخد نفسها بصعوب

ما تقربش مني يا جاسر انا مش مستعد دلوقتي ارجوك انا نفسيتي تعبانه ومش قادره لو بتحبني بجد ابعد عني دلوقتي

جاسر وهو بيحاول يهدي نفسه 

خلاص يا حبيبتي مالك بس ما فيش حاجه مستاهله

ملاك بدموع/ انا اسفه ودخلت على الحمام وهي مش قادره توقف على رجليها من كتر دموع

ياما اتمنى اللحظه دي 

ياما اتمنت ان تترمي في حضنه

بس مش قادره كل ما تبص في وشه وتبص في الاوضه تتذكر اختها لما شافتها في حضنه

نفس ابتدا يضيق كل ما تتذكر اللي شافته ومش قادره تعمل حاجه ابتدت تغسل وشها بالميه وتاخد نفسها بصعوبه علشان تعرف تفوق وتسيطر على النوبه اللي جات لها

اما جاسر كان واقف مصدوم من حركتها 

مستغرب معقول ملاك اللي دايما كانت بتتمنى قربه دلوقتي بتنفر منه

دلوقتي مش عايزاه طب 

ليه السؤال ده بيلح على دماغه! ليه هو عمره ما زعلها دايما 

بيراعي مشاعرها و ليه دلوقتي حاسس بالنفور ده كله منها 

هدى نفسه والعصبيه اللي سيطرت عليه من الشعور ان هو مرفوض من مراته اطلع سيجاره وطلع على البلكونه عشان يدخن وهو بياخذ نفسه بصعوبه لكن فجاه وهو واقف في البلكونه شاف اسر اخوه رجع من السفر

جاسر بصدمه /اسر ودلوقتي بص في ساعته لقاها الساعه 4:00 الفجر

خرج من البلكونه وبصه على الباب بتاع الحمام لقاه مقفول اتنهد وخرج على تحت عشان يشوف اخوه

جاسر /اسر انت بتعمل ايه هنا

اسر/ انا جيت ايه ما كنتش عايز ناجي ولا ايه

جاسر /لا يا حبيبي انت ليه بتقول كده ده بيتك ومطرحك بس انا مستغرب يعني انك ما استنيتش حتى للصبح

اسر /انا جيت لاني نويت اتجوز وافرح امي وبالمره اقضي الاجازه بتاعه الشغل هنا ولا عشان انا مسافر على طول نسيت ان عندك اخ

جاسر/ انت ليه بتقول كده انا دايما بحترمك وبعاملك كويس

اسر /خلص الكلام ملوش فايده انا هدخل ارتاح شويه

بعد ما دخل اسر جاسر بص في اثر وباستغراب مش مستوعب كل الاحداث وكل اللي بيحصل حواليه ملاك رجع تمشي على رجليها ودلوقتي بتنفر منه ومليكه اللي بتطارده ومش عايزه تسيبه واخيرا اخوه اسر اللي رجع فجاه حتى من غير ما يقول لهم حاسه ان دماغه فعلا هتنفجر من كثر التفكير واكرر ان هو يدخل اوضته عشان يرتاح

في نفس الوقت في اوضه اسر اول ما دخل

ورجع بذكرياته ايه السبب اللي خلاه يرجع بعد ما هو كان فقد الامل ان هو يرجع

فلاش باك

ناريمان/ الو عامل ايه يا اسر

اسر /الحمد لله انت عامله ايه يا ناريمان

ناريمان انا كويسه بس ملاك مش كويسه

اسر بحزن/ ليه مش كويسه مش هي اللي اختارت ولا انت ناسيه

ناريمان/ انا مش ناسيه هي اخترته لانها بتحبه وسبتك انت بعد ما اعترفت لي وانا مرضتش  أقول لها بحبك  ما حبتش تجرحك

اسر /وانت فكرك لما تبعد عني وتروح لاخويا كده مش بتجرحني

ناريمان/ اخوك طلع مش زي ما هي فاكره اخوك خاين خسيس زاني خانها ومع اقرب واحده ليها

اسر /انت بتقولي ايه جاسر مستحيل يعمل كده

ناريمان/ انت مش مصدقني عشان اخوك 

لكن دي الحقيقه اخوك خن ملاك مع مليكه

اسر/ انت بتتكلمي جد

ناريمان /للاسف دي الحقيقه

اسر/ وانت رن عليا ليه دلوقتي

ناريمان/ عشان عايزك تساعدني تخلص ملاك من جاسر

اسر انت عايزاني اعمل ايه

ناريمان انا هقول لك تعمل ايه وحكيت له على الخطه كلبها ها ناوي تعمل ايه ترجع حبك ليك وتنتقم لها من اللي اذاها ولا تفضل كده هربان بعيد عنها

اسر /انا هساعدكم بس مش عشان حاجه انا هساعدكم عشان اكشف الحقيقه واخلي كل واحد يتعاقب على جريمه اللي هو عملها

ناريمان /اتفقنا سلام وقفلت معاه التليفون وهو فضل يفكر لغايه ما حجز طياره خاصه وجمع اغراضه ورجع على الوطن

عوده من الفلاش باك

اسر وهو ماسك صوره ملاك سامحيني يا ملاكي

ما قدرتش احميكي من الدنيا وانت بريئه ما تعرفيش ان فيها ديابه بتنهش لحم الناس بس صورتها وراح نام لان بكره عنده مهمه خطيره

اما في اوضه ملك وجاسر دخل هو لقيها نايمه في جنب من السرير اتنهد وما رضيش يضغط عليها نام جنبيها وشدها لكن هي بعدت عنه استغرب اكثر وبقى عنده شكوك كثيره بس ما علقش وخصوصا ان اسر رجع ايوه اسر اخوه الصغير هو كان عارف انه بيحب ملاك لانه كان زميلها في الجامعه بس هو لانه اناني ما قدرش يتخلى عنها وما رضيش حتى يقول لملاك ان في حد بيحبها وحذر اخوه ان هو يقرب منها وبعده عنها نهائي وها دلوقتي رجع

اتكلم بوجع/ ملاك رد عليا انت زعلانه مني

ملاك وهي بتمثل النوم / مش زعلانه في حاجه

جاسر /اسر رجع

ملك اتعدلت/ بجد طب ارجع ليه دلوقتي ما دايما كان رافض ان هو يرجع

جاسر /ما اعرفش بس رجع حتى ما استناش لغايه الصبح

ملك بغموض/ زعلان ليه ان هو رجع

جاسر/ انا مش زعلان بس ما اعرفش ليه يا قلبي مقبوض

ملاك /نام يا جاسر ما تفكرش في حاجه دلوقت

جاسر معك حق ممكن تنامي في حضني يا ملك وحشني حضنك

ملاك /طيب يا جاسر قربت منه ونامت في حضنه وهي بتخطط لخطه عشان تنتقم منه

وراحوا الاثنين في سبات عميق

***********

في يوم جديد مليء بالمفاجات

كلهم صحيوا وجمعوا على السفره

جاسر/ صباح الخير يا امي

ميرا /صباح النور يا حبيب باباك قال ان هو هيرجع خلال اليومين دول

جاسر /ماما انا كنت عايزه اقول لك اني لسه ما كملش كلامه اسر نازل من فوق وبيقول ان انا جيت يا ماما

ميرا وهي بتقوم وبتحضنه بفرحه

انا مش مصدقه اخيرا يا حبيبي رجعت

اسر/ طبعا يا حبيبتي رجعت وقررت استقر ولا ايه يا جاسر

جاسر /ان شاء الله

اسر/ ملاك انا كنت عايزه اتكلم معاكي في موضوع

جاسر/ موضوع اللي انت عايز ملك فيه

اسر ان/ا مش بتكلم معاك انت انا بتكلم مع ملاك اتفضلي يا ملاك كنت عايزه اتكلم معاكي في موضوع الانفراد

ملاك /اتفضل يا اسر

دخلوا هم الاثنين الاوضه تحت انظار ميرا وجاسر المستغربين وفجاه طلعوا هم الاثنين والابتسامه معبيه وشهم جاسر قلبه وقع في رجليه

جاسر بغيره /كان عايزك في ايه

ملاك/ كان عايز الموضوع خاص

جاسر يعني موضوع خاص بتتكلمي يا ملاك

اسر /احب اقول لك ان انا طلبت ايد مليكه من ملاك عشان تاخد لي ميعاد مع نعيلتها عشان انا قررت اتجوزها

جاسر/ ايه انت اتجننت

ستوب يتابع

 : روايه خيانه مشروعه

الكتابه مي احمد

الحلقه 13

جاسر بغضب/ انت بتقول ايه

اسر ببرود/ اللي سمعته انا قررت اتجوز مليكه

اخت ملاك انت مالك متضايق ليه

ميرا بتوتر/ انت بتقول ايه بس يا اسر سبت البنات

الكون كله وما لقيتش غير مليكه وافترضنا ان هي ما موفقتش عليك هتعمل ايه

اسر /في ايه يا ماما انا قررت ان اتجوز مليكه لاني شايفها بنت كويسه ومناسبه ليا وانا متاكد ان هي مستحيل ترفضني انا شاب كويس بس انا مش بمدح في نفسي بس ده الواقع

جاسر/ انا قلت كلام ولازم يتسمع مستحيل تتجوز مليكه

ملاك/ في ايه يا جاسر اخوك ما غلطش في حاجه وانا متاكده ان عيلتي هتوافق احنا مش هتلاقي عريس لاختي احسن منك

جاسر/ احسن منه في ايه انت ليه مش فاهمه انا مش عايز الموضوع ده نتكلم فيه تاني انا قلت كلمته ولازم تتسمع

ملاك بغضب /ا على ايه انت شايفه نفسك انك صح

وانا كمان يهمني مصلحه اختي وهكلم اهلي بعد اذنكم قالت كده وقامت من على الاكل بغضب

اسر /عاجبك  اللي انت عملته انا مش فاهم ايه اعتراضك البنت كويسه وانا مش لاقي بنت احسن منها انا برايي انك تروح تصالح مراتك وبلاش مشاكل على الفاضي بعد اذنك

ميرا/ اسر ما تزعلش استنى

اسر بغضب/ لا مش هستنى انت كمان مش فرحانه

انا نويت اتجوز واكمل عيله كلكم عليا بس انا خلاص اخذت قراري ونويت اني اتجوز سواء وافقت او لا

طلع على أوضته بغضب

بصت ميرا على اثره بحزن كان نفسها ان هي تفرحه بس ازاي هتقبل ان هو يتجوز واحده حامل من اخوه وغير كده مليكه مش هتقبل ان هي تتجوزه وحتى لو قبلت هتبقى واخدها علشان توصل جاسر حاسس بضيق في نفسها 

وبصت لجاسر بغضب وقالت

في ايه يا جاسر انت بتعمل ليه؟ كده يا ابني حرام عليك انا ما صدقت ان هو رجع مش عارف تحتوي اخوك ليه

جاسر /عايزاني احتويه ازاي يعني واحد بيقول لي راح يخطب مليكه وانا قلت لا مش راضي يسمع الكلام ليه؟

ميرا/ يسمع الكلام ليه من غير سبب كان لازم تقول له سبب على رفضك وكمان تقول لمراتك سبب ولا انت ما عندكش سبب

اتوتر من نظره مامته ليه اللي فيها شك وفيها اتهام فحب ان هو يقفل الموضوع نهائي قام بغضب علشان يدري الموقف 

انا ماشي انتوا ما حدش يتكلم معاكم في حاجه اصلا عايز يتجوزوا خليه يروح يتجوزها انا مش هتدخله في حاجه

قال الكلام وخرج زي الرعد وساب مامته حزينه مش عارفه تتصرف في النصيبه اللي هي فيها راحت بسرعه مسكت التليفون بتاعها ورنيت على مليكه

في نفس الوقت كانت مليكه نايمه في اوضتها بعد ما رجعت عاشت مع عيلتها لانها كانت قاعده في الشقه بتاعتها هي وجاسر

ملكه/ الو مين

ميرا/ هيكون مين يعني انا ميرا هانم

مليكه /ايه الحكايه يا طنط في ايه جاسر حصل له حاجه

ميرا /لا يا حبيبتي ما حصل لهوش حاجه انت اللي هيحصل لك نصيبه كبيره دلوقتي

مليكه /مصيبه كبيره اتكلمي يا طنط في ايه

ميرا/ في عريس متقدم لك ومش اي عريس ده يبقى اخو جوزك اسر قلت ايه يا عروسه مصيبه ولا مش مصيبه

مليكه بصدمه/ انت بتقولي ايه اسر عايز يتجوزني انا طب ازاي احنا ما تقابلناش قبل عن كده عشان يعجب بيا ويجي يطلب ايدي

ميرا/ اهو اللي حصل اتصرفي دلوقتي هتقدري ازاي ترفضي انك تتجوزي اسر وكمان ملاك موافقه وقالت ان هي هتقنع اهلها واتخانقت هي وجاسر على الموضوع ده لان هو رافض رفض تام

مليكه بفرحه وما ركزيش في اي حاجه غير ان جاسر رفض ان هي تتجوز غيره واتكلمت بدون وعي منها

"بجد جاسر رافض ان اتجوز غيره"

ميرا /ما تفرحيش قوي هو رافض علشان انت حامل في ابنه وعلشان هو عمل علاقه معاكي مش هيسمح لاخوه ان هو يتجوز واحده زيك فهمتي دلوقتي مش حبا فيك يعني

مليكه بغضب/ ما تحاسبي على كلامك يا ميرا هانم ايه واحده زيي ومش واحده زيي يعني ابنك اللي سهل الله المهم دلوقتي انت رني عليا ليه

ميرا باستغراب/ رن عليك عشان توقفي الكارثه دي

مليكه  بتفكير/ ومين قال لك ان هوقف حاجه انا هخلي ابنك هو اللي يقف كل حاجه هخليه يعترف بابنه قدام الكل ويقول لاخوه ليه هو رفض ان هو يجوزني ليه انا ابقى غبيه لو ما استغلتش الموقف ده لمصلحتي يا ميرا هانم

ميرا بغضب/ انت فعلا شيطانه وانا غلطانه اني انت اتعملت مع واحده زيك واحده ولا بتفكر في الدنيا ولا في الاخره روحي يا شيخه حسبي الله ونعم الوكيل فيك

مليكه/ شكرا على المدح اللي انت قلتيه في حاجه تانيه عايزه تقوليها سلام

قفلت معاها من غير ما تسمع الرد وبعد كده ابتسمت بشر ان القدر بيساعدها علشان تظهر ابنها للضوء وقدام المجتمع يعترف بيه جاسر ويسيب ملاك

قعدت تضحك ومستنيه عصبيه جاسر عليها يا اما توافق قامت من على السرير وراحت عشان تستحمى عشان تجهز نفسها الخبر السعيد

***************

في نفس الوقت في بيت جاسر في اوضه ملاك

كانت ملاك بترن على مامتها علشان تقول لها الخبر ده

ملاك بحب/صباح الخير يا ست الكل عامله ايه

نيره بحب/ الحمد لله يا قلبي انت عامله ايه وجاسر كويس معاكي

ملاك/ الحمد لله احنا كويسين كنت عايزه اقول لك خبر يا ماما متاكده انه هيفرحك

نيره بحب/ قولي لي يا وش السعد انت اصلا ما يجيش منك غير السعاده

ملاك/اسر اخو جوزي جاي من ا السفر وطلب مني ان هو ياخذ موعد مع بابا عشان يجي يتقدم لملكه فانا حبيت ابلغك واشوف رايكم قبل ما يجي

نيره بجد يجي ينور يا حبيبتي اخيرا هطمن عليها

وهفرح بيها مش عارفه يا بنتي كل ما احاول اقرب منها كام تبعدني عنها مش عارفه ليه

ملاك /ما تزعليش نفسك يا امي انت ما غلطتيش

انت دايما بتحاولي انك تقربي مننا بس هي عشان تربيه جدتنا مقصره فيها جدا ولانها ما كانتش بتحبك فزرعت الكره في حياه اختي وقالت لها ان انت مش بتحبيها ولا انا بحبها ولا حتى بابا بيحبها كلنا بنكرهها وبنغير منها يمكن ده اللي ماثر على حياتها

نيره بحزن /ربنا يهديها احنا ما عندناش مانع يا حبيبتي بس انت عارفه الراي الاول والاخير لمليكه فلازم اروح ابلغها

ملاك/ ماشي يا ماما قولي لي ولو هي وافقت ابقى بلغيني عشان نيجي

نيره /ماشي يا حبيبتي عايزه حاجه

ملاك/ عايز سلامتك يا قلبي سلام

قفلت مع مامتهاوهي بتتنفس بصعوبه

من الخطه اللي عملتها عشان تنتقم منهم بس فكرت مع نفسها يا ترى اللي بتعمله ده صح ولا لا

وافتكرت كلام ناريمان لما قالت لها على الخطه دي

فلاش باك

ملاك /اسر انت متاكده ان هو اللي هيساعدنا

ناريمان/ ايوه هو ما فيش غيره حتى لو كان اخوه انا عارف اسر حاجات انت نفسك ما تعرفهاش

ملاك /فعلا انا واسر كنا اصحاب في الجامعه جدا بس بعد ما اتجوزت على طول سافر ما اعرفش ليه ولما سالته ما رضيش يجاوبني

ناريمان /انا هقول لك ليه بس عايزاكي ما تزعليش لما اقول لك

ملاك قولي/ يا حبيبتي خضتيني

ناريمان/ اسر بيحبك انت

ملاك بصدمه/ انت بتقولي ايه

يتابع