الفصل الأول عشق الكنان الجزء الثاني

 #طبيب #القرية 

#صفاء #حسنى#الطيب 

سألها سليم بصدمة :

قتل إيه قتلتي مين يعني ...

وضحت زبيدة :

 دي حاجه جديمه وخلصت ياولدي ليه عايز تفتح دفاتر جديمة.

رفض سليم منطقها : 

لأن من يوم ما وعيت على الدنيا وأنا مستغرب إن إسمي بإسم الدكتور عز وكنت فاكر إني إبنه وإنتي أمي 

طيب إزاي عايشة معاهم وهو متجوز واحدة تانية وكل السنين دي وأنا بكره عز لأني كنت فاكره ظالمك أو ضحك عليكي لحد ماتعب وطلبوا تحليل للمتبرع وطلعت إني مانفعش اتبرع ليه استغربت ولما شوفت نتائج التحليل اكتشفت إنه مش بيخلف وإني إبنه على الورق وبس

 ولما جيت أتكلم قولتلي لما تكبر احكيلك كل حاجه، رغم إني كنت في الثانوية وقتها يعني مش صغير ، ولحد النهارده نفسي أفهم ليه إنتي خايفة ليه هربتي من بلدك ، وفين أهلك ومين أبويا ولوكنت إبن حلال و وووو.. ألف سؤال في بالي يا أمي ..

زعلت زبيدة منه وقالت:

 اكده ياولدي يعني أني في نظرك وحشة جوي كده والله العظيم إنت إبن حلال ...

اعتذر سليم : 

ماقصدش يا أمي أحب على راسك عاوز أعرف كل حاجة هاتجنن حتى علشان لو حبيت في يوم بنت أكيد هتقدملها أعرف مين أهلي..

تنهدت زبيدة :

حاضر ياولدي هحكيلك بس توعدني بعد ما أجولك أوعى تفكر تدللى هناك واصل ولا تنبش في الماضي ....

رفض سليم ومسك ايديها : 

اسمع الاول وعلى حسب اللي هتقوليه ياأمي ودا حقي ..

رفعت زبيدة يدها ووضعت على شعره وقالت : 

أهم حاجة لازمن تكون خابرها إنك إبن حلال وأمك اتجوزت على سنة الله ورسوله ...

تنهد سليم طيب ليه سابك وليه كل دا وهو فين...

نظرت له زبيدة  جلتلك إيه متتحدتش كتير وأنا بحكي معاك لأن الماضي في الماضي وكل شئ جسمة ونصيب ياولدي ..

هز راسه سليم حاضر ياأمي ...

ابتسمت زبيدة  يحضرلك الخير ياولدي في الاول أني كنت بت الجنايني حدا أبوك وكان إسمه مالك صقر الجناوي وهو إبن خالتي الصغيرة وديه مكنتش أعرفوا بيه  إلا بعد ماانتشر في كفر غريبة إن ولد النايب عاوز يتجوز بت الجنايني في الوجت ديه مكنتش مصدجه واصل لأنه كان معروف عنه إنه العوبان وبتاع نسوان ...

سالها سليم هو كان متعلم ياأمي ...

ردت زبيدة  اه ياولدي كان في جامعة في لندن بيتعلم فيها حاجة كده إسمها الرسم او الزخرفة حاجه زى كده 

سليم إسمها فنون جميلة ...

زبيدة  إيوه صوح ياولدي...سليم آسف ياأمي على المقاطعه كملي

بدات زبيدة تحكى  أني كنت دخلت تمريض عشان أكون ممرضة لان مفيش جامعة حدانا لتمريض، رغم إني وجتها كنت جايبة مجموع ادخل كلية تمريض بس حدانا البنته متسيبش بلدها وتدلى على مصر للتعليم ...

استغرب سليم  ليه ما كان في دفعتي بنات كتيرة جم من الصعيد وكانوا في  سكن جامعي وقتها ...

اكملت زبيدة الناس البسيطه ياولدي ملهمش في الحديت ديه ...

وأني خلصت ثانوية عامة ديه كان معجزة لأن وجتها أجرب مدرسة كانت بعدينا ب 3 كفور وكنت بروح على الإمتحانات بالعافية يبجى هيخلوني اتغرب عن الكفر وعن الدوار وأروح البندر ؟!!

قالها  بس جيتي و عشتي و ربيتي ولد وشلتي مسؤوليته ...

تتهدت زبيدة : 

صوح لكن وجتها الظروف هي اللي ساعدتني ..

سليم :طيب احكيلي كل حاجة ..

*************

وفي نفس الوقت كانت طلبت نهر  يحكي لها مالك 

 احكيلي الاول يا خال وبعد كده هنشوف مين اللي جاي ومين لا .. لسه مصممة يا بت صفية ...

نهر  أيوه ومش هشوف حاجة إلا لما أسمع الحكاية كلها ...

الخال دمغك زى حجر الصوان يا بنت صفية  أمري لله معرفش إزاي وجعتيني في الحديت ..

ضحكت نهر مش أني بنتك يا خال وإنت اللي ربتي بعد ما بابا مات يبجى لازمن أعرف كل الحكاية ..

رد الخال حجيجي أني بعتبرك بنتي  وبدموع ولو ولدي لسه عايش هو وزبيدة كان زمانهم معايا هنا وكنت جوزتهولك ..

انصدمت نهر  بحزن هو إنت كان عندك إبن ومات ...

هز راسه  بواجع اه  يا دكتورة ...

 يعني معنى كده إنك اتجوزت زبيدة ...

رد الخال 

مش صوح يابنتي مخبرش ليه ماكنتش مصدجاني يمكن كانت حاسة إني كنت بلعب عليها 

سالته نهر طيب إمتا صدجتك ..

ابتسم الخال:

لما سمعت صوتي وأني بقرأ قرآن في خطبة الجمعة ..

انبهرت نهر وهى تتخيل الموقف لكن موقف عادى ليه جصر فيها 

استغرب الخال :

 تجصدى  يادكتورة عشان وجتها كنت الشاب  المستهتر  ...

هزت رأسها ماقصدش ياخالي بس نفسي أعرف إيه اللي حوصول ...

بدا يحكى لها 

ابتسم مالك وهو يتحدث مع شاهين 

 عملت كل اللي إنت قلت لي عليه ومصدقتنيش برضو ومانابني إلا إني خسرت البنات اللي كنت عارفهم...

ابتسم شاهين بخبث وما بين نفسه احسن عشان انت فاكر نفسك ابن برام ديله ثم تحدث معه  : 

ما إنت طول ماإنت بتفكر كده مش هتصدقك لازم تصدق من جواها إنك اتغيرت علشان الخطه تمشي ..

ساله مالك : يعني أعمل إيه كل الكفر بيتكلم عن إبن النائب اللي وقع في حب بت الجنايني وأبوه  رافض ...

ساله شاهين :

 وأمك كمان رافضة ...

فكر مالك شويه:

 هي بتحب زبيدة جداً لأنها بنت أختها وأكيد هتفرح..

هز راسه شاهين بالنفي  :

مش شرط لكن لازم تعرف منها كل حاجة عن زبيدة بتحب إيه بتكره إيه مين فارس أحلامها النظام دا ...

تنهد مالك :

 إنت شايف كده ...

اكد شاهين  أكيد يابني أهي محاوله مش هي كسرتك قدام كل اللي في القصر لازم تعرف نقطة ضعفها وقوتها ويوم فرحها سيبها كده دي أكبر كسره ليها ...

شعر مالك برفض وقال : 

لا طبعاً ...

انصدم شاهين : 

أوعى تكون وقعت في حبها بجد ...

ضحك مالك :

 هههه لا أذوق العسل والزبدة الأول وبعد كدا أرميها وهشوف بقى شكلها قدام كل الكفر لما تطلق من تاني يوم فرحها...

ضحك شاهين وقعت قلبي اوى كدة  إنت طلعت شيطان وبكده يبقى كسرتها ..

لكن مالك شعر بتردد :

 بس في مشكلة إنها بنت خالتي يعني كده هكون كسرت أمي كمان..شاهين واضح إنك حنيت ومحتار وعقلك مخربت 

هز راسه مالك الصراحه شوية،  لا طبعاً ...

يلا هسيبك واروح اسال امى 

ابتسم شاهين قلبي معك 

بعض ايام 

اتجه مالك الي  أمه  جولي لي رأيك في إرتباطي بزبيدة ....

مسكت وردة يده وسالته 

 خبرني ياولدي إنت بجد بتحبها ولا  بتلعب بيها زي غيرها ...

رفض مالك ورد: 

مكنتش جيت وطلبت يدها منكم ...

سالته وردة وعرفت رأيها جبل ماتطلب يدها

هز راسه مالك  لاع إنتي خابره أكتر مني طبعها مجدرتش أجولها ..

اكملت وردة  أكيد مش هتحدت معاك عشان  دي بت عاجلة وعارفه هي فين وإنت فين ...

نفخ مالك :

 ليه يعني مش بت أختك يعني جرايب وفي نفس المستوى ...

سالته وردة : 

وإنت فاكر ديه سهل عليا لما أختي تكون خدامة عندي وكمان طوا الوجت جدام عنين أبوك  ...

نظر مالك لها  : 

إنتي ندمانه إنك اتجوزتي من أبوي

رفضت وردة : 

لاع  طبعاً أني بعشجه لكن هو لسه جلبه متعلج بحب أختي ياما كنت بشوفوا وهو بيبص عليها من بعيد ويوم ما هي خلفت زبيدة كان شايط وهيتجنن لكن فى الاخر انا الا معه .

استغرب مالك حديث امهو

 أنا أول مرة أحس بالحزن اللي في صوتك ديه ياما ...

نظرت وردة بجديه :

 إنت ياولدي مكنتش شايف ولا حاسس بأي حاجة وأني عارفه إنك ماتغيرتش لأنك شبه أبوك لما بتكون عايز توصل لحاجه أو تكسر حد بتلعب لعبة علشان توصله 

هو لعب عليا علشان يكسر أختي لما جدك رفض جوازهم رغم إن روحه في أختي ..

كان عايز مالك يوقعا فى الحديث 

 إحساس صعب لما تعيشي مع حد وإنتي عارفه إنه مش بيحبك إزاي جدرتي تعيشي اكده ..

رفضت وردة طريقته  :

بلاش طريجتى التوجيع ده والا يحب   لازمن يصبر على الا يحبه وفى النهاية هو معى انا، الأهم عندي إنت وأختك ذنبكم إيه ...

اعتذر مالك :

حبيبتى ياما أني آسف جوي ..

ردت وردة  أوعى يابني تكسر زبيدة أكتر حاجه بتوجعنا لما نحب حد ويكون بيضحك علينا ...

وعدها مالك : 

صدجيني أني بحبها ونفسي أتغير علشانها... 

باك ****

زعلت نهر : 

هو شيطان إزاي إنت سمعت لواحد زي ديه ياخال ..

تحدث مالك بندم  :

 الحجيجه وأني كمان كنت شيطان يابنيتي عايزه إيه من شاب طايش ومتدلع كل طلباته مجابة و تتنفذ ومرة واثنين لعب مع البنات ووصلت إني عملت علاقة معاهم وعمر ما أبويا ما جال حرام و لا عيب كنت عايزاني اتصاحب مع مين إلا شيطان ...

تنهدت نهر طيب زبيدة كان ذنبها إيه؟ وإزاي صدجت إنك اتغيرت ؟

اكمل مالك :

 بعد ما مشيت على الخطه قعدت مع أمي وسألتها، مش عارف وجتها إزاي لساني نطج بإني بحبها ممكن صدمة إن أمي مكسورة بسبب لعبة لعبها أبوي كسر بيها جلب أم زبيدة وأمي ...

ردت نهر : 

وممكن تكون فعلاً حبيتها ياخال

واضح مالك : كنت يابنيتي وجتها محتار من الكره اللي في جلبي وكمان الحب ..

سالته نهر : و إمتا هي صدجتك ...

رد مالك : 

كان في الوجت ديه دخل رمضان والإمام اللي المفروض يجي من البندر مجاش وكان لازمن حد يجوم بالتراويح ولازمن يكون صوته حلو في الأذان ...

انهدهشت نهر : اوعى تكون بقيت  إنت بجيت الإمام

ضحك مالك : 

صح اكديه اتدبست كانوا ولاد عمي بيهزورا 

فلاش

سال محمود : 

طيب هنصلي التراويح إزاي ياعم الحج ...

رد الحاج : 

ممكن أي حد حافظ القرآن من اللي كانوا بيصلوا الجمعة هو اللي يصلي بالناس...

قال مكرم : 

كلهم ناس كبيره يابا الحاج سليم مش هيقدروا يقعدوا طول الليل ...

اقترح محمود :

 إيه رأيك إنت يا مكرم تصلي بينا...

رفض مكرم : 

مينفعش نفسي جصير وصوتي مش حلو إيه رأيكم في مالك بسم الله ماشاء الله بجى ملتزم ومش بيفوت فرض وكمان صوته حلو إيه رأيك يابا الحاج ..

ابتسم مكرم ووجه حديثه ل صقر  : 

ايه رايك يا ابى صقر

هز راسه الحاج صقر : 

والله ماخبرش هيوافج ولا لع  ...

اعترضت مكرم 

أكيد هيوافج لأنه مايجدرش يخلف كلمة النايب ويصغره جدام الكبرات هنا وشوف إزاي الموضوع ديه هيفيدك في الإنتخابات ويخرس كل اللي يجول إن إبن النايب مش مليح ...

اكد محمود الحديث: 

صوح والله ونسكت كلام المنافس لينا الجيار اللي مطلع إشاعات على الواد مالك ...

الحاج سليم : 

مدام إنتم مصرين يبجي مالك ينفذ ...

ابتسم مكرم بخبث  :

 وممكن يحط المصحف جدامه وهو بيجرا عادي ..

احرج صقر ونادى  :

 يا محروس نادي على ولدي بسرعه ...

هز محروس راسه  :حاضر يا عم الحاج...

وبعد قليل وصل محروس..

محروس : عم الحاج صقر عاوزك في المقعد يا بيه ...

استغرب مالك :

 هو جالك كده ..

هز راسه محروس : 

إيوه ومنتظرك هو وكبرات الكفر ...

مالك :حاضر أني جاي ...

كان لابس جلابية ومعطر نفسه وكوفية على رجبته ودخل على المجعد ورم السلام 

مالك : 

السلام عليكم ورحمة الله وبركاته ..

الجميع : عليكم السلام ورحمة الله وبركاته ..

الحج سليم عم مالك : 

تعالى ياولدي عاملين جلسه ترحيب برمضان وبنودع شعبان وكل شاب يجرا بعض من آيات القرآن..

ابتسم مالك :

كل سنه وإنتم طيبين أكيد أني أكون سعيد يا عمى ...

وجه حديثه محمود : 

نورت الجلسه يابن عمي..

ابتسم مالك :

 منوره بأهلها يابن عمي ...

بدأت الجلسة وبدأ الناس الكبيرة تقراء وبعدها الشباب ..

لحد ما وصلوا  لمالك...

تابع 

طبيب القرية

انتهت

الحلقة 6

بقلمي صفاء حسنى الطيب 

**********