الفصل الأول عشق الكنان الجزء الثاني

 بسم الله الرحمن الرحيم وبيه نستعين 

الحلقه الاخيره 

طبيب القرية

*******************

نهر بشهقة بعد ما وصلتها نتيجة التحليل : يا خبر إسود دي جريمة 

زبيدة : خير يا بنتي حوصول إيه بس ..

نهر : سليم يا عمتي ..

زبيدة بخوف شديد : ماله يابنتي هو لسه مصمم يرجع القاهره ..

نهر : الموضوع أخطر من اكده ياعمتي ..

زبيدة : بالراحة يابنتي اهدي ..

نهر : أنا لازم أجابل معتز دلوكيت ..

زبيدة : إيه علاجه معتز بسليم فهميني .. 

نهر :لما أرجع هجولك 

نهر راحت على القسم بسرعة لكن ملاقتش معتز سألت عليه ملقتهوش 

نهر : ياشاويش متعرفش ممكن ألاجي الظابط معتز فين .. 

الشاويش : هو راح على بيته يجي من ساعة اكده ..

نهر : طيب ممكن توصلني ليه ..

الشاويش : طبعاً تعالي معاي ..

*******************

جه إتصال لسليم من نعمة 

نعمة : ضحكت عليا ومنفذتش اللي إتفجنا عليه فاكر الدكتورة شريفة جوي إياك ، وكمان مالك اتجوز زبيدة صوح ..

سليم : أنا مش فاهم إزاي إنتي مسجونة وبتتصلي بيا ..

نعمة : رد عليا حبيت بت عمتك صوح واتفجت معاها ضدي ..

سليم : لا طبعاً أنا نفذت اللي إنتي طلبتيه ..

نعمة : لاه إنت منفذتش حاجه وهي لعبت بيك زي ما خالها لعب بيا زمان ..

سليم : كلكم بتلعبوا على بعض وأنا أكبر لعبة في حياتكم صح ..

نعمة : أني جلتلك إني مظلومه وجدتك هي اللي باعتك مش أني ..

سليم : بطلي تضحكي عليا وتقولي إنك مبعتنيش إنتي بعتيني وأنا مش هكون زي حد فاهمة ولو حضرت النائب كان ظلمك مرة إنتي ظلمت نفسك ألف مرة ..

نعمة بتكلم نفسها

 بس أني هاخد حجي منيه واللي إنت مجدرتش تنفذه غيرك وافج إنه ينفذه شوف بجى سمعت بنت عمتك وهي في الأرض

 فاقت نعمه وردت عليه :

ياولدي هما اللي ظلموني وظلموك كمان والداكتورة اللي إنت خوفت على شرفها وسمعتها دي واتفجت معاها ضدي هي دلوكيت بتخونك مع الظابط معتز وفي علاجة بيناتهم ولومش مصدجني روح وشوف بنفسك .. 

سليم بغضب : إنتي كدابة ونفسك تدمري كل حاجه حلوة في حياتي ..

نعمة : طب روح وشوف الاول وإنت تصدجني تلاجيها في بيته دلوكيت ..

سليم قفل التليفون في وشها 

مش رايح أروح فين إنتي عايزه مني إيه إرحميني .. 

*******************

شمس وصلت الكفر  واتفقت مع نعمة إنها تهربها مقابل إنها تصدم سليم في الكل علشان سليم يرجع لحضنها أو بالمعني الأصح علشان تقدر ترجع كل الفلوس اللي كتبها نور لسليم 

شمس وصلتلها صورة على تلفونها وهي بعثتها لنعمة ونعمة بعثتها لتلفون سليم الصورة لنهر وهي داخله بيت معتز 

سليم كان هيتجنن وعقله كان بيودى ويجيب كان متوتر أخذ حباية وفي الآخر قرر إنه يروح يفهم كل حاجة .. 

زبيدة شافته وهو خارج 

رايح فين يا ولدي ..

سليم : أنا مش إبن حد مش إنتي اتجوزتي عشيقك وخلاص نفذت الوصية وطلعتي بطلة قدامه وكمان دبستيني في بنت أخته عاوزه إيه تاني ..

 

زبيدة: إيه الحديت الماسخ ديه إيوا أني اتجوزت عشيجي وبنت اخته الدكتورة اللي مش عجباك دي واللي عتجول إني دبستك فيها مش هتلاجي زييها أبداً ..

 عايز ترجع مصر عند شمس أرجع هي جدرت تزرع في جلبك الكره والحجد من ناحيتنا هيا ونعمة

 

ومسكته من إيده تعالى معاي ودخلت بيه الأوضة وقفته قدام المرايه 

زبيدة : بص لنفسك شوف شكلك بجى عامل إزاي هو ديه ولدي الدكتور عينيك بجى تحتيها إسود من كتر المهدئات اللي عمال تاخذها ودايما موتر نفسك على إيه ممكن أفهم مين اللي ظلمك دلوكيت إنت اللي بتظلم نفسك ..

سليم : تمام أنا مختل عقلياً ممكن أفهم فين مراتي دلوقتي علشان تيجي تهتم بيا ولا أول ما اتخنقت معاها جريت على حبيبها ..

زبيدة :حبيب مين ياولدي متظلمش البنيه والله كانت بتجهز شنطتها علشان تيجي معاك على مصر ..

سليم : طيب فين حضرتها دلوقتي ..

زبيدة : راحت عند الظابط معتز بس مجلتليش ليه ..

سليم بسخرية : هههه مش قلتلك راحت عند حبيبها وأكيد هما في حضن بعض دلوقتي ..

زبيدة بتصرخ : جطع لسانك أوعى تجول عليها اكده ..

سليم : هي كمان تربيتك وواثقة فيها طيب تعالي وشوفي بنفسك ..

مالك : في إيه صوتكم عالي اكده ليه ..

سليم بسخرية : أهلاً بالعاشق الولهان غرقان بالحب إنت وسايب بنتك الدكتورة ماشية على حل شعرها ..

مالك بعدم فهم : أني مش فاهم مين دي اللي ماشيه على حل شعرها ..

شمس كانت واقفة وشايفه اللي بيحصل ومبسوطة : برافوا عليك يانعمة فكرتك تجنن كدا سليم يرجعلي وإنتي بقى أخلص منك .. 

سليم : تعالوا معايا وركب العربية وهما معاه وراحوا على بيت معتز ومحدش منهم فاهم حاجه ؟......

********************

عند نهر 

نهر خبطت الباب معتز فتح وهو لابس تيشرت 

نهر دخلت ومعتز قفل الباب 

نهر : ألحق يامعتز ظنك طلع في محله شوف الورق دا ..

 

معتز : اهدي بس مالك ..

 

نهر : شوف الأول يامعتز ..

معتز : هههه أنا مش دكتور علشان أفهم إيه التحليل دا ..

نهر : فاكر لما قلتلي إنك شاكك إن الأدوية اللي بياخدها سليم فيها حاجة  ..

معتز : اه فاكر لأني شوفته بنفسي لما أخد الحباية بعدها اتغير وبقى  عصبي ..

نهر : لأن الدوا في تركيبه بتخلي المريض يفقد السيطرة على نفسه ومع التكرار بيعمل هلوسة وممكن لا قدر الله المريض يفقد تركيزه 

ودا اللي حصل مع زبيدة لما تعبت كان هيحقنها بدوا غلط أنا كنت فاكرها أدمن عليه لكن الفترة اللي كنا فيها جوالة مأخذش منه ..

 

معتز : طيب فين المشكلة ماإنتي روحتي واتجوزيته مع إنك عارفه إني بحبك صح ..

نهر : أنا بتكلم في إيه وإنت بتتكلم في إيه دلوقتي ..

معتز : أنا اعترفتلك بحبي صح وطلبت منك إنك تقربي مني لكن إنتي روحتي وقربتى من سليم ..

نهر : إنت عبيط ما دا كله تمثيلية علشان عمتي زبيدة تتجوز خالي مالك وإنت عارف إنه مش بيحبني لأنه مريض ..

معتز : لكن إنتي حبيته أنا شايف اللهفة والخوف اللي في عينيك عليه ..

 

نهر : تصدق أنا اللي غلطانة إني جيت لعندك كنت عاوزة أستفسر منك إيه الإجراءات اللي لازم أعملها علشان أقدم بلاغ ..

معتز : إنتي كدابة إنتي جيتي علشان تشوفي حبي ولهفتي عليكي صح هو دا طبعكم إنتوا البنات واحد في القلب وواحد احتياطي لو كنتي عاوزة تتعرفي هتتصرفي إزاي كنتي إتصلي بالباشا صح .. 

نهر : للأسف كنت فكراك صديق

معتز سحبها ناحيته بقوة : إنتي اكتر واحدة عارفه إن مفيش صداقة مابين الولد والبنت وإن الصداقة بتتقلب حب أو خيانة ونزوة ..

نهر : سيبني يامعتز عيب عليك كدا إنت اتجننت إنت إمتا اتكلمت كل كلامنا كان عن سليم ..

معتز : طيب إيه اللي يثبت كلامك إنتي جيتي لحد بيتي برجلك جيتي لبيت شاب عازب ومخوفتيش مع إنك متجوزة إيه الثقة دي .. 

نهر بدموع : للأسف دي مش ثقة دا هبل سيبني أنا لما اتصلت بيك إنت قلتلي تعالي وأنا جيت ليه كل الكلام دا سيبني أمشي أنا اللي غلطانه مش عارفه إنت إزاي إبن الدكتور عز ..

 

معتز : بقى كدا طب تعالي أوريكي أنا أبن مين سحبها بعنف وقلع حجابها وشعرها الجميل إنفرد على ظهرها وقطع الفستان وشاور على صورته وهو ببدلة الظابط 

معتز : أنا إبن البدله دي فاهمة أوسخ حاجه اتعلمتها وأنا لابسها إن المصلحة هي اللي بترفع وإستغلال الفرصة هي اللي بترفع واتعلمت إن مليش صديق وللأسف أنا بكره جوزك كره العمى ولازم أكسره..

نهر مسحت دموعها واتكلمت بقوه 

ماترميش قذارتك على البدلة البدلة أشرف منك ومن امثالك سيبني أخرج .. 

معتز : هو دخول الحمام زي خروجه إستني دقيقة لما يجي المحروس الدكتور وخالك وزبيدة ويشوفوكي وإنتي في حضني وبعد كدا غوري في داهية بعد ماشرفك يتمرمغ في التراب ..

نهر : ليه بتعمل كدا أنا عملت فيك إيه .. 

يتبع ............