الفصل الأول عشق الكنان الجزء الثاني

 طبيب القرية الحلقة 3

الكاتبة/ صفاء حسني الطيب

طلعت زبيدة لأوضة مالك وهي بتفكر كيف تجدر تدي لمالك درس جاسي عشان مرة ثانية مايتجاوزش حدوده مع بنات الكفر لكن مالك كان عارف باللي هتعمله زبيدة من نعمة 

فتحت زبيدة الباب وحطت الورد

 اللي جابوا أبوها لمالك في زهرية و رتبت الغرفة وكانت بتتحدت  نفسها بصوت مسموع

يابوي إيه الفوضى دي كلها دي زريبة مش أوضة ايه الهدوم اللي في كل مكان دي وبدأت تلم في الهدوم اللي على الأرض وتأخذ اللي عايز يتغسل منها على الغسيل و النظيف تعلجه وهي بتنفخ وتكلم في نفسها 

زبيدة 

ميتا يرجع  إبن النايب ديه على البندر ونرتاح منه والله مش عارفه طالع لمين دا حتى حضرة النايب راجل مليح جوي جوي وكل أولاد العم مليحين هو دا اللي مزعل  ست الهانم وهي طيبة جوى وكانت بتحلم يكون ولدها أحسن منهم ويعاود على البلد لكن لما جه بجى كده ربنا يتولاها دا بلاء

كان مالك يستمع على حديتها  مع حالها وخرج وهو بيزعج : مين دبه اللي بلاء يابت إنتي 

 

 زبيدة اتنتفض وبفزع قالت أعوذ بالله هو إنت جيت ميتا يا بيه ولما شافت منظروا استحت ولفت وشها الناحية الثانية 

زبيدة : عيب اختشي 

 مالك كان طالع من الحمام بفوطة ملفوفة على نص جسمه السفلي وفوطة ثانية  على كتفه 

مالك : داي أوضتي وأني حر إنما  إنتي إيه اللي دخلك الأوضة هنه 

 زبيدة وهي باصه على الأرض :

كنت برتب الأوضة  يا بيه آسفة مكنتش أعرف إنك اهنه  بتاخد حمام 

زعج مالك بغضب : 

إياكي  تهوبي ناحية أوضتي مرة تانية ما دام كل رجالة العيلة مليحه إلا أني 

زبيدة وهي لسه راسها في الأرض هزت رأسها :

 حاضر يا بيه وجت تمشي فجأة مالك وقف قدامها فزبيدة خبطت فيه وكانت هتجع على الأرض من الخبطه وفي دجيجة كان مالك شايلها وبقت بين إيديه 

زبيدة فتحت عينيها لاجت نفسها بين ايدين مالك ولأنها جصيرة ورفيعه وهو طول بعرض مكتش باينه 

زعجت زبيدة :

 نزلني إنت بتعمل إيه 

إبتسم مالك :

 أنا غلطان إني لحجتك قبل ما تجعي

 زبيدة بصوت عالي : 

فسح اكده نزلني إيه البجاحة داي

نفخ مالك : 

بجاحة والله ما شفت بجاحة زي بجاحتك إنتي مش قصدي يا بت 

 زبيدة بصريخ : قصد إيه سبني بجى 

نفخ مالك : 

إنتي  عايزة إيه مني هتتجنني عليا وغيرانة من نعمة عشان اكده بتكرهيها فيا صوح 

كانت زبيدة  بترفس عشان هينزلها لحد ما قدرت تنزل واتحركت بعيد  عنه وهي بتقول 

إنت غلطان يا بيه إنت مين عشان أبص عليك أو أغير هو إنت فاكر نفسك راجل مليح عشان أبص عليك أنا صعبانة عليا البت اليتيمة  اللي ضحكت عليها 

حس مالك بغضب شديد  ورفع صوته عشان يفضحها : 

إنتي بت مش متربيه إنتي تطولي والله ليكون آخر يوم ليكي هنا 

إبتسمت زبيدة : 

أحسن ما يشرفنيش أشتغل حدا  راجل زيك راجل إيه إنت شبه  الغنم اللي بتجري ورى غريزتها على حساب شرف البنته

 مالك مجدرش يتحكم في نفسه وجرب منها ولطشها بالجلم 

أنا غنم يا تربية زرايب غوري من وشي 

هزت زبيدة راسها بتأكيد  : 

إيوه شوف الأوضة اللي إنت فيها وبعد اكده أتكلم عن الزريبة والله إنت خسارة فيك أبا الحج وست الهانم الناس الكمل دول اللي مابيطلعش منهم العيبة ويعرفوا ربنا وسابت الأوضة وخرجت 

وكان معظم اللي في الجصر سمع الكلام واتوقعوا  إنه حاول يعتدي على زبيدة وهي علمته الأدب 

زبيدة وهي ماشية لقيت ايد بتسحبها لجوا أوضة وهي بتصرخ 

 مالك كان في أوضته رايح جاي مفروس أني زي الغنم أني كل رجاله العيلة أحسن مني يا جاهلة 

..... 

 زبيدة انصدمت لما شافت اللي سحبها 

 زبيدة : مين ست الهانم وردة 

وردة هزت راسها : 

اه ماتخافيش يابنيتي إيه اللي حوصول بالظبط إيه صوت النواح والصريخ ديه . 

جربت منها زبيدة  ومسكت يدها تبوسها 

زبيدة : أحب على يدك يا هانم ماتزعليش مني لكن إنتي صعبانه عليا وأني بشوفك قاعدة متحسرة على ولدك اللي كنتي بتطلبيه من ربنا وفي الآخر يطلع اكده. 

وردة : هو حاول يعمل معاكي حاجة إنتي كمان 

هزت زبيدة رأسها بالنفى: 

ما تخافيش عليا يا هانم أني تربية يدك ومايجدرش يمس شعرة مني واصل .

حزنت وردة :

لع  يا بنيتي هيجدر إنتي ما تعرفيش غضب الشاب على واحدة والله مش عارفه إيه اللي غيروا اكده وهو صغير كان واد طيب ومطيع. 

ربطت زبيدة على كتفها :

 ما تجلجيش يا هانم والله هيرجع أحسن من الاول وده وعد مني 

هزت وردة رأسها :

 ماشي يا بتي روحي إنتي عشان أمك ما تستعوجكيش

زبيدة : حاضر يا هانم

من بعد الموقف ده زهج مالك من الكفر ورجع على البندر

طبيب القرية 

صديقه شاهين وجده بينفخ وساله 

 مالك يا ابني مضايق ليه  يامالك رد عليا إنت ياولد النائب 

نفخ مالك : 

يانعم عايز إيه من ولد الزفت 

ضحك شاهين :  

إيه يا ابني شايل طاجن ستك ليه ورجعت بسرعة من الكفر غريبة ليه إنت قلت هترجع من هناك على لندن عكيت  ولا الصيد الجديد عصلج معاك 

نفخ مالك بغضب : 

اه اتزفت وقلت يمامة المرة دي طلعت حية مش يمامة 

طلب شاهين منه الشرح : 

ليه بس فهمني إيه اللي حصل 

هز راسه مالك  بدأ يحكي لشاهين كل اللي  حصل 

انصدم شاهين :

وه وه وه  جالتلك اكده وإنت منطجتش 

نفخ مالك:  

سبني أني هطلع من هدومي حرقت دمي بنت الرفدى 

استغرب شاهين :

ليه بس كنت طردتها بدل ما تسيب إنت الكفر 

نظر مالك له بغيظ  : 

كنت هعمل اكدة لكن هي سبجتني ومعتبتش نواحي الجصر من يومها 

اندهش شاهين :

طيب هتعمل ايه 

نفخ مالك :

معرفش وانا لو كنت اعرف حاجى كنت  فضلت على نار كدة 

ابتسم شاهين :

 إنت لسانك إتعوج لما رجعت الكفر 

نفخ مالك :

 أنا في إيه وأنت بتقول إيه.. 

وجاي يمشي 

اوقفه شاهين :

 استنى يابني يالهوى على المخ الصعيدي لما يقفل  

نظر مالك له بضيق. :

أوه يا بوى   متجفلش إمعاي أومال 

ضحك شاهين : 

ههه حاضر أنا رأي فكك منها وإنت بتقول البت نعمة جميلة وحلوة وبتستمتع معاها  

هز مالك راسه بالرفض:

مش بالساهل اكده  لازمن اخذ حجي منها بجى أنا زي الغنم وكل رجاله العيلة أحسن مني 

فكر شاهين :

 بس هو في حلين تاخد حقك منها .

نظر مالك له بلهفة وساله :

هما ايه دلني عليهم عشان اكسرها البت دي قال زبدة قال دي بصل 

ضحك شاهين: 

ههههه حاضر بس عايز الحلاوة 

ابتسم مالك :

 عيني بس دلني 

رد شاهين : 

بس واضح البت دي متعلمة وفاهمة كويس عشان كده ماوقعتش في الفخ زي نعمة لما شافت صورتك وأنت مأذون وصدقت إن المأذون لما يتجوز كفاية هو يمضي بس على الدفتر 

هز مالك راسه: 

اه وأنا دخلت معاها عن طريق الحب بس منفعش معاها برضو 

ابتسم شاهين:

 ومش هينفع ده ابعت لها حد يغتصبها وتكون سمعتها في الأرض أو 

انفزع مالك وقال : 

لاع والف لا  أنا عايز برضاها مش غصب عنها عايز اكون اول واحد يلمسها 

ابتسم شاهين

 يبقى الحل التاني تمثل إنك اتغيرت 

ساله مالك : 

إزاى يا فالح 

شرح شاهين :

 تبين نيتك الكويسه وتقف مع أبوك في الإنتخابات 

انصدم مالك  :

 إنت بتستعبط ولا بتستهبل أروح أتجوز نعمة عشان أبين إني كويس

هز شاهين راسه بالرفض :

مش للدرجه دى مش هتوصل 

اندهش مالك :

 طيب إزاي يا فالح 

بدا شاهين يشرح ليه : 

أقولك فاكر الشعر اللي أخذناه زمان بتاع الثعلب 

نفخ مالك :

 هو إحنا في حصة وأنا معرفش 

ابتسم شاهين وساله : 

فاكر بس 

ابتسم مالك قوله انت 

انتهى اليوم بعد ما خطط شاهين ومالك 

_____________''''_________________

وفعلاً رجع مالك وطبق الخطة اللي قال له عليها شاهين عشان ينول غرضه من زبيدة

 أول حاجه قطع علاقته مع نعمة 

كانت نعمة تبكى  بدموع

 إنت ليه زعلان مني حجك عليا بس بلاش تسبني 

اقنعها مالك :

 إكده أحسن يا بت الحلال وهتلاجي حد من حداكم يكتب كتابه عليكي قدام الكل 

كانت نعمة منهارة وهى تترجها : إ

نت زعلان من البت اللي ماتتسماش داي اللي إسمها زبيدة وعشان اكده مش عايز تكمل معاي وتحدتني صوح فاكر وقولت ليك انى مصدجك انت 

هز راسه مالك بالحزن :

 أنا مافارقش معاي حد غوري من وشي وماشوفش وشك اهنه في الجصر ثاني فاهمه 

نزلت دموع نعمة : 

حاضر يا بيه أني هبعد شوي عشان باين عليك  مزاجك مش مليح  بس لما تحتاجني هتلاجيني .

....

بدا مالك  يواظب على الصلاة، و يشرف على أعمال والده محدش كان شايف  منه عيب 

إستمر مالك على هذا الحال دا لمدة شهر 

عندى زبيدة كانت مشغوله  بالدراسة والتدريب على التمريض في المستشفى اللي في العاصمة لكن كانت بتسمع عن تغبيره 

وردة زارت زبيدة 

وردة :

 مش عارفه أشكرك إزاي يابنيتي فعلاً ولدي إتغير خلاص 

نظرت زبيدة  وهى مستغربة  حديتها وقالت ما بين نفسها 

جلبي مش مرتاح ديل التعلب عمروا مايتعدل لكن محبيتش تزعلها قالت 

 زبيدة :

الحمد الله يا هانم ربنا يفرحك بيه يارب 

ابتسمت وردة :

 تسلمي يابنيتي من كل سوء انى مش عارفه انتى قولت ليه ايه خليته اتغير لكن بروا عليكى ربنا يوفقك يارب 

امنت زبيدة وقالت 

امين يارب العالمين 

نفخ مالك : 

بجالي شهر بنفذ اللي إنت جلت لي عليه والبت ما هوبتش ناحيه الجصر و أمي راحت عندها وأكيد كلمتها

طلب شاهين منه :

 اصبر على الرز دلوقتي هتعمل الخطوة الثانيه 

ساله مالك :هو إيه يا فالح 

ابتسم شاهين : 

هتطلب من أمك إنك تتجوز زبيدة 

شهق مالك : 

بتجول إيه إنت اتخبلت في عجلك يااود 

طلب شاهين منه يسمعه  :

اسمعى يا ابنى  عجلك إيه يخربيت سنينك مخي اه يا مخي

استغرب مالك :

 إنت ليه مركز في لهجتي ياد إنت أنا في الكفر ولازمن أتكلم بلهجتهم 

ابتسم شاهين :

 بس معايا إتكلم عادي شوف يا سيدي إنت لما تطلب من أهلك تتجوزها هيرفضوا صح 

هز راسه مالك :

 أكيد يا فالح إيه الجديد 

رد شاهين : 

هي هتعرف من أهلها إنك طلبت ايدها وأبوك رفض 

نفخ مالك بدون صبر: 

استفدت إيه أنا بقي من الكلام ده لما كل الكفر يعرف إني أتقدمت ليها 

ابتسم شاهين : 

 هتستفيد إنك  لما تروح تتقدملها أبوها وأمها هيعرفوا إن نيتك سليمه ويوافقوا تتجوزها  في السر عشان متغضبش والدك 

قاعد مالك مكانه يستمع الخطه

 ياباي عليك يا شاهين واكده أجدر أتجوزها وأخد اللي أني عاوزه منها وبعد اكده  أذلها برحتى 

ابتسم شاهين : 

أيوه  كده فتحت عقلك معايا 

ضحك مالك : 

إنت طلعت داهية يا واد ياشاهين 

ضحك شاهين ههههه: 

وممكن أبقى أنا المأذون والبت تكتشف ده بعد كده وتكون كسرتها 

ابتسم مالك :

 عفارم عليك وتورينا وجتها لسانها الطويل وبجاحتها 

ضحك شاهين:

 هتبتدي التنفيذ أمتا 

ابتسم مالك :

من الليلة طبعاً سلام

تابع