الفصل الأول عشق الكنان الجزء الثاني

 الفصل 20

 كامل الاوصاف عشق وكنان 

*********************

سألها كنان 

إنتي مشكلتك مع مين كنان ولا أيمن 

عشق هربت بعينها للناحية الثانية ومجوبتش على سؤاله

لفها ليه بإيده وبصلها بحب 

إنتي بتهربي من سؤالي ليه هو صعب أوي للدرجة دي ..

 

إتنهدت عشق وهى حاسه بضربات قلبها بتزيد هي فعلاً حبته لكن في اللحظة دي حست إنه مختلف عن الشخصية اللي كانت في خيالها مشيت وسابته هي بتهرب من إحساسها ومن إحساس إنها كانت رهينة ولعبة ..

بدأ كنان يغني وصوته كان حلو أوي علشان متهربش منه 

آه، آه، آه، آه، آه، آه

آه، آه، آه، آه، آه، آه

كامل الأوصاف فتني

والعيون السود خذوني

من هواهم رحت أغني

آه يا ليل آه يا عين

يا ليل

وقفت عشق بتسمع صوته وهو قرب منها كانوا واقفين في الجنينه بين الزهور الجميله وكمل 

كامل الأوصاف فتني

والعيون السود خذوني

من هواهم رحت أغني

آه يا ليل آه يا عين

يا يا ليل

العيون السود رموشهم ليل

ليل بيحلم باللي غايب

باللي غايب

العيون السود خذوني آه يا قلبي

آه يا قلبي يا اللي ذايب

آه يا قلبي يا اللي ذايب

العيون السود رموشهم ليل

ليل بيحلم باللي غايب

باللي غايب

انخفض كنان وهو بيغني وقطف وردة من حوض الورود وحطها في شعرها 

كانت عشق مكسوفه وبتهرب من نظرات عينيه وهو كمل ورفع وشها علشان يشوف عينيها اللي بتخبي حبها وقال 

علموك تسهر تغني

علموك شوق الحبايب

علموك تسهر تغني

علموك شوق الحبايب

علموك تسهر تغني

تغني، تغني علموك شوق الحبايب

علموك تسهر تغني

علموك شوق الحبايب

علموك تسهر تغني

تغني، تغني

ليه يا قلبي ليه

ليه خذوني ليه

ليه يا قلبي ليه

ليه خذوني ليه

توهوني، غربوني

توهوني غربوني العيون السود

ليه، ليه خذوني

كامل الأوصاف فتني

والعيون السود خذوني

من هواهم رحت أغني

آه يا ليل آه يا عين

قالوا الصبر

قالوا الصبر بحوره بعيدة

بعيدة، بعيدة

قالوا شفايفه

قالوا شفايفه نايات بتقول تنهيدة

قالوا الصبر

قالوا الصبر بحوره بعيدة

بعيدة، بعيدة

والنجم معايا

ذوبني وذبنا

والنجم معايا

ذوبني وذبنا

في عيون نساية، نساية

وسهرت أستنى

والنجم معايا

ذوبني وذبنا

في عيون نساية، نساية

ليه يا قلبي ليه

ليه خذوني ليه

ليه يا قلبي ليه

كانت عشق واقفه بتسمعه وهو بيغني وحاسه إن قلبها هيطلع من مكانه هي فعلاً إشتاقتله أوي يوم ماسابها قلبها وجعها بس هي حبت مين فيهم أيمن ولا كنان 

قطع شرودها بقبلة من شفايفها ذابوا هما الإثنين فيها وكأنهم بيردوا على بعض وبيعترفوا لبعض بالحب ده وضمها لحضنه وبين ضلوعه وقال

مش عارف إنتي عملتي فيا ايه من يوم ماشوفتك وأنا بفتح الكاميرا زي عادتي علشان اتابع الحضور وفجأه وقفت عينيا عليكي قولت وقتها يمكن علشان وجه جديد وكنت مضايق من نفسي أوي أنا إزاي انجذب ليكي إزاي بقى عندي مشاعر ناحيتك

خرجت عشق من حضنه وسألته 

يعني إنت حبتني من قبل ماباباك يعرض عليك إنك تتجوزني..

رفع إيده ورجع شعرها ومشي بإيده على خدودها كنت هتجنن وامسح دموعك اللي كانت نازلة على خدودك دي 

أنا من وقتها مش ناسي أي حاجه تخصك كل تفصيله لون الجيبة السودا والبلوزة الخضراء ووشك المنور وشعرك اللي الهواء كان بيطيره وإنتي عماله بتبعديه من على وشك ولا دعاكي اللي بتدعي بيه ومسكت إيدك وإنتي متوترة ياه أنا كنت كل ما غمض عينيا كنت بشوفك وكنت بتجنن من نفسي 

أقسم بالله بقيت كل يوم أقف قدام الكاميرات زي الاهبل علشان المحك وإنتي خارجة وإنتي داخلة وكنت كل يوم بستنى القهوة وخصوصاً رسايلك اللي لونت الظلام اللي أنا فيه وكنت بتجنن لما باجي الصبح القى الورد والستاير مرفوعه ..

ضحكت عشق وقالت 

أنا فاكرة حالتك وقتها كنت مديني ظهرك وبصوت جامدة لاقيتك بتقولي عشق قلدت صوته 

إنت يا كابتن هو إنت فاكر إنك بالحركات دي هتاخد مرتب عالي اللي فهمك كدا كذب عليك أنا مش بيجى معايا مسح الجوخ دا مفيش ورد تاني والستاير تفضل مقفوله 

 

ضحك كنان بصوته كله

طب بذمتك أنا كنت بعمل كدا..

كشرت عشق 

وأنا إش عرفني الأوضة كانت كلها ظلمة وإنت واقف وظهرك ليا ومكنتش شايفة ملامح وشك صوتك كان كله ألم وحزن بتخبيهم بصوتك العالي طيب فاكر رديت عليك بإيه ..

إبتسم كنان

طبعاً فاكر وقالدها بنفس الوقفة وجاب كاب وحطه على راسه 

نزلت الكاب على وشك واتكلمتي بصوت زي صوت الرجاله  

حاضر يافندم لكن الغرفة لازم تتهوى شوية وكمان الورد بيسحب ثاني أكسيد الكربون وتعطيك الأكسجين يساعدك على التنفس

ضحكت عشق  

فعلاً وقتها إنت قولتلي هو إحنا في درس علوم أنا بحب اللي يسمع الكلام أسأل عمي حسين هيقولك كل حاجه ..

وقتها أنا قلبي كان في رجلي كنت خايفة منك أوي نزلت جري لدرجة إني كنت هقع وخبطت في مستر أسامة والكاب وقع .. 

فى لحظة دي حس كنان بالغيرة لكن كتمها وسألها 

إيه اللي حصل ..

كملت عشق إنت وقتها رجعت وناديت عليا لكن مستر أسامة لما شاف ملامحي فهم إني بنت علشان هو كان جه قبل كدا وطلب قهوة 

قالي انزلي بسرعة وأنا هتصرف وقتها قررت إني مش هطلع عندك تاني وكنت مرعوبة أوي لدرجة إن بابا إستغرب شكلي وخوفي ورفض إني أطلع تاني ووقتها إبراهيم دخل وطلب حاجه يشربها فسأله بابا بالله عليك يا إبراهيم شوف شاب يطلع هو فوق عند كنان بيه علشان إنت عارف هيعمل إيه لوعرف إن اللي بيطلع ينظف الأوضة فوق بنت ..

ضحك وقتها إبراهيم وقال 

هيسود عيشتها دا مش بعيد يقتلها ويدفنها مكانها 

اتصدم كنان

هو قال كدا يابن *** 

وقتها أنا اترعبت لكن كنت مجبورة إني أطلع آخر مرة وقتها شفوتك فوق قصدي شوفت أيمن قصدي 

إيه اللخبطه دي ..

ضحك كنان 

إنتي عارفه إني كنت بغير من أيمن أوي وكمان أيمن كان بيغير من كنان ..

ضحكت عشق

طب إزاي دا ممكن تشرحلي ..

إبتسم كنان 

هقولك ياستي بس تعالي ندخل جوا أنا تعبت من الوقفه ..

عشق برفض

لا طبعاً أنا مش هدخل جوا ..

 

إستغرب كنان وسألها 

ليه طيب ممكن أفهم ..

  

عشق بلعت ريقها وهي حاسه بالإحراج 

دلوقتي مش ينفع أقعد دقيقه واحده هنا ..

سألها كنان بحيرة 

وليه فرق دلوقتي من شويه وكمان على أساس قعدت من شوية بردوا هربتي ..

 

عشق بلعت ريقها 

من شوية كنت بهرب من شخص معقد مجهول بخاف منه زي ماقلتلك أما دلوقتي مش ينفع ..

كنان قرب منها أكثر ولعب بشعرها وحط إيده على رقبتها وهمس ودلوقتي بتهربي من حبيبك صح خايفة يكون ثالثنا الشيطان ..

ضربته ضربة خفيفة على صدره بخجل وبعدته عنها 

أنا اللي غلطانة اني وقفت اتكلم معاك وسع كدا..

قبل ما تمشي كنان شالها  

عشق اتصدمت من فعلته 

أيمن سيبنى أنا مش بهزر دلوقتي والله سكتت وخذت بالها إنها غلطت في إسمه وخافت يزعل منها وخصوصاً إنه كان بيقولها إنه بيغير من أيمن 

كنان نزلها واستغرب خوفها وسكوتها المفاجأة وسألها مالك ياعشق سكت ليه

يتبع..........