تنهدت نهر وبحزن :
إيه القصة الحزينه ديه وطبعاً صابحه وجدي صقر كانوا بيتعذبوا، وعشان كده قلبه اصبح جامد، وإنت كنت طالع زييه
هز راسه الخال بالرفض :
لع هو سابني أعيش على حريتي، وأمتع نفسي مع البنات براحتي كان فاكر إني لما أعيش الحرية دي وأكون هوائي أحسن ما أجع في الحب واتعذب، وأني بشوف حبيبتي جدامي عيونى فى حضنة زلمي غيري
سالته نهر :
طيب على كده زبيدة تكون بت خالتك صوح
هز راسه الخال :
صوح أني تعبت يابتي بكرة نكملو
ابتسمت نهر :
طبعاً ياحبيبي هعرف حكايه زبيدة وإزاي وقعت في حبها واللعبة بجت حجيجة امتى
تنهد الخال اكيد
خرجت نهر وقعدت على الاب توب وما بين نفسها قالت : أنا هكتب لريهام كل المطلوب للمستوصف يمكن حد من المستشفى اللي هي شغاله فيها، أو من الدفعة بتاعتنا يساعدوني وفتحت الاب توب وبدأت تكتب كل المطلوب
دكتور اطفال ،دكتور باطنة ، و دكتور أسنان ...
شافت ريهام كل المطلوب وانصدمت ولتصلت بيها فيديو : أخ إنتي عاوزة كل التخصصات دي ليه إنتي بتستعبطي مين هيجى يعيش في كفر في الصعيد ...
تنهدت نهر :
وفيها إيه يعنى مش دا واجب على كل طبيب يساعد الفقير ...
بدت ريهام تواضح رايها :
يا بنتي فوقي شوية انتى هتخلينى اشق هدومي منك مين هيسيب القاهرة ويجي او الاسكندريه ويجى عندك
ضحكت نهر
اسمها حدنا اشوك خلجتى وممكن تقولي ي زى أمي يا مرك يا نهر،المهم هتلاقي
ضحكت ريهام :
لا أقول يا مرك ياريهام وهجيبلك كل دول إزاي يا فالحة إنتي عايزة مستشفى كاملة ...
ابتسمت نهر :
لا المستوصف موجود وفيه أهم المتطلبات لكن أوفر بس التخصصات دي الأول..
تنهدت ريهام :
وفين الحكومة يابنتي ماخالك نائب في الحزب خليه يساعدك ..
تنهدت نهر :
ما هو هيساعدني بس لازم أرتب أموري وأنا محتارة مش عارفة إزاي اظبطها ...
تحدثت ب احباط ريهام :
هو دا عيب البلد يجي واحد يتعين نائب علشان يساعد الفقراء يروح ينساهم ويشوف مصالحه ...
هزت رأسها نهر بالنفى:
لاع الموضوع مش كدا خالي فتح مدرستين لحد التعليم الثانوي، ودخل الكهربا بعد ما كانوا شغالين علي مواتير ومية
بس الناس في الكفر هنا غلبانه جداً وفعلاً محتاجين مستوصف قريب لأن أقرب مستوصف بعيد عن كفرنا دا ب 3 كفور وللأسف زمان الستات كانت الداية، بتولد هم والحالات الصعبة بيودوهم المستشفى اللي في المحافظة وبتاخد وقت علشان يوصلوا وفي حالات كتيرة ماتت
لحد ما أنا اتخرجت من طب تخصص نساء وتوليد بدأت أساعدهم وخالي فتحلي عيادة بس في تخصصات كتيرة مش متاحة...
تنهدت ريهام :
طيب ياحبيبتي أنا هنشر الطلب دا عندي في جروب المستشفى لو في متطوعين وأمري لله هاجي معاهم ..
ابتسمت نهر بمرح :
ياريت مش عارفة أشكرك إزاي وطبعاً تنوريني ...
ابتسمت ريهام :
لكن مش عاوزة ألاقي ناموس وحشرات وكدا....
ضحكت نهر :
لع متخافيش الجصر عندينا فيه كل الوقاية الازمة ...
ضحكت ريهام :
إنتي لسانك بدأ يتعوج ولا إيه ..
ضحكت نهر :
مش قوي وحياتك بس لازم اندمج مع اللي حوليا
وخالي كان كدا في صغره مرة لسانه يتعوج ومرة يتكلم عادي لكن دلوقتي كل كلامه صعيدي ف اتعود
ضحكت ريهام :
هموت واشوف خالك الوسيم اللي جننتيني بيه دا ...
ضحكت نهر :
نجم سينما تحسيه شبه محمود عبد العزيز، او نور الشريف قدامك وهو دلوقتي بعد ما كبر أقرب في الشبه لعمر الشريف وهو كبير
اندهشت ريهام :
واو وعنده بقى ولد أمور زيه كدا.
تنحت نهر :
هه مش عارفة أنا لحد إمبارح كنت مستغربة إنه ما اتجوزش لحد دلوقتي بس اكتشفت إنه كان عايش قصة حب تجنن..
طلبت ريهام منها :
بجد طيب احكيلي...
ابتسمت نهر :
بعينك مش هحكيلك إلا لما يخلص القصة كلها الأول...
ضحكت ريهام :
ماشي يا ستي لما ابقى اجى هسمعها منك سلام بقى علشان أنزل البوست على الجروب
رمت نهر قبله على الشاشة وقالت :
تمام ياقلبي وضيفيني كدا علشان أقنعهم بالموضوع ....
ردت ريهام لها القبلة :
حاضر دقيقه و توصلك الإضافة ورأي نزلي إنتي البوست ووضح فكرتك ...
ابتسمت نهر :
رايك كدة حاضر يا ستي...
اغلقت معها شوية وبعد كده
وصل لها الأشعار قبول انضمام لجروب أطباء من كل العالم..
انصدمت نهر :
إيه العبط ده من كل العالم إزاي بس
اتصلت نهر ثاني بريهام فيديو كول وسالتها ...
هو الجروب اسمه غريب كده ليه ...
استغربت ريهام :
غريب إزاي يعني...
قرات نهر الاسم :
مكتوب أطباء من كل أنحاء العالم ....
اعتذرت ريهام :
أخ نسيت دا جروب تاني اسفة يا قلبي
واقبلي ده كمان مش هتخسري حاجة ...
وأنا هدخلك في التانى آه الأدمن بتاعه اسمه
الدكتور سليم، والجروب بتاعه لكن فيه كل الدفعات القديمة والجديدة ...
هزت نهر رأسها :
ميضرش بحاجة ضيفيني ...
بعد دقائق وصل الإشعار ووافقت على الإنضمام ...وبعد شوية قبلوا يدخلوها.
فتحت التليفون نهر ظهر قدمها الجروب
فرحت و بدأت تكتب البوست :
مساء الخير على أطباء مصر العظماء أنا ضيفة جديدة الدكتورة نهر سعد الدين، من الصعيد من قرية صغيرة إسمها كفر غريبة، وبفتح مستوصف قديم عندنا والبلد وكبرتها، جهزو المستوصف على أحسن مايكون ومع المنشور صور المكان والقرية، مطلوب متطوعين في التخصصات دي أطفال ، باطنة ، أسنان ، وعيون والدكتوره ريهام تطوعت مرة أو مرتين في الشهر،
السكن متاح والراتب أيضاً متاح وكتبت كل التفاصيل عندكم
بعدها ضغطت نشر وحست نفسها فصلت وما استننتش الموافقة ونامت
صحيت تاني يوم ونسيت خالص الموضوع ودخلت عند خالها...
.........................
في القاهرة ***
في غرفه كان يجلس طبيب وسيم نسخة مصغرة من مالك وهو يتصفح وسائل التواصل جاله طلب إنضمام نهر وقبل وبعدها المنشور وقبله دخل يدور عليها وقرأ البوست
إقتربت منه سيدة في عمر ٤٥تقريباً
(دخلت بالشاي ووضعته على الطاولة :
مش داخل عجلي واصل إن البتاع ديه فيه شغل ....
ابتسم سليم :
يا ست الكل إيه اللي مصحيكي لحد دلوقتي ...
تحدثت السيدة :
إعمل إيه بجى مدام ولدي سهران على جهاز عجيب وايه بيتحدت مع ناس وهما كمان بيتحدوا معاه ...
ضحك سليم :
وفيها إيه يا أمي مش كان عندك تليفزيون زمان وكان يظهر فيه الناس وكمان بتتكلم و تتحرك ...
هزت زبيد رأسها :
اه لكن مش في كل مكان كان عند وسكتت وعينها اتملت بالدموع ...
سالها سليم عندما راء الدموع فى عيونها :
ما آنش الأوان بقى أعرف سرك يا أمي اللي كاتمه في قلبك سنين فين أهلك وناسك وفين أبويا وانت اسمك زبيدة والا ليك اسم تاني
تنهد زبيده :
مش وجته ياولدي شوف شغلك وأني هصلي العشا واجهزلك لجمة تاكلها وإنت على لحم بطنك اكده ...
مسك ايدها سليم
تعبت من السؤال ومفيش إجابة صدقيني لو مقلتليش إجابة سؤالي هسيب البيت ومش هرجع تاني ...
نزلت دموع زبيده
ليه كده يا ولدي أني خايفة عليك ...
سالها سليم :
من مين وليه هربتي ...
تنهدت زبيده :
من التار ياولدي ...
سالها سليم بلهفة :
هو أبويا عليه تار قتل حد يعني..
هزت زبيد رأسها:
لع أني اللي جتلت يابني وخدتك وهربت خوفت لياخدوك مني أو يسجنوني..
انصدم سليم :
نعم قتلتي !!! قتلتي مين؟؟؟
......................
عند نهر دخلت صبحت على خالها
صباح الخير يا خالي ...
ابتسم مالك :
صباح الفل يابت الغالية إيه اللي صحاكي بدري اكده...
ابتسمت نهر :
نمت بدري يا خال وعاوزة أعرف بجيت الحكاية ممكن ...
ابتسم مالك :
طيب نفطروا الاول وبعد اكده احكيلك ....
هزت رأسها نهر بالمواقف :
ماشي يا خال بالهنا والشفا اه بقولك عملت إيه في موضوع الدكاترة اللي هتمسك معايا المستوصف ...
تنهد مالك :
اتكلمت يابتي مع الحزب وقالوا هو دكتور واحد بس يكون دكتور عام هيبعتوا أما الباجي رفض
اتفجي إنتي مع حد من صحباتك وزميلاتك يجوا مرة او مرتين في الشهر ...
ابتسمت نهر :
عملت كده يا خال نزلت بوست في الجروب وكمان شوية ادخل وأشوف مين موافج ...
استغرب مالك حديثها وسالها :
بوست إيه دا وقروب إيه ديه ...
بدت نهر تشرح ليه :
اسمه جروب ياخالي زى كده مكان في الفيس بيتجمع فيه ناس كتير علي حاجة بيحبها أو تخصص شغله .
ودلوقتي كل شركة أو مدرسة أو جامعة حتى المستشفيات بجي ليهم جروب بإسمهم ...
اندهش، مالك :
إيه وجع الرأس ديه يعني الكل بجي معاه الهباب ديه في كل وجت...
ابتسمت نهر :
الهباب ديه الله يسامحك يا خال
إسمه تليفون ياخالي وانقذ ناس كتير من الموت وساعد ناس كتير...
سالها مالك :
يعني مايضرش الناس بحاجة واصل...
تنهدت نهر :
أكيد ضار ياخال لكن للناس الفاضيه اللي بتدخل عشان تخرب بيتها بيديها لكن الناس المثقفه استغلوه لصالحهم..
سالها مالك :
إزاي بجى يابت صفية..
ابتسمت نهر :
هجولك يا خال في جروبات خاصة بالمستشفيات مثلاً وفي دكتور كبير في بلد تانية وفي حالة صعبة او مستعجلة وموجودة في الجروب دا أو ليه أكونت خاص بي تراسلوا معاه ويبعتوا له الإشاعة والتحاليل بيرد عليهم بكل النتيجة...
شهق مالك :
يا بوي كل ديه....
ابتسمت نهر :
وأحياناً بيعمل عملية بث مباشر وتوصل للأطباء ويطبقوا اللي بيقوم بيه الدكتور وينقذوا مريض من الموت غير آلاف الناس المفجوده والتايهة، بترجع عن طريج الفيس لما بينشروا صورة المختفي أو التايه...
ابتسم مالك :
والله العلم اطور يابتي ...
ابتسمت نهر :
أكيد ياخالي وكمان الناس بجت تروج لشغلها عن طريج الموبايل ملابس أو اكسسورات وكل حاجه
اي دا كل ديه تعليجات علي البوست هشوف لوفي حد موافج ولا مافيش ...
ابتسم مالك ودعا ليه :
تمام يابتي وأنا هجوم أصلي الضحى لحد ما تخلصي وادعيلك ...
هزت نهر رأسها ب ابتسامة :
ماشي ياخال تقبل الله منك
سالت نهر في نفسها
معقول هو فعلاً بيحكى قصته يعني أتغير للدرجه دي زبيدة عملت ايه علشان تخليه يبجي اكده وممكن بنت جاهله أو تعليم متوسط تهز شاب اكده
ما علينا أدخل أشوف مين اللي علق
************
طبيب القريه
اانتهى الفصل ٥
بقلمي صفاء حسنى الطيب
تابع
تعليقات
إرسال تعليق
اترك لنا تعليقًا ينم عن رأيك بالمحتوى